MATHAÏOS 28:2 - Khasi CL Bible (BSI)

² Kynsan kynsan la don ka jingkhih jumai kaba jur; u angel U Trai u la wan hiar na bneng, u la pyntyllun ïa u maw, bad u la shong halor jong u.

KA BAIBL

² Ha khmih ruh, la khih jumai bakhraw; naba u angel U Trai u la lah hiar na bneng, bad haba u la wan u la pyntyllun noh ïa uta u mawkhang, bad u la shong halor jong u.

MATHAÏOS 28:2 ပူးပေါင်းရင်းမြစ်များ

MATHAÏOS 27:60

bad u la buh ïa ka ha ka jingtep jong u hi, ïa kaba u dang phah tih shen na u mawsiang. Nangta u la pyntyllun ïa u maw uba heh na khmat ka jaka rung sha ka jingtep bad u la leit noh.

MATHAÏOS 27:66

Kumta ki la mihnoh bad ki la pynskhem ïa ka jingtep da kaba buh ïa ka muhor halor u maw bad buh ïa ki nongap phira ban ap.

ÏOANNIS 20:1

Dang step phyrngab ha ka Sngi U Trai, katba ka dang dum, ka Mari ka nong Magdala ka la leit sha kata ka jingtep bad ka la ïohi ba ïa u mawkhang la weng noh na ka jingkhang ka jingtep.

KI KAM 16:26

Kynsan la don ka jingkhynñiuh jumai kaba jur, kaba la pynkhynñiuh ïa ki nongrim jong ka byndi. Shisyndon ki jingkhang baroh ki la plie, bad ki kynjri ki la hap na ki koidi.

KI KAM 5:19

Hynrei ha kata ka miet u angel jong U Trai u la plie ïa ki khyrdop ka byndi, u la ïalam shabar ïa ki apostol, bad u la ong ha ki,

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

1 PETROS 1:12

U Blei u la pynpaw ha kine ki nongïathuhlypa ba ka jingtrei jong ki kam shym la long na ka bynta ka jingmyntoi jong ki hi, hynrei na ka bynta jong phi, katba ki dang lah kren shaphang kito kiei kiei ïa kiba phi la ïohsngew mynta na ki nonglamktien kiba la pynbna ïa ka Khubor Babha da ka bor U Mynsiem Bakhuid ba la phah na bneng. Kine ki long kiei kiei kiba wat ki angel ki thrang ban shemphang.

JINGPYNPAW 11:19

Ïa ka Templ U Blei ha bneng la plie, bad ïa ka Synduk ka Jutang la ïohi hangta. Nangta la don ki jingthaba leilieh, ki jingkyrhuh bad ki jingsawa u pyrthat, ka jingkhynñiuh jumai bad ka jinghap phria kaba jur.