MATHAÏOS 28:19 - Khasi CL Bible (BSI)

¹⁹ Kumta, khie leit, sha ki briew baroh kylleng bad pynlong ïa ki, ki synran jong nga: To pynbaptis ïa ki ha ka kyrteng jong U Kpa, U Khun, bad U Mynsiem Bakhuid,

KA BAIBL

¹⁹ namar kata keiñ, to khie da leit noh ma phi, to pynlong synran ïa ki bynriew baroh, da pynbaptis ïa ki ha ka kyrteng ka jong U Kpa, bad ka jong U Khun, bad ka jong U Mynsiem Bakhuid,

MATHAÏOS 28:19 ပူးပေါင်းရင်းမြစ်များ

JENESIS 1:26

Nangta U Blei u la ong, “Mynta pat ngin ïathaw ïa ki briew; kin long kum ma ngi bad syriem ïa ngi. Kin don ka bor halor ki dohkha, ki sim, bad ki mrad baroh, ki jingri ne ki mradkhlaw, kiba rit bad kiba heh.”

ISAÏAH 48:16

“Mynta to wan sha jan jong nga bad sngap ïa kaei ba nga ong. Naduh mynnyngkong nga la kren da kaba shai, bad borabor nga la pynlong ba ki ktien jong nga kin wan urlong shisha.” (Mynta U Trai Nongsynshar u la ai ha nga ïa ka bor jong u bad u la phah ïa nga.)

ISAÏAH 49:6

U Trai u la ong ha nga, “Nga don ka kam kaba kham khraw ïa me, ko shakri jong nga. Ym tang ba men rah pat sha ka jingkhraw ïa ki paid Israel kiba la lait im, hynrei ngan pynlong ruh ïa me ka jingshai sha ki jaitbynriew — khnang ba ka pyrthei baroh kan ïohlait im.”

ISAÏAH 52:10

U Trai un pyndonkam ïa ka bor bakhuid jong u; un pynim ïa la ki briew, bad ka pyrthei baroh kan ïohi ïa kata.

MATHAÏOS 13:52

Kumta u la jubab, “Kane ka mut, te, ba uwei pa uwei u nonghikai Aiñ uba long u synran hapoh ka Hima ki bneng u long kum u trai jong ka ïing uba la sei shabar ïa kiei kiei kiba thymmai bad kiba rim napoh ka kamra kynshew jong u.”

MATHAÏOS 25:32

bad ïa ki briew jong ki jaitbynriew baroh yn lumlang ha khmat jong u. Nangta un phiah ïa ki ha ki ar kynhun, kumba u nongaplangbrot u pynïakhlad ïa ki langbrot na ki blang.

KI KAM 1:2

Ha shuwa ban shim noh shajrong ïa u, u la ai ki jingbthah da ka bor U Mynsiem Bakhuid ha ki rangbah kiba u la jied kum ki apostol jong u.

KI KAM 1:8

Hynrei haba U Mynsiem Bakhuid u wan ha phi, yn pyndap ïa phi da ka bor, bad phin long ki sakhi jong nga ha Jerusalem, ha baroh ka Judia bad Samaria, bad shaduh kiba kut jong ka pyrthei.”

KI KAM 14:21

U Paul bad u Barnabas ki la ïalap ïa ka Khubor Babha ha Derbe bad ki la ïoh bun ki synran. Nangta ki la leit phai pat sha Lystra, sha Ikoniom, bad nangta sha Antiokh kaba ha Pisidia.

KI KAM 2:41

Kiba bun na ki, ki la ngeit ïa ka khubor jong u bad la pynbaptis ïa ki, bad kumba lai hajar ngut ki briew la pynïasoh sha ka kynhun ha kata ka sngi.

KI KAM 28:28

Bad u Paul u la pynkut: “Phi dei ban tip, te, ba ïa ka khubor jong U Blei shaphang ka jingpynim la phah sha ki Jentil. Kin shahshkor!”

KI KAM 9:18

Kumta hi kaei re kaei kaba kum ki snep dohkha ki la hap na ki khmat jong u Saul, bad u la lah ban ïohi pat. U la ïeng joit bad la pynbaptis ïa u;

Ka Shithi U Paul Sha Ki Nong Rom 10:18

Hynrei nga kylli: Hato ka long kaba shisha ba kim shym la ïohsngew ïa ka khubor? Da shisha ki la ïohsngew — naba kumba ka Jingthoh Bakhuid ka ong: “Ka jingsawa jong ka sur jong ki ka la leit sha ka pyrthei baroh; ki ktien jong ki, ki la poi shaduh kiba kut ka pyrthei.”

1 KORINTH 15:29

Mynta, aïu kan long ïa kito ki briew kiba la pynbaptis na ka bynta kiba ïap? Aïu ki kyrmen ban pyndep? Lada ka long kaba shisha, kumba don kiba kam, ba ïa kiba ïap yn ym pynmihpat, balei ïa kito ki briew la pynbaptis na ka bynta kiba ïap?

2 KORINTH 13:14

Ka jingaiei jong U Jisu Khrist uba U Trai, ka jingieit jong U Blei bad ka jingïasyllok jong U Mynsiem Bakhuid kin long lem bad phi baroh.

GALATIA 3:27

La pynbaptis ïa phi ha U Khrist, bad mynta la pynkup ïa phi, kumba ong, da ka jingim U Khrist hi.

EPHESOS 2:18

Ka dei lyngba U Khrist ba baroh ma ngi, ki Jiw bad ki Jentil, ngi la lah ban wan ha uwei U Mynsiem sha ka jingdon ryngkat jong U Kpa.

KOLOSSAI 1:23

Phi dei, da shisha, ban ïaineh ha ka nongrim kaba skhem bad kaba thikna, bad phim dei ban shah ïa lade ban shah pynkhynñiuh na ka jingkyrmen kaba phi la ïoh myn haba phi la ïohsngew ïa ka gospel. Ka dei na kane ka gospel ba ma nga u Paul, nga la kylla long u shakri — kane ka gospel kaba la ïalap ha uwei pa uwei ha ka pyrthei.

1 PETROS 3:21

kaba long ka dak kaba kdew sha ka jingpynbaptis, kaba pyllait im ïa phi mynta. Kam dei ka jingsait noh ïa ka jakhlia na ka met, hynrei ka jingkular ba la pynlong sha U Blei na ka jingïatiplem babha. Ka pynim ïa phi da ka jingmihpat jong U Jisu Khrist,

1 ÏOANNIS 5:7

Ki don lai ki sakhi: U Mynsiem, ka um bad ka snam; bad kine baroh lai ki ai ïa kajuh ka jingphla.