MATHAÏOS 28:18 - Khasi CL Bible (BSI)

¹⁸ U Jisu u la wan hajan bad u la ong ha ki, “La ai ha nga baroh ka bor ha bneng bad ha khyndew.

KA BAIBL

¹⁸ U Jisu te u da wan u la kren ha ki, u da ong, “La ai ha nga ka bor baroh ha bneng bad ha ka khyndew:

MATHAÏOS 28:18 ပူးပေါင်းရင်းမြစ်များ

SALM 89:19

Ha ka jingïohipaw la slem bah me la ong ha ki shakri baïaineh jong me, “Nga la ai ïa ka jingïarap ha u shipai uba pawnam, nga la ai ïa ka khet ha uwei uba la jied na ki briew.

SALM 89:27

Ngan pynlong ïa u, u khun phrangsngi jong nga, uba khraw tam na ki syiem baroh.

PROBERB 8:15

Nga ïarap ïa ki syiem ban synshar, bad ki nongsynshar ban thaw ki aiñ kiba bha.

MATHAÏOS 11:27

“U Kpa jong nga u la ai ha nga ïa kiei kiei baroh. Ym don mano mano ba ithuh ïa U Khun lait tang U Kpa, bad ym don mano mano ba ithuh ïa U Kpa lait tang U Khun bad kito ha kiba U Khun u jied ban pynpaw ïa u.

MATHAÏOS 16:28

Nga pynthikna ïa phi ba don katto katne hangne ki ban ym ïap tad haduh ba kin da ïohi ba U Khun U Briew u wan kum u Syiem.”

MATHAÏOS 26:64

U Jisu u la jubab ïa u, “Me ong kumta. Hynrei nga ong ïa phi baroh: Naduh kane ka por phin ïohi ïa U Khun U Briew ba u da shong ha ka liang kamon jong U Bakhrawbor tam bad u da wan ha ki lyoh bneng!”

LOUKAS 10:22

“U Kpa jong nga u la ai ha nga ïa kiei kiei baroh. Ym don batip U Khun u long uei lait tang U Kpa, bad ym don batip U Kpa u long uei lait tang U Khun bad kito ha kiba U Khun u jied ban pynpaw ïa U.”

ÏOANNIS 13:3

U Jisu u la tip ba U Kpa u la ai ha u ïa ka bor baroh; u la tip ba u la wan na U Blei bad ba un sa leit sha U Blei.

ÏOANNIS 17:2

Naba me la ai ha u ïa ka bor halor u bynriew baroh, khnang ba u lah ban ai ïa ka jingim bymjukut ha kito baroh ïa kiba me la ai ha u.

ÏOANNIS 3:31

Uta uba wan na bneng u kham khraw ban ïa baroh. Uta uba wan na ka pyrthei u dei u jong ka pyrthei bad u kren shaphang kiei kiei kiba dei jong ka pyrthei, hynrei uta uba wan na bneng u long halor baroh.

ÏOANNIS 3:35

U Kpa u ieit ïa la U Khun bad u la buh ïa kiei kiei baroh ha ka bor jong u.

KI KAM 10:36

Phi tip ïa ka khubor kaba u la phah sha ki paid Israel, da kaba pynbna ïa ka Khubor Babha jong ka jingsuk lyngba U Jisu Khrist, uba long U Trai jong baroh.

KI KAM 2:36

“Baroh ki paid Israel, te, ki dei ban tip da kaba thikna ba une U Jisu, uba phi la sahnarphna, u dei uta uba U Blei u la pynlong U Trai bad U Messaïah!”

Ka Shithi U Paul Sha Ki Nong Rom 14:9

Naba U Khrist u la ïap bad u la mihpat sha ka jingim khnang ban long U Trai jong kiba im bad jong kiba ïap.

1 KORINTH 15:27

Naba ka Jingthoh Bakhuid ka ong, “U Blei u buh ïa kiei kiei baroh hapoh ki kjat jong u.” Ka long kaba shai, da shisha, ba ki ktien “kiei kiei baroh” kim kynthup ïa U Blei hi, uba buh ïa kiei kiei baroh hapoh U Khrist.

KOLOSSAI 2:10

U long uba hakhlieh tam halor kawei pa kawei ka jingsynshar ba kynja mynsiem bad ka bor synshar.

HEBRU 1:2

Hynrei ha kine ki sngi kiba khatduh u la kren ha ngi lyngba U Khun jong u. U la long uta da uba U Blei u la thaw ïa ka pyrthei, uta ïa uba U Blei u la jied ban long u nongïoh kynti ïa kiei kiei baroh ha kaba kut.

HEBRU 2:8

La ong ba U Blei u la pynlong ïa u briew “u nongsynshar halor kiei kiei baroh;” kane ka paw shai ba ka kynthup ïa kiei kiei baroh. Pynban, ngim pat ïohi ba u briew un synshar halor kiei kiei baroh mynta.

1 PETROS 3:22

uba la leit noh sha bneng bad u don ha ka kti kamon U Blei, da kaba synshar halor ki angel baroh bad ki nongsynshar bad ki bor ba kynja bneng.

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

JINGPYNPAW 17:14

Kin ïaleh pyrshah ïa U Khunlangbrot; hynrei U Khunlangbrot, lem bad ki nongbud jong u ïa kiba u la khot, u la jied, bad kiba ïaineh skhem, un jop ïa ki, namar ba u dei U Trai jong ki trai bad U Syiem jong ki syiem.”

JINGPYNPAW 19:16

Ha ka jaiñkup jong u bad ha ka lbong jong u la thoh ïa ka kyrteng: “U Syiem jong ki syiem bad U Trai jong ki trai.”