MATHAÏOS 27:51 - Khasi CL Bible (BSI)

⁵¹ Nangta ïa ka pyrda kaba la wah hapoh ka Templ la kad arliang naduh khlieh haduh tbian. Ka khyndew ka la khynñiuh, ki mawsiang ki pra la ka jong ka jong,

KA BAIBL

⁵¹ Ha khmih ruh, ka jingkah ha ka templ ka la kad ar bynta, naduh na jrong haduh ha tbian, bad ka khyndew ka la khynñiuh, bad ki mawsiang ki la pdang,

MATHAÏOS 27:51 ပူးပေါင်းရင်းမြစ်များ

2 KHRONIKL 3:14

Ïa ka pyrda na ka bynta ka Jaka Kaba Kyntang Tam la thaw na ka jaiñ linen bad kiwei pat ki jait jaiñ, ba la wieh rong jngum, sawbthuh, bad saw, lem bad ki dur Kherub ba la thain ha ki.

SALM 18:15

Ïa ka trai duriaw la pynlyngkhuit, bad ïa ki nongrim ka khyndew la pynpaw, haba me la sneng tyngeh ïa ki nongshun, A Trai, bad me byrthen ïa ki ha ka jingbitar.

SALM 18:7

Nangta ka khyndew ka la khynñiuh bad ka la khih; ki nongrim jong ki lumbah ki la khynñiuh bad kyiuh, namar ba U Blei u la bitar.

EKSODOS 40:21

Nangta u buh ïa kata ka synduk hapoh ka Ïingjaiñ bad u wah ïa ka pyrda. Da kumne u kah ïa ka Synduk ka Jutang, kumba U Trai u la hukum ïa u.

ISAÏAH 25:7

Hangne un sa weng kynsan ïa u lyoh jong ka jingsngewsih uba ju tap halor ki jaitbynriew baroh.

LEBITIKOS 16:2

U ong, “Ïathuh ha u hynmen jong me u Aaron ba dei tang ha ka por kaba dei ba un leit shadien ka jingkah jong ka jaka kaba khuid tam, namar ba dei hangta ba nga mihpaw ha u lyoh halor ka jingtap ka Synduk ka Jutang. Lada um kohnguh, un shah pynïap.

LEBITIKOS 21:23

hynrei namar ba u don ka jingduna ha ka met, um bit ban wan hajan ka jingkah pyrda kaba kyntang ne ban leit sha jan ka duwan. Um dei ban pynbit tngit ïa kine ki jaka kyntang jong nga; namar nga long U Trai bad nga pynkyntang ïa ki.”

HABAKKUK 3:10

Haba ki lumbah ki la ïohi ïa me, ki kyiuh; ka um ka hap na ki sahit bneng. Ki um hapoh ka khyndew ki kyrhuh, bad ki jingat phyllung jong ki, ki kiew shalor.

HABAKKUK 3:13

Me mihnoh ban pyllait ïa la ki briew, ban pyllait ïa u syiem ba la jied jong me. Me pynkyllon ïa u nongïalam jong ki bymman bad pynjot thiaw ïa ki nongbud jong u.

JINGKHEIÑ 4:5

U Trai u la ai ha u Moses ïa kine ki jingbthah harum. Haba la dei ka por ban kynriah jaka shawei, u Aaron bad ki khun shynrang jong u kin rung shapoh ka Ïingjaiñ, kin weng noh ïa ka pyrda kaba ha khmat ka Synduk ka Jutang, bad kin tap ïa kata ka Synduk da ka.

MATHAÏOS 27:54

Haba u rangbah shipai bad ki shipai kiba bad u, kiba la ïa-ap ïa U Jisu ki la ïohi ïa u jumai bad ïa kiei kiei baroh kiba la jia, ki la sngewshyrkhei bad ki la ong, “Da shisha u la long U Khun U Blei!”

MATHAÏOS 28:2

Kynsan kynsan la don ka jingkhih jumai kaba jur; u angel U Trai u la wan hiar na bneng, u la pyntyllun ïa u maw, bad u la shong halor jong u.

MARKOS 15:38

Ka pyrda kaba wah ha ka Templ ka la kad arliang, naduh khlieh haduh tbian.

LOUKAS 23:45

bad ïa ka pyrda ba la wah hapoh ka Templ la pynkad arliang.

LOUKAS 23:47

U rangbah shipai u la ïohi ïa kaei kaba la jia, bad u la ïaroh ïa U Blei, da kaba ong, “Da shisha u la long u briew uba bha!”

HEBRU 6:19

Ngi don kane ka jingkyrmen kum u angkor ïa ki jingim jong ngi. Ka long kaba skhem bad kaba thikna, bad ka ïaid lyngba ka jingkah jong ka Templ ba kynja bneng shaduh ka kamra kaba kham shapoh.

HEBRU 9:3

Ha lyndet ka jingkah kaba ar la don ka Ïingjaiñ ïa kaba la khot ka Jaka kaba Kyntang Tam.

JINGPYNPAW 11:13

Ha kata ka khyllipmat hi la jia ka jingkhih jumai kaba jur; shi bynta na ka shiphew bynta jong ka nongbah la pynjot, bad hynñiew hajar ngut ki briew ki la ïap. Kita kiwei pat ki briew ki la sngewtriem bad ki la ïaroh ïa ka jingkhraw U Blei jong ka bneng.

JINGPYNPAW 11:19

Ïa ka Templ U Blei ha bneng la plie, bad ïa ka Synduk ka Jutang la ïohi hangta. Nangta la don ki jingthaba leilieh, ki jingkyrhuh bad ki jingsawa u pyrthat, ka jingkhynñiuh jumai bad ka jinghap phria kaba jur.