MATHAÏOS 27:50 - Khasi CL Bible (BSI)

⁵⁰ U Jisu u la lynñiar biang bad u la ring pynhiar mynsiem khatduh.

KA BAIBL

⁵⁰ U Jisu te haba u la pyrta pat da ka ktien bajam, u la ai noh ïa la ka mynsiem.

MATHAÏOS 27:50 ပူးပေါင်းရင်းမြစ်များ

DANIEL 9:26

Bad ha kaba kut jong kata ka por ïa u nongïalam ba la jied jong U Blei yn pynïap khlem bishar hok. Ïa ka nongbah bad ïa ka Templ yn pynjot da ka kynhun shipai kaba hiarthma jong u nongsynshar badonbor. Kaba kut kan wan kum ka jingshlei um, ka da wallam ïa ka thma bad ïa ka jingpynjot kaba U Blei u la lah pynkhreh.

MATHAÏOS 20:28

kum U Khun U Briew, u bym shym la wan ba un shah shakri, hynrei ban shakri bad aiti ïa la ka jingim ban siewspah ïa ki briew kiba bun.”

MATHAÏOS 27:49

Hynrei kiwei pat ki la ong, “To ap, to ngin peit lada u Elijah un wan bad pyllait im ïa u!”

MARKOS 15:37

Hadien ka jingpyrta kaba jam, U Jisu u la ïap.

LOUKAS 23:46

U Jisu u la pyrta ha ka sur bajam, “Ko Pa! Ha ki kti jong me nga aiti ïa la ka mynsiem!” U la ong ïa kane bad u la ïap.

ÏOANNIS 10:11

“Nga, nga long u nongaplangbrot uba bha, uba kloi ban ïap na ka bynta ki langbrot.

ÏOANNIS 19:29

La don ka pliang hangta, kaba dap da ka waiñ ka bym bha; kumta la wieh ïa spoiñ ha ka waiñ, la teh ha ka khum Hissop, bad la kyntiew ha ki rmiang shyntur jong u.

ÏOANNIS 19:30

U Jisu u la dih ïa kata ka waiñ bad u la ong, “La pyndep!” Nangta u la noh lyngngeh la ka khlieh bad u la ïap.

HEBRU 2:14

Namar ba kita ki khun, kumba u khot ïa ki, ki long ki briew na ka doh bad ka snam, U Jisu u la long u briew kum ma ki hi bad ïoh bynta lang na ka jinglongbriew jong ki. U la leh ïa kane, khnang ba da ka jingïap jong u, u lah ban pynduh ïa u Bymman, uba don ka bor halor ka jingïap,

HEBRU 5:7

Ha ka jingim jong u ha kane ka pyrthei, U Jisu u la duwai bad khot kyrpad da kaba pyrta jam bad ïam ha khmat U Blei, uba lah ban pyllait ïa u na ka jingïap. Namar ba u long uba sngewrit bad aiti lut, U Blei u la shahshkor ïa u.

HEBRU 9:14

Namar ba kane ka long kaba shisha, kaba katno tam lah ban pyndep da ka snam U Khrist! Lyngba U Mynsiem bymjukut u la aiti ïa lade kum ka jingkñia kaba janai ha U Blei. Ka snam jong u kan pynkhuid ïa ka jingïatiplem jong ngi na ki niam ki rukom ki bymmyntoi, khnang ba ngi lah ban shakri ïa U Blei uba im.