MATHAÏOS 27:4 - Khasi CL Bible (BSI)

⁴ “Nga la leh pop da kaba nga shetkylla ïa u briew uba lui lui ban ïap!” u la ong. “Kan ïadei aïu kata bad ngi?” ki la jubab. “Kata ka dei ka kam jong me!”

KA BAIBL

⁴ u da ong, “Nga la leh pop haba nga la die noh ïa ka snam balui lui.” Ki te ki la ong, “Kata ka dei aïu ïa ngi? khmih hi ma me keiñ.”

MATHAÏOS 27:4 ပူးပေါင်းရင်းမြစ်များ

1 SYIEM 21:27

Haba u Elijah u la dep kren, u Ahab u la kad ïa la ki jaiñ, u la law ïa ki bad u phong da ki jaiñ khain. Um treh bam, u thiah ha ka jaiñ khain, bad u leit phai da kaba khuslai bad rit mynsiem.

2 SYIEM 24:4

bad khamtam namar baroh ki briew balui lui kiba u la pynïap. U Trai um lah shuh ban map ïa u Manasseh na ka bynta kata.

Ka Kitab U Job 13:4

Me tap ïa ka jingbymtip jong me da ka jingshukor; Me long kum ki doktor ki bym lah ban pynkoit ïano ïano.

SALM 94:21

kiba ïasylla lang pyrshah ïa ki briew kiba bha bad rai pynrem ïa kiba lui lui sha ka jingïap.

EKSODOS 12:31

Ha kata kajuh ka miet, u Pharaoh u la phah khot mar mar ïa u Moses bad u Aaron, bad u ong, “Khie mihnoh na ka ri jong nga, ma phi bad ki Israel! Khie leit bad mane ïa U Trai kumba phi la pan.

EKSODOS 9:27

U Pharaoh u la phah khot ïa u Moses bad u Aaron, bad u ong ha ki, “Ha kane ka sien nga la leh pop; U Trai u leh ïa kaba dei; ma nga bad ki briew jong nga ngi la leh bakla.

PROBERB 12:8

Lada phi long kiba shemphang, phin ïoh jingïaroh; lada phi long kiba mutlop, ki briew kin peitbeiñ ïa phi.

JEREMAÏAH 26:15

Hynrei to tip skhem ïa kane: Lada phi pynïap ïa nga, ma phi bad ki briew jong kane ka nongbah phin long kiba la rem ha kaba pynïap ïa u briew uba lui lui namar u dei U Trai uba la phah ïa nga ban ai ha phi ïa kane ka jingmaham.”

JONAH 1:14

Kumta ki la kyang sha U Trai, “A Trai, ngi duwai, to wat pynshitom ïa ngi da ka jingïap ban shim ïa ka jingim jong une u briew! Ma me, ko Trai, me kitkhlieh na ka bynta kane baroh; ka long ka jingleh jong me.”

MATHAÏOS 27:19

Katba u Pilat u dang shong ha ka kamra ïingbishar, ka tnga jong u ka la phah khubor sha u: “Wat leh ei ei ïa uta u briew uba lui lui, namar ba ha ka jingphohsniew hynne mynmiet nga la shahshitom shikatdei eh na ka bynta jong u.”

MATHAÏOS 27:54

Haba u rangbah shipai bad ki shipai kiba bad u, kiba la ïa-ap ïa U Jisu ki la ïohi ïa u jumai bad ïa kiei kiei baroh kiba la jia, ki la sngewshyrkhei bad ki la ong, “Da shisha u la long U Khun U Blei!”

LOUKAS 23:22

U Pilat u la ong ha ki ha ka sien kaba lai, “Hynrei kaei ka kam runar kaba u la leh? Ngam lah ban shem ïa kano kano kaba u la leh kaba u dei ban ïap! Ngan phah sympat ïa u bad pyllait noh ïa u.”

LOUKAS 23:41

Ïa ngi, pynban, ka long kaba dei hok, namar ba ngi ïoh ïa kaei kaba ngi dei ban ïoh na ka bynta kaei kaba ngi la leh; hynrei, um shym la leh kano kano ka bym dei.”

LOUKAS 23:47

U rangbah shipai u la ïohi ïa kaei kaba la jia, bad u la ïaroh ïa U Blei, da kaba ong, “Da shisha u la long u briew uba bha!”

ÏOANNIS 19:7

U paidbah u la phai ktien, “Ngi don ka hukum kaba ong ba u dei ban ïap, namar u la kam ba u long U Khun U Blei.”

KI KAM 13:28

Bad wat la kim shym la shem kano kano ka daw ban rai pynïap ïa u, ki la kyrpad ïa u Pilat ban phah pynïap ïa u.

Ka Shithi U Paul Sha Ki Nong Rom 3:19

Mynta ngi tip ba kiei kiei baroh ha ka Hukum ki dei ïa kito kiba im hapoh ka Hukum, khnang ban pynsangeh ïa baroh ki jingaidaw jong ki briew bad wallam ïa ka pyrthei baroh kawei hapoh ka jingbishar U Blei.

1 TIMOTHI 4:2

Kiba kum kita ki jinghikai ki wan na ki riewarsap bashukor, kiba la ïap ki jingïatiplem, kumba la thang da u narsaw.

TITOS 1:16

Ki kam ba ki tip ïa U Blei, hynrei ki jingleh jong ki, ki len ïa kata. Ki long kiba dap da ka jingisih bad bymkohnguh, ki bym biang ban leh ïa kano kano kaba bha.

HEBRU 7:26

U Jisu, te, u long U Rangbah Lyngdoh uba pynbiang ïa ki jingdonkam jong ngi. U long uba khuid; um shym don kano kano kaba bakla lane ka pop ha u; la pynkyrpang ïa u na ki nongpop bad la kyntiew ïa u sha ki bneng.

1 PETROS 1:19

ka la long ka jingkñia kaba remdor jong U Khrist, uba la long kum u khunlangbrot uba khlem don jingthohbria lane jingduna.

1 ÏOANNIS 3:12

Ngim dei ban long kum u Kain; u la long jong u Basniew bad u la pynïap ïa u Abel, u para jong u. Balei u Kain u la pynïap ïa u? Namar kiei kiei kiba u la leh da lade hi ki la long ki bym dei, hynrei kiei kiei kiba u para jong u, u la leh ki la long kiba dei.

JINGPYNPAW 11:10

Ki briew kiba shong ha ka pyrthei kin ïakmen namar ka jingïap jong kine ki ar ngut. Kin ïalehkmen bad kin ïa-ai jingai sngewbha markylliang, namar ba kita ki ar ngut ki nongïathuhlypa ki la wallam shibun ki jingshitom halor u bynriew.

1 SAMUEL 15:24

“Ho-oid, nga la leh pop,” u Saul u jubab. “Ngam shym kohnguh ïa ka hukum U Trai bad ïa ki jingsneng pyn-i jong phi. Nga la sheptieng ïa ki rangbah jong nga bad nga la leh ïa kaei kaba ki kwah.

1 SAMUEL 15:30

“Nga la leh pop,” u Saul u jubab. “Hynrei la kumno kumno pyn-i ka jingñiewkor ïa nga ha khmat ki nongïalam jong ki briew jong nga bad ki Israel baroh. Ïaleit phai ryngkat bad nga, ba ngan lah ban mane ïa U Trai U Blei jong phi.”

1 SAMUEL 19:5

U la kheiñduh ïa la ka jingim mynba u pynïap ïa u Goliath, bad U Trai u la pynïoh ïa ka jingjop kaba khraw na ka bynta ki Israel. Mynba phi ïohi ïa kata, phi la sngewkmen. Balei te mynta, phi kwah ban leh bymdei ïa u briew uba lui lui bad ban pynïap ïa u Dabid khlem kano kano ka daw?”