MATHAÏOS 27:26 - Khasi CL Bible (BSI)

²⁶ Nangta u Pilat u la pyllait ïa u Barabbas na ka bynta jong ki; bad hadien kata, u la phah sympat ïa U Jisu, u la aiti ïa u ban sahnarphna.

KA BAIBL

²⁶ Ynda kumta, u la pyllait ïa u Barabbas ha ki; hynrei, ïa U Jisu u la sympat, bad u la aiti noh ïa U ba yn sahnarphna.

MATHAÏOS 27:26 ပူးပေါင်းရင်းမြစ်များ

ISAÏAH 50:6

Nga pynshah da ka met sha kito kiba shoh ïa nga. Ngam shym pynsangeh ïa ki haba ki krenbeiñ ïa nga, haba ki patrong ïa ki shñiuh na u 'ñiuhtmoh jong nga bad bynthiew ha ka khmat jong nga.

ISAÏAH 53:5

Hynrei namar ki pop jong ngi ïa u la pynmong, la sympat namar ka jingbymman kaba ngi la leh. La pynkhiah ïa ngi da ka jingpynshitom kaba u la shah, la pynkhiah ïa ngi da ki jingsympat kiba u la ïoh.

MATHAÏOS 20:19

Kin pynrem ïa u sha ka jingïap bad kin aiti ïa u ha ki Jentil, ki ban krenbeiñ ïa u, kin sympat ïa u, bad kin sahnarphna ïa u; hynrei hadien lai sngi yn sa pynmihpat ïa u.”

MARKOS 10:34

ki ban sa rkhiebeiñ ïa u, kin bynthiew halor jong u, kin sympat ïa u, bad pynïap ïa u; hynrei hadien lai sngi un sa mihpat.”

MARKOS 15:15

U Pilat u la kwah ban pynsngewbha ïa u paidbah, kumta u la pyllait ïa u Barabbas na ka bynta jong ki. Nangta u la phah sympat ïa U Jisu bad aiti ïa u ban shah sahnarphna.

LOUKAS 23:16

Kumta ngan phah sympat ïa u bad pyllait noh ïa u.”

ÏOANNIS 19:1

Te u Pilat u la shim ïa U Jisu bad u la phah sympat ïa u.

ÏOANNIS 19:16

Te u Pilat u la aiti noh ïa U Jisu sha ki ïa ka ban sahnarphna. Kumta ki la shimti noh ïa U Jisu.

1 PETROS 2:24

U Khrist da lade hi u la bah noh ïa ki pop jong ngi ha ka met jong u sha ka diengphna, khnang ba ngin ïap ïa ka pop bad ïoh im na ka bynta ka hok. Ka dei da ki jingjngem snam jong u ba la pynkhiah ïa phi.