MATHAÏOS 27:25 - Khasi CL Bible (BSI)

²⁵ U paidbah baroh u la jubab, “Ai ba ka jingkitkhlieh na ka bynta ka jingïap jong u kan hap halor jong ngi bad halor ki khun jong ngi!”

KA BAIBL

²⁵ Ki briew baroh ki da ïathuh ki la ong ruh, “To ka snam jong U kan long halor jong ngi, bad halor ki khun jong ngi.”

MATHAÏOS 27:25 ပူးပေါင်းရင်းမြစ်များ

2 SAMUEL 1:16

bad u Dabid u ong ha uta u nong Amalek, “Me la wallam ïa kane halor lade. Me la pynrem ïa lade haba me phla ba me la pynïap ïa uta uba U Trai u la jied ban long syiem.”

1 SYIEM 2:32

U Trai un pynshitom ïa u Joab na ka bynta kito ki jingpynïap, kiba u la leh khlem ka jingtip u Dabid u kpa jong nga. U Joab u la pynïap ar ngut ki rangbah balui lui kiba kham bha ban ïa u — u Abner, u rangbah ai hukum jong ka kynhun shipai Israel, bad u Amasa, u rangbah ai hukum jong ka kynhun shipai Judah.

EKSODOS 20:5

Wat dem lane mane ïa kano kano ka bleithaw, naba nga, nga long U Trai U Blei jong phi bad ngam lah shah ïano ïano ba pyrshah ïa nga. Nga wallam ka jingpynshitom ha kito kiba isih ïa nga bad ha ki khun ki ksiew jong ki haduh kaba lai bad kaba saw pateng bynriew.

JINGKHEIÑ 35:33

Lada phi leh kumta, phi pynjakhlia ïa ka ri ha kaba phi shong phi sah. Ka jingpynïap briew ka pynjakhlia ïa ka ri, bad ym lah ban pyndep ïa ka jinglehniam ka jingpynkhuid ïa kata ka ri ha kaba u briew u shah pynïap, lait tang da ka jingpynïap ïa u nongpynïap briew.

MATHAÏOS 21:44

Uno uno uba hap halor une u maw un shah ot lyngkhot; bad lada u maw u hap halor uno uno, un pynlwet jin ïa uta.

KI KAM 18:6

Haba ki la ïa-pyrshah ïa u bad ki la ong kiei kiei kiba sniew shaphang jong u, u la pynpaw ïa ka jingsngew pyrshah da kaba kynther ïa u pui pui na ki jaiñ jong u bad ong ha ki, “Lada phi long kiba la jah noh, phi hi da lade phi dei ban shim ka jingkitkhlieh na ka bynta jong ka! Ngam don jingkitkhlieh. Naduh mynta ngan leit sha ki Jentil.”

KI KAM 5:28

“Ngi la ai ha phi ïa ki hukum bapyrkhing ban ym hikai ha ka kyrteng jong une u briew,” u la ong; “hynrei peit kaei kaba phi la leh! Phi la pynphriang ïa ka jinghikai jong phi kylleng ka Jerusalem, bad phi kwah ban pynlong ïa ngi kiba kitkhlieh na ka bynta ka jingïap jong u!”

KI KAM 7:52

Hato ym don u nongïathuhlypa ïa uba ki kpa tymmen jong phi ki la pynshitom beiñ? Ki la pynïap ïa ki nonglamktien jong U Blei, kiba slem bah mynshuwa ki la pynbna ïa ka jingwan jong u shakri bahok jong u.

DEUTERONOMI 19:10

To leh ïa kane, ba ki briew kiba shida kin ym shah pynïap ei, bad kumta phin ym kit pop ba dei ma phi kiba la pynïap ïa ki ha kata ka ri ba U Trai u ai ha phi.

DEUTERONOMI 19:13

Wat leh-isynei ïa u. Rat noh na Israel kum ïa uta u nongpynïap briew, khnang ba phin manbha.

JOSHUA 2:19

Lada uno uno u mih shabar jong kane ka ïing, ka jingïap jong u kan dei ka jingbakla jong u hi, bad ngin ym kitkhlieh ei ei; hynrei lada la pynmynsaw ïa uno uno uba hapoh ka ïing, te ngi ngin kitkhlieh.