MATHAÏOS 27:1 - Khasi CL Bible (BSI)

¹ Dang step phyrngab, baroh ki rangbah lyngdoh bad ki tymmen ki san ki la pynlong ki jingthmu jong ki pyrshah ïa U Jisu ban pynïap ïa u.

KA BAIBL

¹ Haba ka la shai te, ki rangbah lyngdoh baroh bad ki tymmen basan jong u paidlang ki la ïasylla shaphang U Jisu, ïa ka ban pynïap ïa u.

MATHAÏOS 27:1 ပူးပေါင်းရင်းမြစ်များ

SALM 2:2

Ki syiem jong ki, ki ïeng pyrshah, ki nongsynshar jong ki, ki ïasylla lang pyrshah ïa U Trai bad pyrshah ïa u syiem uba u la jied.

SALM 31:13

Nga ïohsngew shibun ki nongshun ki ïa-pasiaw; ka jingma ka long ha baroh sawdong ïa nga. Ki ïathaw ki lad pyrshah ïa nga, ki ïasuhbuit ban pynïap ïa nga.

SALM 71:10

Ki nongshun jong nga ki kwah ban pynïap ïa nga; ki ïakren bad sylla pyrshah ïa nga.

MIKAH 2:1

Katno kaba sngewtriem kan long ïa kito kiba peitmat bad thmu ïa kaba sniew! Haba poi ka step, mar ïa-ïoh ïa ka kabu, ki leh ïa kaba sniew kaba ki la thmu.

MATHAÏOS 23:13

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi khang ïa ka jingkhang sha ka Hima ki bneng na khmat ki briew, hynrei ma phi da lade hi phim leit rung shapoh, lymne ba phi shah shapoh ïa kito kiba pyrshang ban rung!

MARKOS 15:1

Dang step eh ki rangbah lyngdoh ki la ïakynduh kyrkieh bad ki rangbah nongïalam, ki nonghikai jong ka Hukum, bad ïa ka Dorbar baroh kawei, bad ki la shna ïa ki jingthmu jong ki. Ki la teh kynjri ïa U Jisu, ki la ïalam noh ïa u, bad ki la aiti ïa u sha u Pilat.

LOUKAS 13:1

Ha kata ka por, la don hangta katto katne ngut ki briew kiba la ïathuh ha U Jisu shaphang ki nong Galilaïa ïa kiba u Pilat u la phah pynïap katba ki dang ai ki jingkñia sha U Blei.

LOUKAS 22:66

Haba ka la long mynsngi, ki tymmen ki san, ki rangbah lyngdoh, bad ki nonghikai ka Hukum ki la ïashem lang, bad ïa U Jisu la wallam ha khmat ka dorbar.

ÏOANNIS 18:28

Dang step phyrngab la ïalam ïa U Jisu na ka ïing u Kaïaphas sha ka ïing jong u lyngskor. Ki nongsynshar jong ki Jiw kim shym la rung shapoh ka ïing, naba ki kwah ban sumar khuid ïa lade kat kum ka jinglehniam, khnang ba ki lah ban bam ïa ka Jingkhawai Niam Ka Jinglait.

KI KAM 5:21

Ki apostol ki la kohnguh, bad haba dang byrngut ki la rung sha ka Templ bad ki la sdang ban hikai. U Rangbah Lyngdoh bad kiba synran ïa u ki la khot lang ïa ki tymmen ki san jong ki Jiw na ka bynta ka jingïalang ba-pura jong ka Dorbar; nangta ki la phah hukum sha ka byndi ban wallam ïa ki apostol ha khmat jong ki.

NONGBISHAR 16:2

Ki nong Gasa ki shem ba u Samson u don hangta, kumta ki kerkut ïa kata ka jaka bad ki ap ïa u baroh shi miet ha khyrdop shnong. Ki ap jar jar baroh shi miet, da kaba pyrkhat ha lade, “Ngin ap haduh ban da kynjat shai, ban nangta ngin sa pynïap ïa u.”

1 SAMUEL 19:11

Ha kata hi ka miet u Saul u phah katto katne ngut ki rangbah ban khmih siar ïa ka ïing u Dabid bad ban pynïap ïa u ha ka step kaba bud. Ka Mikhal, ka tnga u Dabid, ka maham ïa u, “Lada phim phet mynta ka miet, lashai ka sngi phin long uba la ïap noh.”