MATHAÏOS 26:64 - Khasi CL Bible (BSI)

⁶⁴ U Jisu u la jubab ïa u, “Me ong kumta. Hynrei nga ong ïa phi baroh: Naduh kane ka por phin ïohi ïa U Khun U Briew ba u da shong ha ka liang kamon jong U Bakhrawbor tam bad u da wan ha ki lyoh bneng!”

KA BAIBL

⁶⁴ U Jisu u la ong ha u, “Me la ong. Hynrei, nga ong ruh ha phi, ba phin ïohi lawei ïa U Khun u briew haba u shong sha kamon ka Bor baroh, bad haba u wan ha ki lyoh ka bneng.”

MATHAÏOS 26:64 ပူးပေါင်းရင်းမြစ်များ

SALM 110:1

U Trai u la ong ha u trai jong nga, u syiem, “Shong hangne ha ka liang kamon jong nga haduh ba ngan da pyndem ïa ki nongshun jong me hapoh ki kjat jong me.”

ISAÏAH 19:1

Kane ka dei ka khubor shaphang ka Ijipt. U Trai u wan sha Ijipt, u da shong ha u lyoh uba ïaid stet. Ki bleithaw jong ki Ijipt ki khynñiuh ha khmat jong u, bad ki briew jong ka Ijipt ki duh noh ïa ka jingshlur jong ki.

DANIEL 7:13

Ha kane ka jingïohipaw ha ka por mynmiet, nga la ïohi ïa kaei kaba i kum u briew. U la wan sha nga, ba la ker sawdong da u lyoh, bad u la leit sha uta uba la im junom bad la ai sngewbha ha u.

MATHAÏOS 16:27

Naba U Khun U Briew u la jan wan ha ka burom jong U Kpa jong u lem bad la ki angel, bad nangta un ainong ïa uwei pa uwei kat kum ki kam jong u.

MATHAÏOS 16:28

Nga pynthikna ïa phi ba don katto katne hangne ki ban ym ïap tad haduh ba kin da ïohi ba U Khun U Briew u wan kum u Syiem.”

MATHAÏOS 22:44

“ ‘U Trai u la ong ha U Trai jong nga: To shong hangne ha ka liang ka mon jong nga tad haduh ba ngan buh ïa ki nongshun jong me hapoh ki kjat jong me.’

MATHAÏOS 24:30

Nangta ka dak U Khun U Briew kan paw ha ka sahit bneng, bad baroh ki jaitbynriew jong ka pyrthei kin ïam haba ki ïohi ïa U Khun U Briew ba u wan ha ki lyoh bneng ha ka bor bad ka burom bakhraw.

MATHAÏOS 25:31

“Haba U Khun U Briew un wan kum u Syiem bad ki angel baroh lem bad u, un shong halor ka khet syiem jong u,

MATHAÏOS 26:25

U Judas, u nongshetkylla, u la kren, “Da shisha, ko Nonghikai, mem shym mut ïa nga?” u la kylli. U Jisu u la jubab, “Me ong kumta.”

MATHAÏOS 27:11

U Jisu u la ïeng ha khmat u lyngskor ka hima Rom, uba la kylli jingkylli ïa u. “Hato me long u Syiem ki Jiw?” u la kylli. “Me ong kumta,” la jubab U Jisu.

MATHAÏOS 28:18

U Jisu u la wan hajan bad u la ong ha ki, “La ai ha nga baroh ka bor ha bneng bad ha khyndew.

MATHAÏOS 8:20

U Jisu u la jubab ïa u, “Ki myrsiang ki don ki krem, bad ki sim ki don ki skum, hynrei U Khun U Briew um don jaka hangno hangno ban dem bad ban pynjahthait.”

MARKOS 14:62

“Nga long,” U Jisu u la jubab, “bad phin ïohi ïa U Khun U Briew uba shong ha ka liang kamon jong U Badonbor Baroh bad ba u wan ha ki lyoh jong ka bneng!”

LOUKAS 21:27

Nangta U Khun U Briew un paw, u da wan ha ki lyoh lem bad ka bor bad ka burom bakhraw.

LOUKAS 22:69

Hynrei naduh mynta U Khun U Briew un shong ha ka liang kamon jong U Blei Badonbor Baroh.”

LOUKAS 22:70

Baroh ki la ong, “Hato ma me, te, me long U Khun U Blei?” U la jubab ïa ki, “Phi ong ba nga long.”

ÏOANNIS 18:37

Kumta u Pilat u la kylli ïa u, “Haba kumta, me, me dei u syiem?” U Jisu u la jubab, “Me hi me ong ba nga long u syiem. Ïa nga la kha bad nga la wan sha ka pyrthei na ka bynta kane kawei ka jingthmu, ban kren shaphang ka jingshisha. Uno uno uba dei jong ka jingshisha u shahshkor ïa nga.”

KI KAM 1:11

“Ko nong Galilaïa, balei phi ïa-ïeng hangne da kaba khmied sha ka sahit bneng? Une U Jisu, ïa uba la shim noh sha bneng na phi, un wan pat ha kajuh ka rukom ba phi la ïohi ba u kiew sha bneng.”

Ka Shithi U Paul Sha Ki Nong Rom 14:10

Ma phi te, kiba bam tang ki jhur — balei phi bishar ïa la u parabangeit? Bad ma phi kiba bam ïa kiei kiei baroh — balei phi peitbeiñ ïa la u parabangeit? Baroh na ngi, ngin hap ban ïeng ha khmat U Blei ban shah bishar da u.

1 THESSALONI 4:16

Kan don ka jingpyrta da ka hukum, ka sur jong u angel rangbah, ka jingriew ka turoi jong U Blei, bad U Trai hi da lade un sa wan hiar na bneng. Kito kiba la ïap da kaba ngeit ha U Khrist kin ïamih pat shuwa;

HEBRU 1:3

U pynpaw ïa ka jingtyngshaiñ ka burom U Blei bad u ïasyriem thik bad ka dur U Blei hi, uba kyrshan ïa ka pyrthei da ka ktien badonbor jong u. Hadien ba u la ïohpdiang ka jingmap ïa ki pop u khunbynriew, u la shong ha bneng ha ka liang kamon jong U Blei, U Bakhrawbor Tam.

HEBRU 12:2

To ngin ïakhmih shaiñ sha U Jisu, ha uba ka jingngeit jong ngi ka don naduh kaba sdang haduh kaba kut. U bym shym la kynran dien namar ka diengphna! Pynban, namar ka jingkmen kaba la ap ïa u, um shym pyrkhat ei ei ïa ka jingjahburom ban shahïap halor ka diengphna, bad mynta u la shong ha ka liang ka mon jong ka khet U Blei.

JINGPYNPAW 1:7

Ha khmih, u wan ha ki lyoh! Baroh kin ïohi ïa u, kynthup ïa kito kiba la sum ïa u. Ki jaitbynriew baroh ha ka pyrthei kin ïamkthang namar jong u. Kumta kan long!

JINGPYNPAW 20:11

Nangta nga la ïohi ïa ka khet balieh kaba khraw bad ïa uta uba shong ha ka. Ka pyrthei bad ka bneng ki la phet na khmat jong u bad ym shym la ïohi shuh ïa ki.