MATHAÏOS 26:45 - Khasi CL Bible (BSI)

⁴⁵ Nangta u la wan phai pat sha ki synran bad u la ong, “Phi dang ïohthiah bad pynjahthait? Ha khmih! Ka por ka poi ïa U Khun U Briew ba yn aiti noh ha ka bor ki briew kiba pop.

KA BAIBL

⁴⁵ Ynda kumta, u la wan ha ki synran, bad u la ong ha ki, “To nang thiah mynta, to jahthait ruh. Ha khmih ka por ka la jan, te yn die noh ïa U Khun u briew ha ki kti ki bapop.

MATHAÏOS 26:45 ပူးပေါင်းရင်းမြစ်များ

1 SYIEM 18:27

Ynda la dap shiteng sngi u Elijah u la sdang ban kren biria ïa ki: “Duwai kham jam! U dei u blei! Lehse u dang phohsniew lane u dang leit shabar lane lehse u dang leit jingleit! Lane lehse u dang ïohthiah, phin hap ban kyrsiew ïa u!”

EKLESIASTIS 11:9

Ko samla, to lehkmen ïa ka jinglong samla jong phi. To kmen katba phi dang samla. Leh ïa kaei kaba phi kwah ban leh, bad bud ïa ka jingkwah ka dohnud jong phi. Hynrei kynmaw ba U Blei un bishar ïa phi ïa kaei kaei kaba phi leh.

MATHAÏOS 26:18

“To khie leit sha uwei u briew ha ka nongbah,” u la ong ïa ki, “bad ïathuh ha u: ‘U Nonghikai u ong, ka por jong nga ka la poi; ki synran jong nga bad ma nga ngin rakhe ïa ka Jingkhawai Niam Ka Jinglait ha ïing jong me!’ ”

MATHAÏOS 26:2

“Sa ar sngi, kumba phi tip, kan long ka Jingkhawai Niam Ka Jinglait, bad ïa U Khun U Briew yn sa aiti noh ïa ka ban shah sahnarphna.”

MATHAÏOS 26:44

Sa shisien pat U Jisu u la iehnoh ïa ki, u la leit noh, bad u la duwai ha ka sien kaba lai, da kaba ong ïa kijuh ki kyntien.

MATHAÏOS 26:46

To ïeng joit, ïa ngin leit noh. Ha khmih, hangne u don u briew uba shetkylla ïa nga!”

MARKOS 14:35

U la leit kham ha pajih, u la dem pyllup ha khyndew, bad u la duwai ba lada don ka lad, un ym hap ban ïaid lyngba ïa kata ka por jong ka jingshah shitom.

LOUKAS 22:53

Nga la don bad phi ha ka Templ man ka sngi, bad phim shym la pyrshang ban kem ïa nga. Hynrei kane ka dei ka kynta jong phi ban leh, haba ka bor jong ka jingdum ka synshar.”

ÏOANNIS 12:23

U Jisu u la jubab ïa ki, “Ka kynta ka la poi mynta ïa U Khun U Briew ban ïohpdiang ïa ka burom kaba khraw.

ÏOANNIS 12:27

“Mynta ka mynsiem jong nga ka pisa — bad aïu ngan ong? Hato ngan ong, ‘Ko Pa, wat ai ba kane ka kynta kan wan ha nga?’ Hynrei dei na ka bynta kata nga la wan — khnang ba ngan ïoh ïaid lyngba kane ka kynta jong ka jingshah shitom.

ÏOANNIS 13:1

Ka la dei shi sngi ha shuwa ka Jingkhawai Niam Ka Jinglait. U Jisu u la tip ba ka kynta ka la poi ban iehnoh ïa kane ka pyrthei bad ban leit sha U Kpa. U la ju ieit borabor ïa kito kiba ha ka pyrthei kiba long ki jong u hi, bad u la ieit ïa ki haduh kaba kut.

ÏOANNIS 17:1

Hadien ba U Jisu u la dep ong ïa kane, u la khmied sha bneng bad u la ong, “Ko Pa, ka kynta ka la poi. To ai ka burom ïa la U Khun, ba U Khun un ïoh ban ai ka burom ïa me.