MATHAÏOS 26:41 - Khasi CL Bible (BSI)

⁴¹ To ïa-ap bad to duwai ba phin ym hap ha ka jingpynshoi. Ka mynsiem ka mon, hynrei ka doh ka tlot.”

KA BAIBL

⁴¹ To sharai, to duwai ruh, ba phin ym leit shapoh ka jingpynshoi. Ka mynsiem shisha ka smat, hynrei, ka doh ka tlot.”

MATHAÏOS 26:41 ပူးပေါင်းရင်းမြစ်များ

SALM 119:1

Suk kito kiba ka jingim jong ki ka long ka bym don jingbakla, kiba im kat kum ka aiñ jong U Trai.

SALM 119:115

Khie leit noh na nga, phi ki briew kiba pop. Ngan kohnguh ïa ki hukum jong U Blei jong nga.

SALM 119:117

To bat ïa nga, bad ngan long shngain, bad ngan ïai pynshahshkor ïa ki hukum jong me.

SALM 119:32

Ngan kohnguh da kaba angnud eh ïa ki hukum jong me, namar men ai shuh shuh ka jingshemphang ïa nga.

MATHAÏOS 24:42

“To sumar, te, namar ba phim tip ha kano ka sngi ba U Trai jong phi un wan.

MATHAÏOS 25:13

Bad U Jisu u la pynkut, “To sumar bha, te, namar ba phim tip ïa ka sngi lane ïa ka kynta.”

MATHAÏOS 26:38

bad u la ong ha ki, “Ka jingsngewsih hapoh ka dohnud jong nga ka long kaba khraw katta kata kat haduh ba ka jan pynlwet ïa nga. To sah hangne bad ïa-ap lem bad nga.”

MATHAÏOS 6:13

Wat ïalam ïa ngi sha ka jingtynjuh kaba eh, hynrei sumar ïada ïa ngi na Uba Sniew. Naba ka jong me long ka hima, bad ka bor, bad ka burom junom. Amen.’

MARKOS 14:38

Bad u la ong ïa ki, “To sumar bad to duwai ba phin ym hap ha ka jingpynshoi. Ka mynsiem ka kwah hynrei ka doh ka tlot.”

LOUKAS 11:4

To map ïa ki pop jong ngi, naba ngi map ïa uwei pa uwei uba leh bakla ïa ngi. Bad wat ïalam ïa ngi sha ka jingtynjuh kaba eh.’ ”

LOUKAS 21:36

Da husiar bad duwai borabor ba phin don ka jingkhlaiñ ban leit ha ka jingshngain lyngba kito kiei kiei ki ban sa jia bad ban ïeng ha khmat jong U Khun U Briew.”

LOUKAS 22:40

Haba u la poi ha kata ka jaka, u la ong ha ki, “Duwai ba phin ym hap ha ka jingpynshoi.”

LOUKAS 22:46

U la ong ha ki, “Balei phi thiah? Khie joit bad duwai ba phin ym hap ha ka jingpynshoi.”

LOUKAS 8:13

Ki symbai kiba hap halor ka jaka maw ki ïeng na ka bynta kito kiba ïohsngew ïa ka khubor bad kiba pdiang ïa ka da kaba kmen. Hynrei kam shym ngam jylliew hapoh jong ki; ki ngeit tang shipor hynrei haba ka por jingtynjuh ka wan poi, ki hap noh.

Ka Shithi U Paul Sha Ki Nong Rom 8:3

Kaei kaba ka Hukum kam lah ban leh, namar ka jinglong ba kynja doh ka long kaba tlot, U Blei u la leh. U la pynrem ïa ka pop ha ka jinglong ba kynja doh da kaba u la phah ïa U Khun jong u hi, uba la wan kum ka jinglong u briew uba pop, ban jop ïa ka pop.

1 KORINTH 10:13

Man la ka jingtynjuh kaba phi la mad ka long kata kaba ju wan ha ki briew. Hynrei U Blei u long uba bat ïa la ka kular, bad un ym shah ban tynjuh ïa phi sha palat ka bor jong phi ba phin ïoh ïaineh skhem; ha ka por ba phi shah tynjuh, un ai ha phi ïa ka bor ba phi lah ban shah ïa ka, bad kumta un thaw ïa ka lad ba phi lah ban lait na ka.

1 KORINTH 16:13

To sharai, to ïeng skhem ha ka jingngeit, to long shlur, to long kiba khlaiñ.

1 KORINTH 9:27

Nga pyneh ïa la ka met da ki jingshahkura bad nga pyndem ïa ka hapoh ka bor synshar lade, ban sumar ïa lade na kaba shah kyntait hadien ba nga la khot ïa kiwei sha ka jingïakhun.

GALATIA 5:24

Bad kita kiba long ki jong U Khrist Jisu ki la pynïap ïa ka jinglong ba kynja briew lem ïa ki jingthrew bad ki jingkwah brai jong ka baroh.

EPHESOS 6:18

To leh ïa kane baroh ha ka jingduwai, da kaba kyrpad ïa ka jingïarap jong U Blei. Duwai ha ki por baroh, katba U Mynsiem u ïalam. Namar kane ka daw, to sharai bad wat kynran dien; duwai borabor na ka bynta ki briew jong U Blei baroh.

1 PETROS 4:7

Kaba kut jong kiei kiei baroh ka la jan. Phi dei ban long kiba lah ban synshar ïa lade bad kiba sharai, ban lah ban duwai.

1 PETROS 5:8

To leh adkar, to sharai! U nongshun jong phi, u Ksuid, u shang kylleng kum u sing bakyrhuh, da kaba wad ïa uno uno ba un nguid tylli.

2 PETROS 2:9

Bad kumta U Trai u tip kumno ban pyllait im ïa ki briew kiba riewblei na ki jingtynjuh jong ki bad kumno ban pynhap ïa ki bymman ha ka jingpynshitom ha ka Sngi ka Jingbishar, khamtam ïa kito kiba beh ïa ki jingkwah brai jakhlia jong ka met bad kiba ñiewbeiñ ïa ka bor synshar jong U Blei.

JINGPYNPAW 16:15

“To shahshkor! Nga wan kum u nongtuh! Suk uta uba peitmat bad uba sumar ïa la ki jaiñkup, khnang ba un ym ïaid lyngkhuit kylleng bad shah pynlehrain ha khmat ki briew!”

JINGPYNPAW 3:10

Namar ba pha la kohnguh ïa ka hukum jong nga ban shahshitom, nga ruh ngan ri sumar ïa pha ha ka por jong ka jingjynjar ka ban wan ha ka pyrthei ban tynjuh ïa ki briew baroh ha ka pyrthei.