MATHAÏOS 26:13 - Khasi CL Bible (BSI)

¹³ Mynta, nga pynthikna ïa phi ba hangno hangno haba yn ïalap ïa kane ka Gospel ha kylleng ka pyrthei, ïa kaei kaba ka la leh yn ïathuh ïa ka ban kynmaw ïa ka.”

KA BAIBL

¹³ Shisha nga ong ha phi, shano shano ruh sha kaba yn ïalap ïa kane ka gospel ha ka pyrthei baroh, yn ïathuh ruh ïa kane kaba ka la leh, ïa ka ban kynmaw ïa ka.”

MATHAÏOS 26:13 ပူးပေါင်းရင်းမြစ်များ

SALM 112:6

U briew uba bha un ym bakla da lei lei; yn ïai kynmaw borabor ïa u.

ISAÏAH 52:9

To risa lang da ka jingkmen, phi ki jingpra ka Jerusalem! U Trai un pyllait ïa la ka nongbah bad un pyntngen ïa la ki briew.

MATHAÏOS 24:14

Bad ïa kane ka Khubor Babha shaphang ka Hima yn ïalap ha kylleng ka pyrthei na ka bynta ka jingsakhi sha ki jaitbynriew baroh; bad nangta kaba kut kan wan.

MATHAÏOS 28:19

Kumta, khie leit, sha ki briew baroh kylleng bad pynlong ïa ki, ki synran jong nga: To pynbaptis ïa ki ha ka kyrteng jong U Kpa, U Khun, bad U Mynsiem Bakhuid,

MARKOS 13:10

Hynrei shuwa ba ka jingkut kan wan, ïa ka Gospel yn ïalap ha ki jaitbynriew baroh.

MARKOS 14:9

Mynta, nga ong skhem ha phi, ba shano shano ba yn ïalap ïa ka Gospel ha kylleng ka pyrthei, ïa kaei kaba ka la leh yn ïathuh ban kynmaw ïa ka.”

MARKOS 16:15

U la ong ïa ki, “Leit sha ka pyrthei baroh kawei bad ïalap ïa ka Gospel sha ki jaitbynriew baroh.

LOUKAS 24:47

bad ha ka kyrteng jong u ïa ka khubor shaphang ka Jingkylla-kaba-mut bad ka jingmap ïa ki pop dei ban ïalap sha ki jaitbynriew baroh, da kaba sdang na Jerusalem.

KI KAM 10:4

U la khmih shaiñ ïa u angel ha ka jingsheptieng bad u la ong, “Ka dei kaei, ko Kynrad?” U angel u la jubab, “U Blei u la sngewbha ïa ki jingduwai jong me bad ïa ki kam leh-isynei jong me, bad u kloi ban jubab ïa me.

Ka Shithi U Paul Sha Ki Nong Rom 10:18

Hynrei nga kylli: Hato ka long kaba shisha ba kim shym la ïohsngew ïa ka khubor? Da shisha ki la ïohsngew — naba kumba ka Jingthoh Bakhuid ka ong: “Ka jingsawa jong ka sur jong ki ka la leit sha ka pyrthei baroh; ki ktien jong ki, ki la poi shaduh kiba kut ka pyrthei.”

Ka Shithi U Paul Sha Ki Nong Rom 15:19

da ka bor jong ki kambah bad ki jingphylla, bad da ka bor jong U Mynsiem jong U Blei. Bad kumta, ha ka jingleit baroh shi lynter lynti naduh Jerusalem sha Illyrikom, nga la pynbna pura ïa ka Khubor Babha shaphang U Khrist.

2 KORINTH 10:18

Naba ka long haba U Trai u pyrkhat bha ïa u briew, ba u briew u long uba la pdiang hun, bad ym haba u briew u pyrkhat bha shaphang ïa lade.

KOLOSSAI 1:23

Phi dei, da shisha, ban ïaineh ha ka nongrim kaba skhem bad kaba thikna, bad phim dei ban shah ïa lade ban shah pynkhynñiuh na ka jingkyrmen kaba phi la ïoh myn haba phi la ïohsngew ïa ka gospel. Ka dei na kane ka gospel ba ma nga u Paul, nga la kylla long u shakri — kane ka gospel kaba la ïalap ha uwei pa uwei ha ka pyrthei.

KOLOSSAI 1:6

Ka gospel ka ïai wallam ki jingkyrkhu bad ka par kylleng ka pyrthei, kumba ka la long hapdeng jong phi naduh kata ka sngi kaba phi la ïohsngew nyngkong shaphang ka jingaiei jong U Blei bad phi la tip ïa ka kumba ka long shisha.

1 TIMOTHI 2:6

Kata ka long ka jingpynshisha ha ka Ïa kaba biang kaba U Blei u kwah ba baroh kin ïohlait im, bad na kata ka daw balei ba la phah ïa nga kum u apostol bad u nonghikai ïa ki Jentil, ban pynbna ïa ka khubor jong ka jingngeit bad ka jingshisha. Ngam kren ïa kaba lamler; nga ïathuh ïa ka jingshisha!

HEBRU 6:10

U Blei um dei uba bishar bymhok. Un ym klet ïa ka kam kaba phi la leh lane ïa ka jingieit kaba phi la pynpaw na ka bynta jong u da ka jingïarap kaba phi la ai bad dang ïai ïarap ïa ki parabangeit.

JINGPYNPAW 14:6

Nangta nga la ïohi ïa uwei pat u angel uba her shajrong eh ha suiñ, lem bad ka khubor bymjukut jong ka Khubor Babha ban pynbna ha ki briew ka pyrthei, ha kawei pa kawei ka jaitbynriew, ka jait, ka ktien bad ka kynja bynriew.

1 SAMUEL 2:30

Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.