MATHAÏOS 25:5 - Khasi CL Bible (BSI)

⁵ U nongleitkurim u la slem ban wan, kumta ki theisotti ki la sdang ban kohnguh samthiah.

KA BAIBL

⁵ Haba uta u nongleit-kurim u pyntud, ki la samthiah baroh, bad ki la ïohthiah.

MATHAÏOS 25:5 ပူးပေါင်းရင်းမြစ်များ

JINGRWAI SOLOMON 3:1

Ha ka jingïohthiah ha la ka jingthiah, na kawei ka miet hadien kawei pat nga la phohsniew ïa uta uba nga ieit; nga la wad ïa u, hynrei ngam shem ïa u.

JINGRWAI SOLOMON 5:2

Katba nga dang thiah, ka dohnud jong nga ka peitmat. Nga la phohsniew ba uba ieit jong nga u tied jingkhang. Shah ngan rung shapoh, ko ba-ieit jong nga, ko ba-ieit thep mynsiem jong nga, ko lyngdkhur jong nga. Ka khlieh jong nga ka jhieh da ka umjer, bad u shñiuh jong nga u sngem na u lyoh khyndew.

JINGRWAI SOLOMON 5:3

Nga la lah loit jaiñ, balei ngan phong biang? Nga la dep sait ïa la ki kjat; balei ngan pynjaboh biang ïa ki?

HABAKKUK 2:3

To buh ha ka jingthoh, namar kam pat dei ka por ba kan urlong. Hynrei ka por ka wan kloi, bad kaei kaba nga pyn-i ha me kan urlong. Ka i kumba ka wan suki jai, hynrei to ap ïa ka; kan sa jia long shisha, bad yn ym pyntud ïa ka.

MATHAÏOS 24:48

Hynrei lada u long u shakri uba sniew, un ong ha lade ba u kynrad jong nga un wan slem,

MATHAÏOS 25:19

“Hadien ka por kaba jlan u kynrad jong kito ki shakri u la wan pat bad u la pan jingkheiñ na ki.

MATHAÏOS 25:4

katba kita kiba stad ki la rah ïa la ki jingdiang ba la pyndap da ka umphniang na ka bynta ki sharak jong ki.

MATHAÏOS 25:6

“Ka la da shiteng synñia haba ka jingpyrta ka la sawa jam, ‘U nongleitkurim u la don hangne! To wan bad ïashem ïa u!’

MATHAÏOS 26:40

Nangta u la wan phai pat sha ki lai ngut ki synran bad u la shem ïa ki ba ki ïohthiah; bad u la ong ha u Petros, “Kumno keiñ ma phi lai ngut phim shym lah ban ïa-ap lem bad nga wat tang shi kynta?

MATHAÏOS 26:43

U wan phai biang sa shisien bad u la shem ba ki synran ki ïohthiah; kim lah ban khyllie ïa ki khmat jong ki.

LOUKAS 1:21

Ha kajuh ka por ki paidbah ki la ïa-ap ïa u Sekharaïah bad ki da sngewlyngngoh balei ba u pynlut bun por hapoh ka Templ.

LOUKAS 12:45

Hynrei lada uta u shakri u ong ha lade ba u kynrad jong u, u shim por slem ban wan phai bad lada u sdang ban shoh ïa kiwei pat ki shakri, shynrang bad kynthei, bad bam bad dih bad buaid,

LOUKAS 18:8

Nga ong ha phi, un bishar ha ka liang jong ki bad un leh kloi ïa ka. Hynrei hato U Khun U Briew un shem mo ïa ka jingngeit ha ka pyrthei haba u wan?”

LOUKAS 20:9

Nangta U Jisu u la ïathuh ha ki paidbah ïa kane ka pharshi: “La don shisien uwei u briew uba don ka bri sohwaiñ, u la aiwai ha ki nongshimwai, bad nangta u la mihnoh na ïing ban jah kham slem.

Ka Shithi U Paul Sha Ki Nong Rom 13:11

Phi dei ban leh ïa kane, namar phi tip ba ka por ka la poi na ka bynta jong phi ban kyndit noh na kaba ïohthiah. Naba ka khyllipmat ban pynim ïa ngi ka long kham hajan mynta ban ïa kaba mynba ngi la ngeit.

EPHESOS 5:14

Kata ka long balei ba la ong, “To khie joit, me uba ïohthiah, bad to mih na kiba ïap, bad U Khrist un tyngshaiñ halor jong me.”

1 PETROS 5:8

To leh adkar, to sharai! U nongshun jong phi, u Ksuid, u shang kylleng kum u sing bakyrhuh, da kaba wad ïa uno uno ba un nguid tylli.

JINGPYNPAW 2:25

Hynrei tad ynda ngan wan, pha dei ban batskhem ïa kaei kaba pha don.