MATHAÏOS 25:44 - Khasi CL Bible (BSI)

⁴⁴ “Nangta kin jubab ïa u, ‘Mynno, ko Trai, ba ngi la ju ïohi ba me thngan lane sliang lane ba me long u nongwei lane ba me la lyngkhuit lane ba me pang lane hapoh ka ïingbyndi, bad ba ngim shym la ïarap ïa me?’

KA BAIBL

⁴⁴ Ynda kumta, ki ruh kin ïathuh ha u, kin ong, ‘Ko Trai, mynno ba ngi la ïohi ba me la thngan, lane ba me la sliang, lane nongwei, lane ba lyngkhuit, lane bapang, lane ha ka byndi, bad ngim shym la shakri ïa me?’

MATHAÏOS 25:44 ပူးပေါင်းရင်းမြစ်များ

JEREMAÏAH 2:23

Kumno me lah ban ong ba mem shym la pyntngit ïa lade, ba mem pat ju mane ïa u Baal? Ha khmih kumno me la leh pop ha ka them; ha peit kaei me la leh. Me long kum ka ut khlaw ha ka por jingkwah shongkha jong ka, kaba mareh laitluid kylleng,

JEREMAÏAH 2:35

“Hynrei nalor kane baroh, phi ong, ‘Nga long uba lui lui, da shisha U Trai un ym bitar sah ïa nga.’ Hynrei ma nga, U Trai, ngan pynshitom ïa phi namar ba phi len ba phi la leh pop.

MALAKHI 1:6

U Trai Badonbor Baroh u ong ha ki lyngdoh, “U khun u burom ïa la u kpa, bad u shakri u burom ïa la u kynrad. Nga long u kpa jong phi — balei phim burom ïa nga? Nga long u kynrad jong phi — balei phim ñiewkor ïa nga? Phi ñiewbeiñ ïa nga, bad pynban phi kylli, ‘Da kumno ngi ñiewbeiñ ïa me?’

MALAKHI 2:17

Phi la pynlwait ïa U Trai da ki jingkren jong phi. Hynrei phi kylli, “Da kumno ngi la pynlwait ïa u?” Da kaba ong, “U Trai Badonbor Baroh u pyrkhat ba baroh ki nongkamsniew ki long kiba bha; ha ka jingshisha u sngewtynnat ïa ki.” Lane da kaba kylli, “Hangno don U Blei uba dei ban long uba lehhok?”

MALAKHI 3:13

“Phi la ong ïa kiei kiei kiba shyrkhei shaphang jong nga,” ong U Trai. “Hynrei phi kylli, ‘Kaei ba ngi la ong shaphang jong me?’

MATHAÏOS 10:41

Uno uno uba pdiang ïa u nonglamktien jong U Blei namar ba u long u nonglamktien jong U Blei, un ïoh bynta ha ka bainong jong u. Bad uno uno uba pdiang ïa u briew uba bha namar ba u long uba bha, un ïoh bynta ha ka bainong jong u.

MATHAÏOS 25:43

nga la long u nongwei, hynrei phim shym la pdiang sngewbha ïa nga ha ki ïing jong phi, nga la lyngkhuit, hynrei phim shym la pynkup jaiñ ïa nga; nga la pang bad nga la don ha ïingbyndi, hynrei phim shym la sumar ïa nga.’

MATHAÏOS 25:45

U Syiem un jubab, ‘Nga ong ha phi, ha man ba phi kyntait ban ïarap ïa iwei na kine kiba rit tam, phi kyntait ban ïarap ïa nga.’

MATHAÏOS 5:6

Suk kito kiba ka jingangnud bakhraw tam jong ki ka long ban leh ïa kaei kaba U Blei u dawa; U Blei un pynhun jrut ïa ki!

MATHAÏOS 7:22

Haba ka Sngi Bishar ka poi, kiba bun kin ong ha nga, ‘A Trai, A Trai! Ha ka kyrteng jong me ngi la kren ïa ka khubor jong U Blei, da ka kyrteng jong me ngi la beh noh ïa shibun ki ksuid bad ngi la leh shibun ki kambah!’

LOUKAS 10:29

Hynrei u nonghikai ka Hukum u la kwah ban pynksan ïa lade, kumta u la kylli ïa U Jisu, “Uei u paramarjan jong nga?”