MATHAÏOS 25:36 - Khasi CL Bible (BSI)

³⁶ nga la lyngkhuit bad phi la pynkup jaiñ ïa nga; nga la pang bad phi la shim ban sumar ïa nga, nga la don ha ïingbyndi bad phi la wan jngoh ïa nga.’

KA BAIBL

³⁶ ba lyngkhuit, te phi la pynkup jaiñ ïa nga; nga la pang, te phi la wan sumar ïa nga; nga la long ha ka byndi, te phi la wan ha nga.’

MATHAÏOS 25:36 ပူးပေါင်းရင်းမြစ်များ

ISAÏAH 58:7

Ïasam lang ïa ki jingbam jong phi bad kiba thngan, bad ai jaka sah ïa kiba duk ki bym don ïing. Ai jaiñphong ïa kito ki bym don jaiñ ban phong, bad wat kyntait ban ïarap ïa la ki jong ki ba-ha-ïing.

ESEKIEL 18:16

lane banbeiñ ïano ïano lane lute ïano ïano. U pynphai ïa kaei kaba u nongshim ram u ai ha u kum ka bynda. U bsa ïa kiba thngan bad u ai jaiñ ïa kiba lyngkhuit.

ESEKIEL 18:7

Um ju shukor lane lute ïano ïano. U pynphai ïa kaei kaba u nongshim ram u buh bynda; u bsa ïa kiba thngan bad u ai jaiñ ïa kiba lyngkhuit.

ESEKIEL 34:4

Phim shym la sumar bha ïa kita kiba swai, pynkhiah ïa kito kiba pang, phim shym la sop spaiñ ïa kito kiba mynsaw, wallam pat ïa kito kiba la sakma, ne wad ïa kito kiba la jah noh. Pynban phi la lehbeiñ ïa ki.

MATHAÏOS 25:37

“Nangta kiba hok kin jubab ïa u, ‘Mynno, ko Trai, ba ngi la ju ïohi ïa me ba me thngan bad ba ngi bsa ïa me, lane ba me sliang bad ba ngi ai jingdih ïa me?

MATHAÏOS 25:43

nga la long u nongwei, hynrei phim shym la pdiang sngewbha ïa nga ha ki ïing jong phi, nga la lyngkhuit, hynrei phim shym la pynkup jaiñ ïa nga; nga la pang bad nga la don ha ïingbyndi, hynrei phim shym la sumar ïa nga.’

LOUKAS 3:11

U la jubab, “Uta uba don ar tylli ki sopti, u dei ban ai kawei ha u briew u bym don, bad uno uno uba don jingbam u dei ban ïasam ïa ka.”

KI KAM 20:35

Nga la pyn-i ha phi ha kiei kiei baroh ba da kaba trei shitom ha kane ka rukom ngi dei ban ïarap ïa kiba tlot, da kaba kynmaw ïa ki ktien kiba U Trai Jisu da lade hi u la ong, ‘Ka don ka jingkmen kaba kham khraw ha kaba ai ban ïa kaba pdiang.’ ”

HEBRU 10:34

Phi shahshitom lem bad ki koidi, bad haba ki jingdon jingem jong phi baroh ki la shah kurup, phi la shah ïa la ka jingduh da kaba kmen, namar phi la tip ba phi la ïoh kam kynti shibun kiei kiei kiba kham bha, kiba neh junom.

HEBRU 13:3

To kynmaw ïa kito kiba don ha ïingbyndi, la kumba phi don lang bad ki ha ïingbyndi. Kynmaw ïa kito kiba shahshitom, la kumba phi ruh phi shahshitom kum ma ki.

JAKOB 1:27

Kaei kaba U Blei uba U Kpa u ñiew ba ka long kaba sngur bad ka jinglong riewblei bashisha ka long kane: Ban leit khmih ïa ki khunswet bad ïa ki riewkynthei ha ka jingshitom jong ki bad ban ri noh ïa lade kiba khlem thohbria na ka jong ka pyrthei.