MATHAÏOS 25:35 - Khasi CL Bible (BSI)

³⁵ Nga la thngan bad phi la bsa ïa nga, nga la sliang bad phi la ai jingdih ïa nga; nga la long u nongwei bad phi la pdiang sngewbha ïa nga ha ki ïing jong phi,

KA BAIBL

³⁵ Namar nga la thngan, te phi la ai ha nga ban bam; nga la sliang, te phi la ai dih ïa nga; nga la long nongwei, te phi la khot lem ïa nga;

MATHAÏOS 25:35 ပူးပေါင်းရင်းမြစ်များ

1 SYIEM 17:11

Katba ka dang leit shim ïa ka, u la ong, “Bad sngewbha wanrah de khyndiat u kpu.”

Ka Kitab U Job 31:32

Nga khot sngewbha sha ïing jong nga ïa ki nongleit jingleit bad ngam ju shah ba kin thiah miet ha ki surok bah.

PROBERB 14:21

Lada phi kwah ban long kiba kmen, to lehsbun ïa kiba duk; ka long ka pop ban ñiewbeiñ ïano ïano.

PROBERB 14:31

Lada phi banbeiñ ïa ki briew kiba duk, phi ñiewbeiñ ïa U Blei uba la thaw ïa ki; hynrei ka jingpyn-i ïa ka jinglehsbun ïa kiba duk ka long ka kam jong ka jingmane.

PROBERB 19:17

Haba phi ai ha kiba duk, ka long kumba phi ai kylliang sha U Trai, bad U Trai un sa siew pat ïa phi.

PROBERB 22:9

To long sbun bad ïasam ïa ka jingbam jong phi bad kiba duk, phin long kiba la kyrkhu na ka bynta kata.

PROBERB 25:21

Lada u nongshun jong phi u thngan, bsa ïa u; lada u sliang, ai um ba un dih.

ESEKIEL 18:16

lane banbeiñ ïano ïano lane lute ïano ïano. U pynphai ïa kaei kaba u nongshim ram u ai ha u kum ka bynda. U bsa ïa kiba thngan bad u ai jaiñ ïa kiba lyngkhuit.

ESEKIEL 18:7

Um ju shukor lane lute ïano ïano. U pynphai ïa kaei kaba u nongshim ram u buh bynda; u bsa ïa kiba thngan bad u ai jaiñ ïa kiba lyngkhuit.

DANIEL 4:27

Kumta te, ko Syiem Kynrad, to bud ïa ka jingai jingmut jong nga. Sangeh ban leh pop, to leh ïa kaba dei, bad to sngewsynei ïa kiba duk. Te phin ïailong uba manbha.”

MIKAH 6:8

Em, U Trai u la ïathuh ïa ngi ïa kaei kaba bha. Kaei kaba u dawa na ngi ka long kane: Ban leh ïa kaei kaba hok, ban pyn-i ïa ka jingieit baneh, bad ban im ha ka jingïasyllok basngewrit bad U Blei jong ngi.

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

MATHAÏOS 26:11

Phin ïai ïoh ïa ki briew kiba duk lem bad phi, hynrei phin ym ïoh ïa nga borabor.

MARKOS 14:7

Phin don borabor ïa ki briew kiba duk bad phi, bad ha kano kano ka por ba phi kwah, phi lah ban ïarap ïa ki. Hynrei phin ym ïoh borabor ïa nga.

LOUKAS 11:41

Hynrei ai ïa kaei kaba hapoh ki khuri bad ki pliang jong phi ha kiba duk, bad kiei kiei baroh kin long kiba khuid kat kum ka jinglehniam na ka bynta jong phi.

ÏOANNIS 13:29

Namar ba u Judas u long uba bat ïa ka pla pisa, don na ki synran ki la pyrkhat ba U Jisu u la ong ïa u ban leit bad thied ïa kaei kaba ki donkam na ka bynta ka Jingkhawai Niam, lane ban ai ei ei ïa kiba duk.

KI KAM 10:31

‘Ko Kornelios! U Blei u la ïohsngew ïa ki jingduwai jong me bad u la kynmaw ïa ki kam leh-isynei jong me.

KI KAM 11:29

Ki synran ki la kut jingmut ba uwei pa uwei na ki un phah katba lah bor ban ïarap ïa ki parabangeit kiba shong basah ha Judia.

KI KAM 16:15

Hadien ba ma ka bad ki dkhot jong ka ïing jong ka ki la shah pynbaptis, ka la khot sngewbha ïa ngi, “To wan bad sah hapoh ka ïing jong nga lada phi la pdiang ba nga long ka parabangeit bashisha ha U Trai.” Bad ka la pynkohnguh ïa ngi ban leit.

KI KAM 4:32

Ka kynhun ki riewngeit ka la long ha kawei ka jingmut bad kawei ka mynsiem. Ym don uba ong ba kano kano ka jingdon jong u ba ka long ka jong u hi, hynrei baroh ki la ïasam iwei ïa iwei pat ïa kaei kaei kaba ki la don.

Ka Shithi U Paul Sha Ki Nong Rom 12:13

To ïasam lem ïa ki jingdon jong phi bad ki parabangeit kiba kyrduh, bad to pdiang sngewbha sha ki ïing jong phi ïa ki nongwei.

Ka Shithi U Paul Sha Ki Nong Rom 12:20

Pynban, kumba ka Jingthoh Bakhuid ka ong: “Lada u nongshun jong phi u thngan, to ai bam ïa u; lada u sliang, to ai ïa u ban dih; naba da kaba leh ïa kane phin pynlong ïa u ban ing da ka jingsngewlehrain.”

Ka Shithi U Paul Sha Ki Nong Rom 16:23

U Gaïos, uba ai jaka sah ïa nga, uba ha ka ïing jong u ka balang ka ïaseng, u phah ïa phi ki jingai khublei; u Erastos, u nongsumar ïa ki jingkynshew ha ka nongbah, bad u Kuartos, u parabangeit jong ngi, ki phah ïa ki jingkhublei jong ki.

EPHESOS 4:28

U briew uba ju tuh u dei ban sangeh noh ban tuh bad to un sdang ban treikam khnang ba un kamai ïa ka jingim hok na ka bynta ïa lade bad ba u lah ban ïarap ïa kiba kyrduh.

1 TIMOTHI 5:10

Nalor kata ka dei ban long kaba la shongkurim tang shisien bad donnam ha ki kam babha: Ka briew kaba la pynsan pynrangbah bha ïa la ki khun, kaba pdiang ïa ki nongwei ha ka ïing jong ka, kaba leh ïa ki kam rit na ka bynta ki parabangeit, kaba ïarap ïa ki briew kiba don ha ka jingjynjar, bad kaba aiti ïa lade ha kaba leh ïa kaba bha.

PHILEMON 1:7

Ka jingieit jong me, ko para ba-ieit, ka la wallam ïa ka jingkmen bakhraw bad jingaimynsiem bajur! Me la pynkmen ïa ki dohnud jong ki briew U Blei baroh.

HEBRU 13:16

Wat klet ban lehbha bad ïarap uwei ïa uwei pat, namar kine ki long ki jingkñia kiba pynsngewbha ïa U Blei.

HEBRU 6:10

U Blei um dei uba bishar bymhok. Un ym klet ïa ka kam kaba phi la leh lane ïa ka jingieit kaba phi la pynpaw na ka bynta jong u da ka jingïarap kaba phi la ai bad dang ïai ïarap ïa ki parabangeit.

JAKOB 1:27

Kaei kaba U Blei uba U Kpa u ñiew ba ka long kaba sngur bad ka jinglong riewblei bashisha ka long kane: Ban leit khmih ïa ki khunswet bad ïa ki riewkynthei ha ka jingshitom jong ki bad ban ri noh ïa lade kiba khlem thohbria na ka jong ka pyrthei.