MATHAÏOS 25:32 - Khasi CL Bible (BSI)

³² bad ïa ki briew jong ki jaitbynriew baroh yn lumlang ha khmat jong u. Nangta un phiah ïa ki ha ki ar kynhun, kumba u nongaplangbrot u pynïakhlad ïa ki langbrot na ki blang.

KA BAIBL

³² bad yn ïalum lang ïa ki bynriew baroh ha khmat jong u; bad un pynïakhlad ïa ki uwei na uwei pat, kumba u nongaplangbrot u pynïakhlad ïa ki langbrot na ki blang;

MATHAÏOS 25:32 ပူးပေါင်းရင်းမြစ်များ

SALM 1:5

Ïa ki nongpop yn pynrem da U Blei bad yn pynïakhlad ïa ki na ki briew ki jong U Blei hi.

SALM 78:52

Nangta u la ïalam shabar ïa ki briew jong u kum u nongap langbrot bad u la ïalam lynti ïa ki lyngba ka ri shyiap.

SALM 96:13

haba U Trai un wan ban synshar ïa ka pyrthei. Un synshar ïa ki jaitbynriew jong ka pyrthei da ka hok bad ka jinglehhok.

SALM 98:9

namar u wan ban synshar ïa ka pyrthei. Un synshar ïa ki jaitbynriew ka pyrthei da ka hok bad ka jinglehhok.

ESEKIEL 20:38

Ngan shim noh napdeng jong phi ïa kito kiba ïeng ïaleh pyrshah bad kiba dap da ka pop. Ngan shim noh ïa ki na ki ri ha kaba ki shong ki sah mynta, hynrei ngan ym shah ïa ki ban wan phai pat sha ka ri Israel. Te phin tip ba nga long U Trai.”

MALAKHI 3:18

Sa shisien pat ki briew jong nga kin ïohi ïa ka jingïapher hapdeng kaei kaba jia ïa kiba hok bad ïa ki bymman, ha u briew uba shakri ïa nga bad ha uta u bym leh kumta.”

MATHAÏOS 13:49

Kan long kumne ha kaba kut ka Ïa: ki angel kin mihnoh ban lumlang ïa ki briew kiba sniew napdeng kiba bha

MATHAÏOS 28:19

Kumta, khie leit, sha ki briew baroh kylleng bad pynlong ïa ki, ki synran jong nga: To pynbaptis ïa ki ha ka kyrteng jong U Kpa, U Khun, bad U Mynsiem Bakhuid,

MATHAÏOS 3:12

U don la ka byrsha pynher stait ban shoh ïa u kew baroh. Un lumlang ïa u kew ha ka thiar jong u, hynrei un thang ïa u stait ha ka ding ka bym ju lip.”

ÏOANNIS 10:14

Nga, nga long u nongaplangbrot uba bha. Kumba U Kpa u ithuh ïa nga bad nga, nga ithuh ïa U Kpa, ha kajuh ka rukom nga ithuh ïa la ki langbrot bad ki ithuh ïa nga. Bad nga kloi ban ïap na ka bynta jong ki.

ÏOANNIS 10:27

Ki langbrot jong nga ki shahshkor ïa ka sur jong nga; nga ithuh ïa ki, bad ki bud ïa nga.

Ka Shithi U Paul Sha Ki Nong Rom 2:12

Ki Jentil kim don ka Hukum u Moses; ki leh pop bad bakla lynti khlem ka Hukum. Ki Jiw ki don ka Hukum; ki leh pop bad shah bishar da ka Hukum.

Ka Shithi U Paul Sha Ki Nong Rom 2:16

Bad kumta, kat kum ka Khubor Babha kaba nga ïalap, kane ka dei kaba kumno ka long ha kata ka Sngi ha kaba U Blei lyngba U Jisu Khrist un bishar ïa ki jingmut barieh jong ki briew baroh.

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

2 KORINTH 5:10

Naba baroh na ngi ngin paw ha khmat U Khrist, ba yn bishar ïa ngi da u. Ngin ïohpdiang ïa kaei kaba ngi dei hok, kat kum kiei kiei baroh kiba ngi la leh, la bha ne la sniew, ha kane ka jingim ha ka met jong ngi.

1 SAMUEL 2:10

Ïa ki nongïaleh pyrshah ïa U Trai yn pynjot; kum u pyrthat na bneng un tied pyrshah ïa ki. U Trai un bishar ïa ka pyrthei baroh kawei; Un ai ka bor ha la u syiem, Un pynlong ïa u syiem ba la jied jong u ban ïoh ïa ka jingjop.”