MATHAÏOS 25:16 - Khasi CL Bible (BSI)

¹⁶ U shakri uba la ïohpdiang san hajar tylli ki sbai u la leit shisyndon bad u la khaïi ïa la ka pisa bad u la ïohnong sa san hajar.

KA BAIBL

¹⁶ Ynda kumta, uta uba la ïoh diang ïa ki san talent, u la leit khaïi bad ki, bad u la pynman ïa kiwei ki san talent.

MATHAÏOS 25:16 ပူးပေါင်းရင်းမြစ်များ

1 KHRONIKL 28:2

U Dabid u ïeng ha khmat jong ki, bad u ong, “Ko ki para ri jong nga, to shahshkor ïa nga. Nga la kwah ban tei ka ïingshong neh ïa ka Synduk ka Jutang, ka jingïuhkjat jong U Trai U Blei jong ngi. Nga la pynkhreh ban tei ïa ka Templ ban ai burom ïa u,

ISAÏAH 23:18

Ïa ka pisa kaba ka kamai da ka jingkhaïi pateng, yn pynkyntang sha U Trai. Pynban kan ym buh tyngkai, hynrei kito kiba mane ïa U Trai, kin pyndonkam ïa ka pisa jong ka ban thied jingbam bad ki jaiñ ki nep kiba ki donkam.

ISAÏAH 49:23

Ki syiem kin long kum ki kpa ïa pha; ki mahadei kum ki kmie. Kin dem khrup ha khmat jong pha bad kin burom ïa pha; da kaba pynrit kin pyn-i burom ïa pha. Te phan tip ba nga long U Trai; uba ap ïa ka jingïarap jong nga un ym duh jingkyrmen.”

MATHAÏOS 18:24

U la dang shu sdang ban leh kumta haba la wallam ïa uwei uba la kit ram bun tyngka.

MATHAÏOS 25:17

Ha kajuh ka rukom u shakri uba la ïohpdiang ar hajar tylli ki sbai u la ïohnong sa ar hajar.

LOUKAS 19:13

Ha shuwa ba un mih, u la khot ïa ki shiphew ngut ki shakri jong u bad u la ai ha ki kawei kawei ka sbai ksiar bad u la ong ïa ki, ‘Khmih aïu phi lah ban kamai da kane katba nga dang leit jingleit.’

KI KAM 13:36

Naba u Dabid u la shakri ïa ki jingthmu jong U Blei ha ka por jong u; bad nangta u la ïap, la tep ïa u bad ki kpa tymmen jong u, bad ka met jong u ka la pyut hapoh ka jingtep.

1 KORINTH 15:10

Hynrei da ka jingaiei U Blei nga long kumba nga long, bad ka jingaiei kaba u la ai ha nga kam shym long lehnoh-ei. Ha kawei ka liang, nga la kham trei shitom ban ïa uno uno uwei pat na ki apostol, wat la kam shym la long da ka jingleh jong nga hi, hynrei ka jingaiei U Blei kaba trei ha nga.

2 TIMOTHI 2:6

U nongrep uba la trei shitom u dei ban ïoh ïa ka bynta kaba nyngkong na ka jingot.