MATHAÏOS 25:1 - Khasi CL Bible (BSI)

¹ “Ha kata ka por ka Hima ki bneng kan long kumne. Shisien la don shiphew ngut ki theisotti kiba la rah ïa la ki sharak bad ki la mih ban ïashem ïa u nongleitkurim.

KA BAIBL

¹ “Ynda kumta, ka hima ki bneng kan long kum ki shiphew ngut ki theisotti, kiba haba ki la shim ïa ki sharak jong ki, ki la mih noh ïa ka ban leit tan ïa u nongleit-kurim.

MATHAÏOS 25:1 ပူးပေါင်းရင်းမြစ်များ

SALM 45:14

Ha ka sopti babun rong, la ïalam ïa ka sha u syiem, ba la bud da ki nongsynran kynthei, bad ïa ki ruh la wallam sha u.

JINGRWAI SOLOMON 1:3

Ka don ka jingiw kaba iwbih shaphang jong phi; ka jingsawa ka kyrteng jong phi ka pynkynmaw ïa kata. Ym don kano kano ka briew ka bym lah khlem da ieit ïa phi.

JINGRWAI SOLOMON 5:16

Ka shyntur jong u ka long kaba thiang ban doh; kiei kiei shaphang jong u ki pynïapbieit ïa nga. Kane ka dei kaei kaba uba ieit jong nga u long, ko ki kynthei ka Jerusalem.

JINGRWAI SOLOMON 5:8

To kular ïa nga, ko ki kynthei Jerusalem, ba lada phi shem ïa uba ieit jong nga, phin ïathuh ïa u ba nga tlot na ka jingkwah palat.

ISAÏAH 54:5

U Nongthaw jong pha un long kum u tnga ïa pha — U Trai Badonbor Baroh long ka kyrteng jong u. U Blei bakhuid jong ki Israel un pynim ïa pha — u long u nongsynshar jong ka pyrthei baroh.

DANIEL 2:44

Ha ka por jong kito ki nongsynshar U Blei ka bneng un seng ka hima ka ban ym kut junom. Yn ym lah ban jop ïa ka, hynrei kan pynjot thiaw ïa baroh kito ki hima, bad nangta kan neh junom.

MATHAÏOS 13:24

U Jisu u la ïathuh ha ki ïa kawei pat ka pharshi: “Ka Hima ki bneng ka long kumne. U briew u la bet ïa u symbai babha hapoh ka lyngkha jong u.

MATHAÏOS 13:31

U Jisu u la ïathuh ha ki kawei pat ka pharshi. “Ka Hima ki bneng ka long kumne. U briew u shim ïa u symbai tyrso bad u bet ïa u hapoh ka lyngkha jong u.

MATHAÏOS 13:38

ka lyngkha ka long ka pyrthei; u symbai babha u long ki briew kiba long ki jong ka Hima; ki ñiut ki long ki briew kiba long ki jong Uta u Basniew;

MATHAÏOS 13:47

“Kumjuh, ka Hima ki bneng ka long kumne. Katto katne ki nongtong dohkha ki bret ïa ka jar jong ki hapoh ka duriaw bad ki ïoh bun jait ki dohkha.

MATHAÏOS 20:1

“Ka Hima ki bneng ka long kumne. Shisien la don u briew uba la mih dang step phyrngab ban khot bylla katto katne ngut ki rangbah ban trei ha ka bri sohwaiñ jong u.

MATHAÏOS 22:2

“Ka Hima ki bneng ka long kumne. Shisien la don u syiem uba la pynkhreh ka jingkhawai shongkurim na ka bynta u khun jong u.

MATHAÏOS 25:7

Ki shiphew ngut ki theisotti ki la khie joit bad ki la pynkhreh ïa la ki sharak.

MATHAÏOS 3:2

“To phai noh na ki pop jong phi,” u la ong, “naba ka Hima ki bneng ka la jan!”

MATHAÏOS 5:16

Ha kajuh ka rukom ka jingshai jong phi ka dei ban shai ha khmat ki briew, khnang ba kin ïohi ïa kiei kiei kiba bha kiba phi leh bad ïaroh ïa u Kpa jong phi uba ha bneng.

MATHAÏOS 9:15

U Jisu u la jubab, “Hato phi khmih lynti ba kiba shah khot sngewbha sha ka jingkhawai shongkurim kin sngewsih katba u nongleitkurim u dang don lem bad ki? Em kam long kumta! Hynrei ka sngi kan poi haba ïa u nongleitkurim yn shim noh na ki, bad kumta keiñ kin sa shahjingit.

ÏOANNIS 18:3

Kumta u Judas u la leit sha kata ka kper, u da ïalam bad u ïa ka kynhun ki shipai Rom, bad katto katne ki nongap phira jong ka Templ ïa kiba la phah da ki rangbah lyngdoh bad ki Pharisi; ki la long kiba la kieng atiar bad ki la rah ïa ki sharak bad ki dongmusa.

ÏOANNIS 3:29

Ka nongleitkurim ka dei ka jong u nongleitkurim; hynrei u paralok jong u nongleitkurim, uba ïeng marsyndah bad shahshkor, u kmen haba u ïohsngew ïa ka sur jong u nongleitkurim. Kane ka long kumno ba ïa ka jingkmen jong nga la pyndap pura.

KI KAM 20:8

La thang shibun ki sharak ha ka kamra ba haneng ha kaba ki la ïalang.

1 KORINTH 11:2

Nga ïaroh ïa phi namar ba phi kynmaw ïa nga borabor bad bud ïa ki jinghikai kiba nga la ai ha phi.

2 KORINTH 11:2

Nga don ka jingsngewkhia na ka bynta jong phi, kumba U Blei u sngew; phi long kum ka theisotti basngur ïa kaba nga la kular ha ka jingshongkurim bad tang ïa uwei u briew, U Khrist hi.

2 TIMOTHI 4:8

Bad mynta kaba ap ïa nga ka long ka bainong jong ka jingjop ïa kaba la buh beit da U Blei uba U Trai, u nongbishar bahok, u ban ai ha nga ha kata ka Sngi — ym tang ïa nga, hynrei ïa kito baroh kiba ap ïa u da ka jingieit ba un wanpaw.

TITOS 2:13

katba ngi dang ap ïa ka jingwan jong kata ka Sngi ba la kyrkhu kaba ngi ap kyrmen, haba ka burom U Blei bakhraw bad U Jisu Khrist U Nongpynim jong ngi kan paw.

JINGPYNPAW 14:4

Ki long ki rangbah kiba la ri khuid ïa lade khlem ïathiah shongkha bad ki kynthei; ki long ki rangsotti. Ki bud ïa U Khunlangbrot kat shaba u leit. La siewspah ïa ki napdeng u khunbynriew bad ki long kiba nyngkong ïa kiba la ainguh ha U Blei bad ha u Khunlangbrot.

JINGPYNPAW 19:7

To ngin ïarisa bad shadkmen; to ngin ïaroh ïa ka jingkhraw jong u! Naba ka por ka la poi na ka bynta ka jingshongkurim jong U Khunlangbrot, bad ka nongleitkurim jong u ka la pynkhreh ïa lade na ka bynta kata.

JINGPYNPAW 21:2

Bad nga la ïohi ïa ka Nongbah Bakhuid, ka Jerusalem bathymmai, kaba da wan hiar na bneng na U Blei, kaba la pynkhreh bad kaba la kloi, kum ka nongleitkurim kaba la riam ban ïashem ïa u tnga jong ka.

JINGPYNPAW 21:9

Uwei na ki hynñiew ngut ki angel uba la don ïa ki hynñiew tylli ki pliang kiba dap da ki hynñiew tylli ki khlam kiba khatduh u la wan sha nga bad u la ong, “To wan, bad ngan pyn-i ha me ïa ka Nongleitkurim, ka tnga jong U Khunlangbrot.”

JINGPYNPAW 4:5

Na ka khet la mih ki jingthaba leilieh, ki jingkyrhuh, ki jingsawa u pyrthat. Ha khmat jong ka khet, la don hynñiew tylli ki dongmusa bameh, kiba long ki hynñiew ki mynsiem jong U Blei.

JINGPYNPAW 8:10

Nangta u angel uba lai u la put ïa la ka turoi. U khlur uba heh, uba meh kum ka dongmusa, u la hap na sahit bneng bad u la hap halor ka shi bynta na ka lai bynta jong ki wah bad halor ki pukri um.