MATHAÏOS 24:9 - Khasi CL Bible (BSI)

⁹ “Nangta ïa phi yn kem bad yn aiti ban shah pynshitom bad ban shah pynïap. Ki jaitbynriew baroh kin isih ïa phi namar jong nga.

KA BAIBL

⁹ “Ynda kumta, kin ai noh ïa phi ha ka shitom, bad kin ïa-pynïap noh ïa phi; bad phin long kiba la shun da ki kynja bynriew baroh na ka bynta ka kyrteng jong nga.

MATHAÏOS 24:9 ပူးပေါင်းရင်းမြစ်များ

PROBERB 29:27

Uba hok u isih ïa u bymman, bad u bymman u isih ïa uba hok.

DANIEL 11:33

Ki nongïalam bastad jong ki briew kin ïasam ïa ka jingstad jong ki bad kiwei pat ki briew babun. Hynrei shipor katto katne na ki kin shah pynïap ha ka thma lane shah thang ïap, bad katto katne kin shah lute bad shah pynlong koidi.

MATHAÏOS 22:6

katba kiwei pat ki bat trait ïa ki shakri, ki shoh ïa ki, bad ki la pynïap ïa ki.

MATHAÏOS 23:34

Bad kumta nga ong ha phi ba ngan phah ha phi ïa ki nongïathuhlypa bad ïa ki briew kiba stad bad ïa ki nonghikai; phin pynïap katto katne ngut na ki, phin sahnarphna ïa kiwei pat, bad phin sympat ïa kiwei pat ha ki synagog bad beh ïa ki na kawei ka shnong sha kawei pat.

LOUKAS 11:49

Na kane ka daw ka Jingstad jong U Blei ka la ong, ‘Ngan phah ha ki ïa ki nongïathuhlypa bad ïa ki nonglamktien; kin pynïap katto katne ngut na ki bad kin pynshitom beiñ ïa kiwei pat.’

LOUKAS 21:12

Pynban, ha shuwa ba kine kiei kiei baroh kin jia, ïa phi yn kem bad pynshitom beiñ; yn aiti ïa phi ban shah tian bishar ha ki synagog bad ban shah thep ha ka byndi; yn wallam ïa phi ha khmat ki syiem bad ki nongsynshar na ka bynta jong nga.

ÏOANNIS 15:18

“Lada ka pyrthei ka shun ïa phi, to kynmaw ba ka la shun ïa nga nyngkong.

ÏOANNIS 15:21

Hynrei kin leh ïa kane baroh ïa phi namar ba phi long ki jong nga; naba kim ithuh ïa uta uba la phah ïa nga.

ÏOANNIS 16:2

Phin shah beh noh na ki synagog, bad ka por kan poi haba uno uno uba pynïap ïa phi un pyrkhat ba da kaba leh kumta u shakri ïa U Blei.

KI KAM 28:22

Hynrei ngi kwah ban ïohsngew ïa ki jingpyrkhat jong me, namar ngi tip ba kylleng sawdong ki briew ki kren pyrshah ïa kane ka kynhun ha kaba me, me don.”

KI KAM 7:59

Ki la ïai lynthem maw ïa u Stephan katba u dang khot kyrpad ïa U Trai, “A Trai Jisu, to pdiang ïa ka mynsiem jong nga!”

1 PETROS 4:16

Pynban, lada phi shahshitom namar ba phi long u Khristan, wat sngewlehrain ïa kata, hynrei ainguh ïa U Blei ba phi kup ïa ka kyrteng U Khrist.

JINGPYNPAW 2:10

Wat sheptieng ïa kaei kaei ruh kaba phan sa shahshitom. Shahshkor! U Soitan un buh ïa pha ha ka jingtynjuh ha kaba ïa ki katto katne ngut kiba don hapdeng jong pha, yn bret shapoh ka ïingbyndi, bad ki jingjynjar jong pha kin neh shiphew sngi. Ïaineh ha nga, wat la kan long ka jingïap, bad ngan ai ha pha ïa ka jingim kum ka bainong jong ka jingjop.

JINGPYNPAW 2:13

Nga tip hangno pha shong, hangta ha kaba u Soitan u don ka khet jong u. Pha long kaba shisha ha nga, bad pham shym la phai dien noh na ka jingngeit jong pha na nga wat ha ka por mynba u Antipas, u sakhi baïaineh jong nga, u la shah pynïap hangta ha ka jaka ba u Soitan u shong u sah.

JINGPYNPAW 7:14

Nga la jubab ïa u, “Ngam tip, ko kynrad. Phi te phi tip.” U la ong ha nga, “Kine ki long ki briew kiba la lait na kata ka jingpynshitom kaba triem. Ki la sait ïa la ki jaiñkup bad ki la pynlieh ïa ki da ka snam jong uta U Khunlangbrot.