MATHAÏOS 24:7 - Khasi CL Bible (BSI)

⁷ Ki ri kin ïaleh kawei ïa kawei pat, ki hima kin tur ïaleh kawei ïa kawei pat. Kin don ki 'nemsniew bad ki jingkhynñiuh jumai ha kylleng.

KA BAIBL

⁷ Naba ka kynja bynriew kan ïeng ïaleh ïa ka kynja bynriew, bad ka hima ruh ïa ka hima; bad kin long ki 'nemsniew bad ki jingïapthem ruh, bad ki jingkhynñiuh jumai ha shibun ki jaka.

MATHAÏOS 24:7 ပူးပေါင်းရင်းမြစ်များ

2 KHRONIKL 15:6

Kawei ka jaitbynriew ka banbeiñ ïa kawei pat ka jaitbynriew, bad kawei ka nongbah ka banbeiñ ïa kawei pat ka nongbah, namar U Blei u wanrah ka jingjynjar bad jingshitom ha ki.

ISAÏAH 19:2

U Trai u ong, “Ngan pynkhih ka thma poh-ïing ha Ijipt bad ngan pynphai ïa u para pyrshah ïa u para bad u paramarjan pyrshah ïa u paramarjan. Ki nongbah ba-ïashun kin ïaleh kawei ïa kawei pat, bad ki syiem ba-ïashun kin ïaksaid ban ïoh ïa ka bor.

ISAÏAH 29:6

Kynsan kynsan bad khlem poi pyrkhat U Trai Badonbor Baroh un pyllait im ïa pha da ki 'erïong bajur bad ki jingkhih jumai. Un phah ïa ki 'erlangthari bad ka ding baklang;

ESEKIEL 14:21

Kane ka dei kaei kaba U Trai Nongsynshar u ong: “Ngan phah ïa ki saw tylli ki jingpynshitom basniew tam jong nga ha ka Jerusalem — ka thma, ka 'nemsniew, ki mradkhlaw, bad ka jingpang — ban pynjot ïa ki briew bad ki mrad kumjuh.

ESEKIEL 21:27

Ka jingjot, ka jingjot! Ho-oid, ngan pynlong ïa ka nongbah ka jot. Hynrei kane kan ym jia tad haduh ba uta uba nga la jied ban pynshitom ïa ka nongbah u la wan. Nangta ngan sa ai ïa ka ha u.

SEKHARAÏAH 14:13

Ha kata ka por U Trai un pynlong ïa ki ba kin shaïong jingmut bad sheptieng haduh katta ba uwei uwei baroh un kem ïa u briew hajan jong u bad tur ïaleh ïa u.

LOUKAS 21:11

Yn don ki jingkhynñiuh jumai kiba shyrkhei, ki 'nemsniew, bad ki khlam ha kylleng kylleng; kin don kiei kiei kiba phylla bad kiba pyntriem kiba wan na sahit bneng.

KI KAM 11:28

Uwei na ki, uba kyrteng u Agabos, u la ïeng joit bad da ka bor jong U Mynsiem u la ïathuh lypa ba ka 'nemsniew bajur kan sa wan ha ka pyrthei baroh kawei. (Ka la wan jia mynba u Klaudius u la long u Patsha.)

KI KAM 2:19

Ngan leh ki kambah ha ka sahit bneng shajrong bad ïa ki jingphylla ha ka khyndew sha tbian. Kan don ka snam, ka ding, bad ka tdem kaba rben;

HEBRU 12:27

Ki ktien “sa shisien pat” ki pyn-i shai ba ïa kiei kiei kiba la thaw yn pynkhynñiuh bad yn weng noh, khnang ba ïa kiei kiei ki bym lah ban pynkhynñiuh yn pynneh.

JINGPYNPAW 6:12

Bad nga la ïohi ïa U Khunlangbrot ba u pynpait ïa ka jingpyndait kaba hynriew. Ka la don ka jingkhynñiuh jumai kaba jur, bad ka sngi ka la kylla rong ïong kum ka jaiñ ïong kaba khain, bad u bnai u la kylla rong saw kum ka snam.

JINGPYNPAW 6:5

Nangta U Khunlangbrot u la pynpait ïa ka jingpyndait kaba lai; bad nga la ïohsngew ïa u jingthaw ba-im uba lai uba ong, “To wan!” Nga la khmih, bad hangta la don u kulai uba ïong. U nongshong kulai u la bat ïa ka tarajur ha la ka kti.

JINGPYNPAW 6:6

Nga la ïohsngew ïa kaei kaba sawa kum ka sur kaba wan napdeng ki saw tylli ki jingthaw ba-im kaba la ong, “Shi kilo u kew na ka bynta ka bainong shi sngi, bad lai kilo u barli na ka bynta ka bainong shi sngi. Hynrei wat pynjot noh ïa ki dieng Olib bad ïa ki bri sohwaiñ!”

JINGPYNPAW 6:8

Nga la khmih, bad hangta la don u kulai uba lieh bthuh. Ïa u nongshong kulai la ai kyrteng “ka Jingïap”, bad ka Hades ka bud syndah nadien. La ai ha ki ka bor halor shipawa na ka pyrthei, ban pynïap da ka thma, ka 'nemsniew, ka khlam, bad da ki mradkhlaw.