MATHAÏOS 24:6 - Khasi CL Bible (BSI)

⁶ Phin sa ïohsngew ïa ki jingsawa ki thma kiba hajan bad ïa ki khubor thma kiba sha jngai; hynrei wat khih khuslai. Kiba kum kine kiei kiei ki dei ban jia, hynrei kim mut ba kaba kut ka la poi.

KA BAIBL

⁶ Bad phin sa ïohsngew shaphang ki thma bad ki jingbna ïa ki thma: to sumar phi wat sngewkhuslai: naba ka dei ba kine kiei kiei baroh kin long: hynrei, ka bakut kam pat la jia.

MATHAÏOS 24:6 ပူးပေါင်းရင်းမြစ်များ

SALM 112:7

Um sheptieng haba u ïohpdiang ïa ka khubor kaba sniew; ka jingngeit jong u ka long kaba khlaiñ, bad u shaniah ha U Trai.

ISAÏAH 12:2

U Blei u long u nongpynim jong nga; ngan shaniah ïa u bad ngan ym sheptieng. U Trai u ai ha nga ka bor bad ka jingkhlaiñ, u long u nongpynim jong nga.

ISAÏAH 7:4

Ong ïa u ban da husiar, ban long jai jai, bad ban ym sheptieng lane khih jingmut. Ka jingbitar u Syiem Resin bad ki Syria jong u bad ka jong u Syiem Pekah kam long shuh kaba don jingma ban ïa ka tdem jong ki ar tylli ki shynraiñ dieng kiba don ding.

JEREMAÏAH 47:6

Phi kyang jam, ‘Ka waitlam jong U Trai! Katno slem phin ïai talain ïa ka? Khie leit phai noh sha ka jingsop, sah hangta bad shongthait!’

ESEKIEL 21:28

“Ko khun u briew, to ïathuhlypa. Pynbna ïa kaei kaba ma nga, U Trai Nongsynshar, nga ong ïa ki nong Ammon, kiba krenbeiñ ïa ki Israel. Ong ha ki: “ ‘Ka waitlam ka la kloi ban pynjot; ïa ka la pynphyrnai ban pynïap, ban thaba kum ka leilieh.

MATHAÏOS 2:3

Haba u Syiem Herod u la ïohsngew shaphang kane, u la khuslai shibun eh, bad kumta ka la long ha uwei pa uwei ha Jerusalem.

MATHAÏOS 24:14

Bad ïa kane ka Khubor Babha shaphang ka Hima yn ïalap ha kylleng ka pyrthei na ka bynta ka jingsakhi sha ki jaitbynriew baroh; bad nangta kaba kut kan wan.

MATHAÏOS 26:54

Hynrei lada ka long kumta, da kumno ki Jingthoh Bakhuid kiba ong ba kane ka long kaei kaba dei ban jia, kin jia long shisha?”

LOUKAS 21:19

To ïeng skhem, bad phin ri pynim ïa lade hi.

LOUKAS 21:9

Wat sheptieng haba phi ïohsngew ïa ki thma bad ki jingïakhih pyrshah bor synshar; kiba kum kine ki dei ban jia nyngkong, hynrei kim mut ba kaba kut ka la jan.”

LOUKAS 22:37

Naba nga ong ha phi ba ka Jingthoh Bakhuid kaba ong, ‘U la ïoh bynta ïa ka kupar jong kiba leh kam runar,’ ka dei ban urlong shisha shaphang jong nga, namar kaei kaba la thoh shaphang jong nga ka wan jia shisha.”

ÏOANNIS 14:1

“Wat sngewkhuslai bad sngewdiaw,” U Jisu u la ong ha ki. “To ngeit ha U Blei bad to ngeit ha nga ruh.

ÏOANNIS 14:27

“Ïa ka jingsuk nga iehnoh ha phi, ïa ka jingsuk jong nga hi, nga ai ha phi. Ngam ai ïa ka kumba ka pyrthei ka ai. Wat sngewkhuslai bad sngewdiaw; wat sngewsheptieng.

2 THESSALONI 2:2

ban ym shah pynshaïong jingmut da kaba suk ha ka jingpyrkhat jong phi lane ban shah pynkhuslai da ka jingkam ba ka Sngi jong U Trai ka la lah wan. Lehse ka long ba la mut ba ngi la ong ïa kane katba ngi dang ïathuhlypa lane ïalap, lane ba ngi la thoh ïa ka ha ka shithi.

JINGPYNPAW 6:4

Sa uwei pat u kulai u la wan mih, uba saw ka rong. Ha u nongshong kulai la ai ïa ka bor ban wanrah ïa ka thma ha ka pyrthei, ba ki briew kin ïa-pynïap para ma ki hi. La ai ha u ïa ka waitlam kaba heh.