MATHAÏOS 24:44 - Khasi CL Bible (BSI)

⁴⁴ Kumta te, phi dei ban long kiba ïai pynkhreh, namar ba U Khun U Briew un wan ha ka kynta kaba phim shym khmih lynti ïa u.

KA BAIBL

⁴⁴ Naba kumta, phi ruh to long kiba la kloi; naba ha ka por ba phim mut, u wan U Khun u briew.

MATHAÏOS 24:44 ပူးပေါင်းရင်းမြစ်များ

MATHAÏOS 24:27

Naba U Khun U Briew un wan kum ka leilieh kaba thaba na shiliang sha shiliang ka sahit bneng, na mihngi sha sepngi.

MATHAÏOS 24:42

“To sumar, te, namar ba phim tip ha kano ka sngi ba U Trai jong phi un wan.

MATHAÏOS 24:43

Lada u trai ïing u la tip ïa ka por ba u nongtuh un wan, phi lah ban thikna ba un jin da la peitmat bad un ym shah ïa u nongtuh ban prong shapoh ka ïing jong u.

MATHAÏOS 25:10

Kumta ki theisotti kiba bieit ki la ïaleit ban thied khyndiat ka umphniang; bad katba ki dang leit, la wan poi u nongleitkurim. Ki san ngut kiba la pynkhreh ki la ïaleit shapoh lem bad u sha ka jingkhawai shongkurim, bad ïa ka jingkhang la khang.

MATHAÏOS 25:13

Bad U Jisu u la pynkut, “To sumar bha, te, namar ba phim tip ïa ka sngi lane ïa ka kynta.”

LOUKAS 12:39

Bad phi lah ban sngewthikna ba lada u trai ïing u la tip ïa ka por haba u nongtuh un wan, un ym shah ïa u nongtuh ban prong shapoh ka ïing jong u.

LOUKAS 12:40

Bad ma phi, ruh, phi dei ban long kiba la kloi, namar ba U Khun U Briew un wan ha ka kynta haba phim shym khmih lynti ïa u.”

LOUKAS 21:36

Da husiar bad duwai borabor ba phin don ka jingkhlaiñ ban leit ha ka jingshngain lyngba kito kiei kiei ki ban sa jia bad ban ïeng ha khmat jong U Khun U Briew.”

PHILIPPI 4:5

To pynpaw ïa ka jinglong jemnud sha uwei pa uwei baroh. U Trai u la jan wan.

JAKOB 5:9

To wat ïakren khñium paralok hi, ko parabangeit jong nga, ba U Blei un ym bishar ïa phi. U Nongbishar u la jan, u la kloi ban wanpaw.

JINGPYNPAW 19:7

To ngin ïarisa bad shadkmen; to ngin ïaroh ïa ka jingkhraw jong u! Naba ka por ka la poi na ka bynta ka jingshongkurim jong U Khunlangbrot, bad ka nongleitkurim jong u ka la pynkhreh ïa lade na ka bynta kata.