MATHAÏOS 24:4 - Khasi CL Bible (BSI)

⁴ U Jisu u la jubab, “To sumar, bad wat shah ïano ïano ruh ban shukor ïa phi.

KA BAIBL

⁴ Te U Jisu u la ïathuh bad u la ong ha ki, “To sumar ba uno uno ruh un ym shukor ïa phi.

MATHAÏOS 24:4 ပူးပေါင်းရင်းမြစ်များ

JEREMAÏAH 29:8

Ma nga, U Trai, U Blei ki Israel, nga maham ïa phi ban ym shah ïa lade ban shah shukor ha ki nongïathuhlypa kiba im hapdeng jong phi lane da kino kino kiwei pat kiba kam ba ki lah ban ïathuh lypa ïa ka lawei. Wat ym pynleit jingmut satia ïa ki jingphohsniew jong ki.

JEREMAÏAH 37:9

Ma nga U Trai, nga maham ïa me ban ym shukor ïa lade da kaba pyrkhat ba ki nong Babilonia kin ym wan shuh, namar kin sa wan biang.

MARKOS 13:22

Namar ki Messaïah balamler bad ki nongïathuhlypa balamler kin mih. Kin leh ïa ki kambah bad ki jingphylla khnang ban shukor wat ïa ki briew ba la jied jong U Blei, lada long kaba lah.

LOUKAS 21:8

U Jisu u la ong, “Sumar; wat shah shukor. Kiba bun ki rangbah, kiba kam ba ki kren na ka bynta jong nga, kin wan bad ong, ‘Nga long ma u!’ bad, ‘Ka por ka la poi!’ Hynrei wat bud ïa ki.

GALATIA 6:3

Lada uno uno u mut ba u long ei ei haba da shisha um long ei ei, u long tang u nongshukor ïa lade.

EPHESOS 4:14

Te ngin ym long shuh kum ki khynnah, ba la pynshad kynting da ki jingat phyllung bad ka jingbeh ka 'erïong man ba ka kylla da ka jinghikai jong ki riewshukor, kiba ïalam ïa kiwei pat sha ka jingbakla da ki buit sianti ba ki pynmih.

EPHESOS 5:6

Wat shah ïano ïano ban shukor ïa phi da ki ktien bieit, namar dei na kine kiei kiei ba ka jingbitar U Blei kan wan ha kito ki bymkohnguh ïa u.

KOLOSSAI 2:18

Wat shah ïa lade ban shah pynrem da uno uno uba kam ba u long uba kham hakhlieh namar ki jingïohipaw kiba kyrpang bad uba ïai ban ha ka jingsngewrit bymdei bad ha kaba mane ïa ki angel. Naba khlem kano kano ka daw, ïa kiba kum kine ki briew la pynmeng shikatdei da ka rukom pyrkhat briew bad ki la sangeh ban batskhem ha U Khrist, uba long u khlieh jong ka met.

KOLOSSAI 2:8

Da khmih bha, te, ba uno uno un ym teh mraw ïa phi da ki buit shukor bymmyntoi jong ka jingstad ba kynja briew, kaba wan na ki jinghikai ba la ai pateng da ki briew bad na ki mynsiem kiba synshar ïa ka jingpynlong, bad ym na U Khrist.

2 THESSALONI 2:3

Wat shah ïano ïano ban shukor ïa phi ha kano kano ka rukom. Naba ka Sngi kan ym wan tad ynda ka Jingïaleh pyrshah ka jia bad ba uta Uba Sniew u mihpaw ïa uba la buh lypa na ka bynta ka dujok.

1 ÏOANNIS 4:1

Ko ki paralok ba-ieit jong nga, wat ngeit ïa baroh kiba kam ba ki don U Mynsiem, hynrei, to phin da tynjuh ïa ki ban shem lada u mynsiem ba ki don u wan ne em na U Blei. Naba shibun ki nongïathuhlypa balamler ki la leit kylleng sawdong.