MATHAÏOS 24:37 - Khasi CL Bible (BSI)

³⁷ Ka jingwan U Khun U Briew kan long kum kaei kaba la jia ha ka por u Noah.

KA BAIBL

³⁷ Te kumba la long ki sngi u Noah, kumta ruh kan long kata ka jingwan U Khun u briew.

MATHAÏOS 24:37 ပူးပေါင်းရင်းမြစ်များ

JENESIS 6:8

Hynrei U Trai u la sngewbha eh ïa u Noah.

MATHAÏOS 16:27

Naba U Khun U Briew u la jan wan ha ka burom jong U Kpa jong u lem bad la ki angel, bad nangta un ainong ïa uwei pa uwei kat kum ki kam jong u.

MATHAÏOS 24:27

Naba U Khun U Briew un wan kum ka leilieh kaba thaba na shiliang sha shiliang ka sahit bneng, na mihngi sha sepngi.

MATHAÏOS 24:3

Katba U Jisu u dang shong halor u lum ki Olib, ki synran ki la wan sha u ha kaba jar jar. “To ïathuh ha ngi lano kane baroh kan long,” ki la kylli, “bad kaei ka ban jia ban pyn-i ba ka la dei ka por ïa ka jingwan jong me bad kaba kut ka Ïa.”

MATHAÏOS 24:30

Nangta ka dak U Khun U Briew kan paw ha ka sahit bneng, bad baroh ki jaitbynriew jong ka pyrthei kin ïam haba ki ïohi ïa U Khun U Briew ba u wan ha ki lyoh bneng ha ka bor bad ka burom bakhraw.

MATHAÏOS 24:39

pynban kim sngewthuh kaei kaba la jia tad haduh ba ka jingshlei um ka la wan bad ka rong noh ïa ki baroh. Kan sa long kumta haba U Khun U Briew u wan.

HEBRU 11:7

Dei ka jingngeit kaba la pynlong ïa u Noah ban shahshkor ïa ki jingmaham U Blei shaphang kiei kiei ki ban sa jia ïa kiba um shym lah ban ïohi. U la kohnguh ïa U Blei bad u la thaw ïa ka ïinglieng ha kaba ma u bad ka longïing jong u ki la ïohlait im. Da kane, la pynrem ïa ka pyrthei, bad u Noah u la ïohpdiang na U Blei ïa ka hok kaba wan da ka jingngeit.

2 PETROS 2:5

U Blei um shym la shah jem ïa ka pyrthei mynbarim, hynrei u la wanrah ïa ka jingshlei um ha ka pyrthei jong ki briew bymtip Blei; kita kiba u pyllait im ki long u Noah, uba la ïalap ïa ka hok, bad hynñiew ngut kiwei pat.

2 PETROS 3:6

Ïa ka pyrthei la pynlong na ka um bad da ka um, bad ka la long ruh da ka um; ka um jong ka jingshlei um, ba ïa ka pyrthei barim la pynjot.