MATHAÏOS 24:30 - Khasi CL Bible (BSI)

³⁰ Nangta ka dak U Khun U Briew kan paw ha ka sahit bneng, bad baroh ki jaitbynriew jong ka pyrthei kin ïam haba ki ïohi ïa U Khun U Briew ba u wan ha ki lyoh bneng ha ka bor bad ka burom bakhraw.

KA BAIBL

³⁰ Ynda kumta te, ka dak U Khun u briew kan paw ha bneng; te hangta ki jaid bynriew baroh ka pyrthei kin ïalynñiar lympat, haba kin ïohi ba u wan U Khun u briew ha ki lyoh bneng da ka bor bad ka burom bakhraw.

MATHAÏOS 24:30 ပူးပေါင်းရင်းမြစ်များ

DANIEL 7:13

Ha kane ka jingïohipaw ha ka por mynmiet, nga la ïohi ïa kaei kaba i kum u briew. U la wan sha nga, ba la ker sawdong da u lyoh, bad u la leit sha uta uba la im junom bad la ai sngewbha ha u.

SEKHARAÏAH 12:10

“Ngan pyndap ïa ki khun ki ksiew jong u Dabid bad ïa kiwei pat ki briew jong ka Jerusalem da ka mynsiem ka jingisynei bad ka mynsiem ka jingduwai. Kin ïakhmih ha uta ïa uba ki la dung pynïap, bad kin ïambriew na ka bynta jong u kum kito kiba ïambriew na ka bynta i khun marwei. Kin ïambriew kthang eh, kum kito kiba la duh noh ïa u khun nyngkong jong ki.

SEKHARAÏAH 12:11

Ha kata ka por ka jingïambriew ha Jerusalem kan long kaba khraw kum ka jingïambriew na ka bynta u Hadad Rimmon ha ki pyntha jong ka Megiddo.

MATHAÏOS 24:3

Katba U Jisu u dang shong halor u lum ki Olib, ki synran ki la wan sha u ha kaba jar jar. “To ïathuh ha ngi lano kane baroh kan long,” ki la kylli, “bad kaei ka ban jia ban pyn-i ba ka la dei ka por ïa ka jingwan jong me bad kaba kut ka Ïa.”

MATHAÏOS 24:37

Ka jingwan U Khun U Briew kan long kum kaei kaba la jia ha ka por u Noah.

MATHAÏOS 24:39

pynban kim sngewthuh kaei kaba la jia tad haduh ba ka jingshlei um ka la wan bad ka rong noh ïa ki baroh. Kan sa long kumta haba U Khun U Briew u wan.

MATHAÏOS 26:64

U Jisu u la jubab ïa u, “Me ong kumta. Hynrei nga ong ïa phi baroh: Naduh kane ka por phin ïohi ïa U Khun U Briew ba u da shong ha ka liang kamon jong U Bakhrawbor tam bad u da wan ha ki lyoh bneng!”

MARKOS 13:26

Nangta U Khun U Briew un mihpaw, da kaba wan ha ki lyoh ha ka bor bakhraw bad ka burom.

MARKOS 13:4

“To ïathuh ïa ngi lano kane kan sa long,” ki la ong, “bad to ïathuh ïa ngi kaei ka ban jia ban pyn-i ba ka por ka la poi na ka bynta kine kiei kiei baroh ban long.”

LOUKAS 21:27

Nangta U Khun U Briew un paw, u da wan ha ki lyoh lem bad ka bor bad ka burom bakhraw.

LOUKAS 22:69

Hynrei naduh mynta U Khun U Briew un shong ha ka liang kamon jong U Blei Badonbor Baroh.”

KI KAM 1:11

“Ko nong Galilaïa, balei phi ïa-ïeng hangne da kaba khmied sha ka sahit bneng? Une U Jisu, ïa uba la shim noh sha bneng na phi, un wan pat ha kajuh ka rukom ba phi la ïohi ba u kiew sha bneng.”

2 THESSALONI 1:7

bad un ai ka jingpyllait ha phi kiba shahshitom bad ha ngi ruh kumjuh. Un leh ïa kane haba U Trai Jisu u mihpaw na bneng lem bad ki angel bakhlaiñbor jong u,

JINGPYNPAW 1:7

Ha khmih, u wan ha ki lyoh! Baroh kin ïohi ïa u, kynthup ïa kito kiba la sum ïa u. Ki jaitbynriew baroh ha ka pyrthei kin ïamkthang namar jong u. Kumta kan long!

JINGPYNPAW 12:1

Nangta ka dak kaba khraw bad kaba maïan ka la paw ha ka sahit bneng. La don ka briew, kaba ka jaiñphong jong ka, ka long ka sngi bad kaba don u bnai hapoh ki kjat jong ka bad ka pansngiat ki khat-ar tylli ki khlur halor ka khlieh jong ka.