MATHAÏOS 24:24 - Khasi CL Bible (BSI)

²⁴ Naba ki Messaïah lamler bad ki nongïathuhlypa lamler kin ïamih, kin leh ïa ki kambah bakhraw bad ki kamphylla khnang ban shukor wat ïa ki briew kiba la jied jong U Blei, lada ka long kaba lah.

KA BAIBL

²⁴ Naba ki khrist lamler, bad ki nongïathuhlypa lamler, kin mih, bad kin pyni ïa ki dak ki bakhraw bad ki jingphylla, kat ban shukor, lada lah, wat ïa kiba la jied.

MATHAÏOS 24:24 ပူးပေါင်းရင်းမြစ်များ

ISAÏAH 9:15

Ki rangbah kiba tymmen bad kiba donburom ki long ka khlieh — bad u tdong u long ki nongïathuhlypa kiba ki jinghikai jong ki, ki long kiba lamler!

MATHAÏOS 22:14

Bad U Jisu u la pynkut, “Shibun la khot sngewbha, hynrei khyndiat la jied.”

MATHAÏOS 24:11

Nangta shibun ki nongïathuhlypa lamler kin mih bad kin shukor ïa ki briew kiba bun.

MATHAÏOS 24:22

Hynrei U Blei u la pynduna ïa ka jingbun ki sngi; lada um shym la leh kumta, yn ym don mano mano ruh uba lah ban lait im. Na ka bynta ki briew jong u kiba u la jied, U Blei un pynduna ïa ki sngi.

MATHAÏOS 24:25

To shahshkor! nga la ïathuh ha phi ïa kane ha shuwa ba ka por kan poi.

MATHAÏOS 24:31

Ka turoi bakhraw kan sawa, bad un phah ïa ki angel jong u sha ki sawlyer jong ka pyrthei, ban kin lumlang ïa ki briew kiba la jied jong u na kawei ka tduh jong ka pyrthei sha kawei pat.

MATHAÏOS 24:5

Shibun ki briew, kiba kam ba ki kren na ka bynta jong nga, kin wan bad ong, ‘Nga long u Messaïah!’ bad kin shukor ïa ki briew kiba bun.

MATHAÏOS 7:15

“To sumar ïa lade na ki nongïathuhlypa balamler; ki wan sha phi ki da i kum ki langbrot ha kaba shabar, hynrei ha kaba shapoh ki long shisha kum ki suri barunar.

MARKOS 13:22

Namar ki Messaïah balamler bad ki nongïathuhlypa balamler kin mih. Kin leh ïa ki kambah bad ki jingphylla khnang ban shukor wat ïa ki briew ba la jied jong U Blei, lada long kaba lah.

LOUKAS 18:7

Mynta, hato U Blei un ym bishar ha ka liang jong ki briew jong u kiba kyang sha u mynsngi bad mynmiet ban ïoh jingïarap? Hato un long uba suki ban ïarap ïa ki?

ÏOANNIS 4:48

U Jisu u la ong ha u, “Ym don uwei ruh na phi u ban ngeit lymda u ïohi ïa ki kambah bad ki kamphylla.”

ÏOANNIS 6:37

Uno uno ïa uba U Kpa jong nga u ai ha nga un wan sha nga. Ngan ym kyntait ïa uno uno uba wan sha nga, namar nga la wan hiar na bneng ban leh ym ïa ka mon ka jong nga hynrei ïa ka mon jong uta uba la phah ïa nga.

ÏOANNIS 6:39

Bad ka long ka mon jong uta uba la phah ïa nga ba ngam dei ban duh noh ïa uno uno na kita baroh kiba u la ai ha nga, hynrei ba nga dei ban pynmihpat ïa ki baroh ha ka sngi kaba khatduh.

KI KAM 20:16

U Paul u la kut jingmut ban ïaid lait ïa ka Ephesos, ba kumta yn ym pynsep-ei ïa ka por ha ka probins jong ka Asia. U la kyrkieh ban poi ha Jerusalem ha ka sngi Pentekost, lada ka long kaba lah.

Ka Shithi U Paul Sha Ki Nong Rom 12:18

To leh ïa kiei kiei baroh katba phi lah ban im ha ka jingïasuk bad ki briew baroh.

GALATIA 4:15

Phi la long kiba kmen eh! kaei kaba la jia? Nga hi nga lah ban ong ba phin da la khlaw noh ïa la ki jong ki khmat, lada phi lah, bad ban ai noh ïa ki ha nga.

DEUTERONOMI 13:1

“U nongïathuhlypa ne u nongbatai ïa ki jingphohsniew u lah ban kular ïa ka kambah ne ka kamphylla,

2 TIMOTHI 2:19

Hynrei ïa ka nongrim baskhem kaba U Blei u la buh ym lah ban pynkhih; bad halor jong ka la thoh ïa kine ki ktien: “U Trai u ithuh ïa kito kiba dei ki jong u” bad “Baroh kiba ong ba ki dei ki jong U Trai ki dei ban phai noh na kaba leh bymdei.”

1 PETROS 1:5

Ki long na ka bynta jong phi, kiba da ka jingngeit la ri kyndong da ka bor U Blei ïa ka jingpynim kaba la pynkhreh ban sa pynpaw ha kaba kut jong ka por.

2 PETROS 3:17

Hynrei ma phi, ko ki paralok jong nga, phi la tip lypa ïa kane. To sumar ïa lade, namarkata, ba phin ym shah ïalam bakla da ki jingpynbakla ki briew ki bym bat aiñ bad phi hap noh na ka jaka ba la shongshngain kaba phi don.

1 ÏOANNIS 2:18

Ko ki khun jong nga, kaba kut ka la jan! La ïathuh ha phi ba u Nongshun jong U Khrist un sa wan; bad mynta ki nongshun babun jong U Khrist ki la lah paw, bad kumta ngi tip ba kaba kut ka la jan.

1 ÏOANNIS 2:22

Uei te uba lamler? U dei uno uno uba ong ba U Jisu um dei U Messaïah. Kum uta u briew, u long u Nongshun jong U Khrist — u kyntait ïa U Kpa bad ïa U Khun ruh.

1 ÏOANNIS 5:18

Ngi tip ba ym don uno uno napdeng ki khun U Blei uba ïai leh pop, naba U Khun U Blei u sumar ïa u, bad u Basniew um lah ban pynmynsaw ïa u.

JINGPYNPAW 19:20

Ïa u mradkhlaw la ring koidi, lem bad ïa u nongïathuhlypa lamler uba la leh ki kambah ha ka jingdon ryngkat jong u. (Ka la long da kito ki kambah ba u la shukor ïa kito kiba la don ïa ka shab jong u mradkhlaw bad ïa kito kiba la mane ïa ka dur jong u mradkhlaw.) Ïa u mradkhlaw bad ïa u nongïathuhlypa lamler la bret im sha ka pung ding kaba klang da u kyndok.