MATHAÏOS 24:21 - Khasi CL Bible (BSI)

²¹ Namar ka jingjynjar ha kata ka por kan kham shyrkhei ban ïa kano kano kaba la ju jia, naduh kaba sdang jong ka pyrthei haduh kane ka sngi. Lymne ba yn don pat kano kano kum kane.

KA BAIBL

²¹ Naba hangta, ka kordit bah kan long, kat kaba ym pat ju long naduh myndanglong ka pyrthei haduh mynta, em, lymne kan ym long shuh ruh.

MATHAÏOS 24:21 ပူးပေါင်းရင်းမြစ်များ

ESEKIEL 5:9

Namar kiei kiei baroh kiba pha leh ki long kiba nga ijli, ngan pynshitom ïa ka Jerusalem ïa kaba ngam pat ju leh mynno mynno, bad ïa kaba ngan ym leh shuh lano lano ruh.

DANIEL 12:1

U angel uba kup ki jaiñ linen u la ong, “Ha kata ka por, u Mikhael, u angel uba khraw, uba ïada ïa ki briew jong me, un mihpaw. Nangta kan don ka por ki jingjynjar, kaba kham sniew tam naduh ba ki jaitbynriew ki mih. Haba kata ka por ka wan, baroh ki briew jong ka jaitbynriew jong me kiba ïa ki kyrteng jong ki la thoh ha ka kitab ka jong U Blei yn pynim.

DANIEL 9:26

Bad ha kaba kut jong kata ka por ïa u nongïalam ba la jied jong U Blei yn pynïap khlem bishar hok. Ïa ka nongbah bad ïa ka Templ yn pynjot da ka kynhun shipai kaba hiarthma jong u nongsynshar badonbor. Kaba kut kan wan kum ka jingshlei um, ka da wallam ïa ka thma bad ïa ka jingpynjot kaba U Blei u la lah pynkhreh.

JOEL 1:2

To shahshkor, phi ki briew ba la kham rangbah; phi baroh ha Judah, to shahshkor. Hato kaba kum kane ka la ju jia ha ka por jong phi lane ha ka por ki kpa jong phi?

JOEL 2:2

Kan sa long ka sngi kaba dum bad kaba pynlong jingkhuslai, ka sngi kaba ïong bad ba-dum lyoh. Ka kynhun bakhraw jong ki puit ka tur kum ka jingdum kaba pyiar halor ki lumbah. Ym ju don mynno mynno ruh kum kane, bad yn ym don shuh lano lano ruh.

MALAKHI 4:1

U Trai Badonbor Baroh u ong, “Ka sngi ka la nang wan ha kaba ïa kiba sarong baroh bad ïa ki briew kiba sniew yn thang kum u phlangïap. Ha kata ka sngi kin shah thang lut, bad yn ym don kaba sah na ki.

MATHAÏOS 24:20

To duwai ha U Blei ba phin ym hap ban phet noh ha ka por tlang lane ha ka sngi Sabbaton!

MATHAÏOS 24:29

“Shen hadien ka jingjynjar jong kito ki sngi, ka sngi kan dum, u bnai un ym tyngshaiñ shuh, ki khlur kin hap na bneng, bad ki bor ha ka haw haw kin shah beh na ki lynti jong ki.

MARKOS 13:9

“Ma phi ïa lade hi phi dei ban long kiba sumar bha. Phin shah kem bad shah ïalam sha ka ïingbishar. Ïa phi yn sa shoh ha ki synagog; phin sa ïeng ha khmat ki nongsynshar bad ki syiem na ka bynta jong nga ban ïathuh ha ki ïa ka Khubor Babha.

LOUKAS 21:24

Katto katne ngut kin shah pynïap da ka waitlam, bad kiwei pat kin shah rah kum ki koidi sha ki ri baroh; bad ki bymngeit blei kin ïuh ïa ka Jerusalem tad ynda ka por jong ki ka la kut.

1 THESSALONI 2:16

Ki la pyrshang wat ban pynsangeh ïa ngi na kaba ïalap ha ki Jentil ïa ka khubor ka ban wallam ka jingpynim ha ki. Ha kane ka rukom ki la pyndep ïa baroh ki pop kiba ki la ju ïai leh. Bad mynta ka jingbitar jong U Blei ha kaba kut ka la wan hiar halor jong ki!

JINGPYNPAW 16:18

La don ki jingthaba leilieh, ki jingkyrhuh bad jingtied pyrthat, bad u jumai uba shyrkhei. Ym pat ju don kum uta u jumai naduh ba la thaw ïa u khunbynriew; une u la long u jumai uba jur tam na baroh!

JINGPYNPAW 7:14

Nga la jubab ïa u, “Ngam tip, ko kynrad. Phi te phi tip.” U la ong ha nga, “Kine ki long ki briew kiba la lait na kata ka jingpynshitom kaba triem. Ki la sait ïa la ki jaiñkup bad ki la pynlieh ïa ki da ka snam jong uta U Khunlangbrot.