MATHAÏOS 24:15 - Khasi CL Bible (BSI)

¹⁵ “Phin ïohi ïa ‘Ka Jingijli Bashyrkhei’ ïa kaba u Daniel u nongïathuh lypa u la kren. Kan ïeng ha ka jaka bakhuid.” (Ka jingkynthoh ïa u nongpule: Da pynthikna ban shemphang aïu kane ka kit jingmut!)

KA BAIBL

¹⁵ “Namar kata, ynda phin ïohi ïa kata ka jingijli bapynduh, ba la ong shaphang jong ka da u Daniel u nongïathuhlypa, ba ka da ïeng ha ka jaka bakhuid,” (Jar uba pule un da sngap),

MATHAÏOS 24:15 ပူးပေါင်းရင်းမြစ်များ

JEREMAÏAH 44:29

Ma nga, U Trai, ngan ai ha phi ïa ka jingpynshisha ba ngan pynshitom ïa phi ha kane ka jaka bad ba ka jingkular jong nga ban wallam ïa ka jingpynjot ha phi kan urlong shisha.

ESEKIEL 40:4

U ong ha nga, “To khmih, ko khun u briew, shahshkor kyndiang bad pynleit jingmut bha ïa kata baroh kaba nga pyn-i ha me; namar ba na ka bynta kane la ïalam ïa me hangne. Me dei ban ïathuh ïa kata baroh ba me ïohi sha ki briew ka Israel.”

DANIEL 1:6

Napdeng kito kiba la shah jied ki long u Daniel, u Hananaïah, u Mishael, bad u Asaraïah; baroh na ki, ki dei na ka jait Judah.

DANIEL 11:31

Katto katne na ki shipai jong u kin pyntngit ïa ka Templ. Kin pynsangeh ïa ki jingkñia ba man ka sngi bad kin pynïeng ïa ka Jingshyrkhei Ba-ijli.

DANIEL 12:11

“Naduh ka por ba ki jingkñia ba man ka sngi ki sangeh, kata, naduh ka por jong ka Jingshyrkhei Ba-ijli, shihajar arspah khyndaiphew tylli ki sngi kin ïaid.

DANIEL 9:23

Mynba me la sdang ban ïasaid bad U Blei, u la jubab ïa me. U ieit ïa me, bad kumta nga la wan ban ïathuh ïa ka jubab ha me. Mynta to pynshahshkor katba nga dang batai ïa ka jingïohipaw.

DANIEL 9:25

Kynmaw ïa kane bad to shemphang ïa ka: Naduh ka por ba la ai ïa ka hukum ban tei pat ïa ka Jerusalem, tad haduh ba wan u nongïalam ba la jied da U Blei, ki hynñiew sien ki hynñiew snem kin leit noh. Ïa ka Jerusalem yn tei pat lem bad ki lynti bah bad ki jingïada bakhlaiñ, bad kan ïeng haduh hynñiew sien ki hynriewphew ar snem, hynrei kane kan long ka por ki jingjynjar.

DANIEL 9:27

Uta u nongsynshar un don ka jingïateh kular kaba skhem bad kiba bun ki briew haduh hynñiew snem, bad haba shiteng na kane ka por ka la leit, un pynkut ïa ki jingkñia bad ki jingainguh. Ïa ka Jingshyrkhei Ba-ijli yn buh ha ka jaka bajrong tam jong ka Templ bad kan sah hangta tad haduh ba uta uba buh ïa ka hangta u ïashem ïa kaba kut kaba U Blei u la lah pynkhreh na ka bynta jong u.”

MATHAÏOS 24:16

“Nangta kito kiba don ha Judia ki dei ban phet sha ki lum.

MARKOS 13:14

“Phin sa ïohi ïa ka ‘Jingijli Bashyrkhei’ kaba ïeng ha ka jaka kaba kam dei ban don.” (Ka jingpynkynmaw ïa uba pule: da pynthikna ban sngewthuh ka mut aïu kane!) “Te kito kiba don ha Judia ki dei ban phet sha ki lum.

LOUKAS 19:43

Ka por kan poi haba ki nongshun jong pha kin ker sawdong ïa pha da ki jingker, ki jingkhanglad ïa pha, bad ki nang tur jan sha pha na ki liang baroh.

LOUKAS 21:20

“Haba phi ïohi ba la kerkut ïa ka Jerusalem da ki kynhun shipai, te phin tip ba shen yn sa pynjot noh ïa ka.

ÏOANNIS 11:48

Lada ngi shah bad ïai leh ha kane ka rukom, baroh kin ngeit ha u, bad ki nongsynshar ka Hima Rom kin leh ei ei bad kin pynjot ïa ka Templ bad ïa ka jaitbynriew jong ngi.”

KI KAM 21:28

“Ko ki rangbah Israel!” ki la pyrta. “To ïarap! Dei une u briew uba leit kylleng kylleng da kaba hikai ïa uwei pa uwei pyrshah ïa ki paid Israel, ïa ka Hukum u Moses, bad ïa kane ka Templ. Bad mynta u la wan ïalam wat katto katne ngut ki Jentil shapoh ka Templ bad pyntngit ïa kane ka jaka bakhuid!”

KI KAM 6:13

Nangta ki la wallam katto katne ngut ki rangbah ban ïathuh lamler shaphang jong u. “Une u briew,” ki la ong, “u ïai kren borabor pyrshah ïa ka templ bakyntang bad ïa ka hukum u Moses.

HEBRU 2:1

Namar kata ngi dei ban kham batskhem ïa kita ki jingshisha ïa kiba ngi la ïohsngew, kumta ba ngin ym shah rong noh.

JINGPYNPAW 1:3

Suk uta uba pule ïa kane ka kitab, bad suk kito kiba shahshkor ïa ki ktien jong kane ka khubor jong ka jingïathuhlypa bad kiba kohnguh ïa kaei kaba la thoh ha kane ka kitab! Naba ka por ka la jan haba baroh kine kiei kiei kin sa jia.

JINGPYNPAW 3:22

“Te lada pha don ki shkor, shahshkor ïa kaei kaba U Mynsiem u ong ha ki balang!”