MATHAÏOS 23:37 - Khasi CL Bible (BSI)

³⁷ “A Jerusalem, Jerusalem! Pha pynïap ïa ki nongïathuhlypa bad lynthem maw ïa ki nonglamktien kiba U Blei u la phah ha pha! Katno sien nga la kwah ban kdup ha ki ksang'ti jong nga ïa ki briew jong pha baroh, kumba ka syiar ka lumlang ïa la ki khun hapoh ki thapniang jong ka, hynrei pham shym la shah ïa nga.

KA BAIBL

³⁷ “A! Jerusalem, Jerusalem! pha kaba pynïap noh ïa ki nongïathuhlypa, bad kaba lynthem maw ïa kita ïa kiba la phah ha pha! katno sien ba nga la kwah ban kdup ïa ki khun jong pha, kumba ka syiar ka kdup ïa ki khun jong ka hapoh ki thapniang jong ka, phi te phim mon.

MATHAÏOS 23:37 ပူးပေါင်းရင်းမြစ်များ

NEHEMAÏAH 9:26

“Hynrei ki briew jong me ki ïaleh pyrshah bad leh bymkohnguh ïa me; ki phai dien noh na ka Hukum jong me. Ki pynïap ïa ki nongïathuhlypa kiba maham ïa ki,

SALM 17:8

To ïada ïa nga kumba me leh ïa la ki jong ki khmat; buhrieh ïa nga ha ka jingkah ki thapniang jong me

SALM 36:7

Katno kaba kordor, A Blei, ka long ka jingieit baneh jong me! Ngi ïoh jingïada hapoh ka syrngiew ki thapniang jong me.

SALM 57:1

To leh-isynei ïa nga, A Blei, to leh-isynei, namar nga wan sha me ban ïoh jingshngain. Ha ka syrngiew jong ki thapniang jong me nga shem ka jingïada haduh ba ki 'erïong bajur ki kut noh.

SALM 63:7

namar me la ïailong ka jingïarap jong nga. Ha ka syrngiew jong ki thapniang jong me nga rwai da kaba kmen.

SALM 91:4

Un tap ïa me da ki thapniang jong u; men long shngain hapoh ka jingsumar jong u; ka jinglong baïaineh jong u kan ïada bad kyrshan ïa me.

ISAÏAH 5:4

Don kano kano kaba ngam shym la leh ïa ka? Te balei ka pynmih ki sohwaiñ kiba jew bad ym kiba bha kumba nga la khmih lynti?

ISAÏAH 50:2

“Balei ba ki briew jong nga kim jubab haba nga la leit sha ki ban pynim ïa ki? Balei ba kim phai ktien haba nga la khot ïa ki? Hato nga tlot eh ban pynim ïa ki? Nga lah ban pynrngad noh ïa ka duriaw da kaba shu hukum bad pynkylla ïa ki wah sha ka ri shyiap, ba ki dohkha kiba don ha ki kin ïap na ka jingduna um.

JEREMAÏAH 2:30

Nga la pynshitom ïa pha, hynrei kam shym wanrah kano kano ka jingbha; phan ym da la shah ïa nga ban pynbeit ïa pha. Kum u sing uba shyrkhei, pha la pynïap ïa ki nongïathuhlypa jong nga.

JEREMAÏAH 26:23

Ki la wallam pat ïa u sha u syiem Jehoïakim, uba la phah pynïap ïa u bad ïa ka met jong u la bret sha ka jaka tep paidbah.)

JEREMAÏAH 32:31

Ki briew jong kane ka nongbah ki la pynbitar bad pynbitar shla ïa nga naduh ka sngi ba la thaw ïa ka.

JEREMAÏAH 35:15

Nga la ïai phah sha phi ïa baroh ki shakri jong nga, ki nongïathuhlypa, bad ki la ong ïa phi ban iehnoh ïa ki lynti bymman jong phi bad ban leh ïa kaei kaba dei. Ki la maham ïa phi ban ym mane bad shakri ïa kiwei pat ki blei, khnang ba phi lah ban ïaishong ha ka ri kaba nga la ai ha phi bad ki kpa tymmen jong phi. Hynrei phim shym la shahshkor ïa nga lane sngap ïa nga.

JEREMAÏAH 36:26

Nangta u la hukum ïa u khun syiem Jerahmeel, ryngkat bad u Seraïah u khun jong u Asriel bad u Shelemaïah u khun jong u Abdeel, ban kem ïa nga bad ïa u sekretari jong nga u Barukh. Hynrei U Trai u la buhrieh ïa ngi.

JEREMAÏAH 4:14

A Jerusalem, to sait noh ïa ka jingsniew na ka dohnud jong pha, khnang ba pha lah ban ïohlait im. Sa katno phan dang ïai pyrkhat ïa ki jingpyrkhat bashlei da ka pop?

JEREMAÏAH 44:4

Nga ïai phah sha phi ïa ki shakri jong nga kiba long ki nongïathuhlypa, kiba la ong ïa phi ban ym leh ïa kane kaei kaei kaba shyrkhei kaba nga isih.

JEREMAÏAH 6:8

Ko ki briew ka Jerusalem, ai ba kine ki jingjynjar kin long ka jingmaham ïa phi, lymda kumta ngan iehnoh ïa phi; ngan pynkylla ïa ka nongbah jong phi sha ka ri shyiap, ka jaka ha kaba ym don mano mano bashong basah.”

HOSIA 11:2

Hynrei katba nga nang khot ïa u, katta u nang phet jngai na nga. Ki briew jong nga ki kñia ainguh sha u Baal, ki thang jingiwbih ha ki bleithaw.

HOSIA 11:7

Ki ïaleh ban phai lyndet na nga. Kin sa lynñiar namar ka lyngkor kaba ban ïa ki, hynrei yn ym don ban weng ïa ka na ki.

HOSIA 7:13

“A ki long kiba la tim! Ki la iehnoh ïa nga bad ïeng pyrshah ïa nga. Ïa ki yn pynduh noh. Nga la kwah ban pyllait im ïa ki, hynrei ka jingmane jong ki ïa nga ka long kaba thala.

SEKHARAÏAH 1:4

Wat long kum ki kpa tymmen jong phi. La slem bah ki nongïathuhlypa ki la ai ha ki ïa ka khubor jong nga, da kaba ïathuh ha ki ban ym im bymman, ban ym im shuh ka jingim bapop. Hynrei kim shym la shahshkor ïa nga lane kohnguh ïa nga.

MATHAÏOS 22:3

U la phah ïa ki shakri jong u ban ïathuh ha ki nongshahkhot sngewbha ban wan sha ka jingkhawai, hynrei kim kwah ban wan.

MATHAÏOS 22:6

katba kiwei pat ki bat trait ïa ki shakri, ki shoh ïa ki, bad ki la pynïap ïa ki.

MATHAÏOS 23:30

bad phi kam ba lada phi la im ha kata ka por jong ki kpa tymmen jong phi, phin ym da la leh ïa kaei kaba ki la leh bad pynïap ïa ki nongïathuhlypa.

MATHAÏOS 23:31

Kumta phi phla shisha ba phi long ki khun ki ksiew jong kito kiba la pynïap ïa ki nongïathuhlypa!

MATHAÏOS 5:12

To kmen, to sngewkmen, namar ïa ka bainong bakhraw la buh na ka bynta jong phi ha ki bneng. Kane ka long da kumno la pynshitom beiñ ïa ki nongïathuhlypa kiba la im ha shuwa jong phi.

LOUKAS 15:28

“U hynmen u la bitar haduh katta katta ba um shym leit shapoh ïing; kumta u kpa jong u, u la mih shabar bad kyrpad ïa u ban rung shapoh.

1 THESSALONI 2:15

kiba la pynïap ïa U Trai Jisu bad ïa ki nongïathuhlypa, bad ki la pynshitom beiñ ïa ngi. A kumno ki la long ki bym pynsngewbha ïa U Blei! A kumno ki la long kiba shun iwei ïa iwei!

JINGPYNPAW 17:6

Bad nga la ïohi ïa kata ka briew ba ka la buaid da ka snam jong ki briew jong U Blei, bad da ka snam jong kito kiba la shah pynïap namar ba ki la ïaineh skhem ha U Jisu. Haba nga la ïohi ïa ka, nga la sngewkyndit shikatdei eh.

RUTH 2:12

To U Trai un ainong ïa phi namar kaei kaba phi la leh. Ai ba phin ïoh ka bainong kaba pura na U Trai U Blei ki Israel, sha uba phi la wan ban ïoh jingïada.”