MATHAÏOS 23:34 - Khasi CL Bible (BSI)

³⁴ Bad kumta nga ong ha phi ba ngan phah ha phi ïa ki nongïathuhlypa bad ïa ki briew kiba stad bad ïa ki nonghikai; phin pynïap katto katne ngut na ki, phin sahnarphna ïa kiwei pat, bad phin sympat ïa kiwei pat ha ki synagog bad beh ïa ki na kawei ka shnong sha kawei pat.

KA BAIBL

³⁴ Naba kumta, ha khmih, nga phah ha phi ïa ki nongïathuhlypa, bad ïa ki riewstad, bad ïa ki nongthoh ruh; te ïa kiba na ki phin pynïap noh, bad phin sahnarphna; bad ïa kiwei na ki phin sympat ha ki synagog jong phi, bad phin behbeiñ ruh na ka shnong sha ka shnong:

MATHAÏOS 23:34 ပူးပေါင်းရင်းမြစ်များ

2 SYIEM 21:10

Lyngba ki shakri jong u, ki nongïathuhlypa U Trai u ong,

2 KHRONIKL 24:21

U syiem Joash u la ïasnohkti ha ka jingïasylla pyrshah ïa u Sekharaïah, bad ha ka hukum jong u syiem, ki paidbah ki la lynthem maw ïa u Sekharaïah ha ka phyllaw ka Templ.

PROBERB 11:30

Ka hok ka ai jingim, hynrei ka jinglehbor ka shim noh ïa ka.

JEREMAÏAH 26:8

bad hamar ba nga la pyndep ïa baroh kaba U Trai u la hukum ïa nga ban kren, ki la kem ïa nga bad pyrta, “Me dei ban shah pynïap namar kane!

JEREMAÏAH 36:26

Nangta u la hukum ïa u khun syiem Jerahmeel, ryngkat bad u Seraïah u khun jong u Asriel bad u Shelemaïah u khun jong u Abdeel, ban kem ïa nga bad ïa u sekretari jong nga u Barukh. Hynrei U Trai u la buhrieh ïa ngi.

MATHAÏOS 10:23

Haba kin pynshitom beiñ ïa phi ha kawei ka shnong, to phet sha kawei pat. Nga pynthikna ïa phi ba phin ym pat lah ban pyndep ïa ka kam jong phi ha baroh ki shnong jong ka Israel ha shuwa ba U Khun U Briew un wan.

MATHAÏOS 13:52

Kumta u la jubab, “Kane ka mut, te, ba uwei pa uwei u nonghikai Aiñ uba long u synran hapoh ka Hima ki bneng u long kum u trai jong ka ïing uba la sei shabar ïa kiei kiei kiba thymmai bad kiba rim napoh ka kamra kynshew jong u.”

MATHAÏOS 23:31

Kumta phi phla shisha ba phi long ki khun ki ksiew jong kito kiba la pynïap ïa ki nongïathuhlypa!

LOUKAS 24:47

bad ha ka kyrteng jong u ïa ka khubor shaphang ka Jingkylla-kaba-mut bad ka jingmap ïa ki pop dei ban ïalap sha ki jaitbynriew baroh, da kaba sdang na Jerusalem.

ÏOANNIS 16:2

Phin shah beh noh na ki synagog, bad ka por kan poi haba uno uno uba pynïap ïa phi un pyrkhat ba da kaba leh kumta u shakri ïa U Blei.

ÏOANNIS 20:21

U Jisu u la ong pat ha ki, “To ka jingsuk kan long lem bad phi. Kumba U Kpa u la phah ïa nga, kumta ruh nga phah ïa phi.”

KI KAM 1:8

Hynrei haba U Mynsiem Bakhuid u wan ha phi, yn pyndap ïa phi da ka bor, bad phin long ki sakhi jong nga ha Jerusalem, ha baroh ka Judia bad Samaria, bad shaduh kiba kut jong ka pyrthei.”

KI KAM 11:27

Hamar kata ka por katto katne ngut ki nongïathuhlypa ki la leit na Jerusalem sha Antiokh.

KI KAM 12:2

U la phah pynïap ïa u Jakob, u para jong u Ïoannis, da ka waitlam.

KI KAM 13:1

Ha ka balang ha Antiokh la don katto katne ngut ki nongïathuhlypa bad ki nonghikai: U Barnabas, u Simeon (ïa uba la khot u Niger), u Lukios (na Kyrini) bad u Manaen (ïa uba la pynsan pynrangbah bad u Herod Antipas uba long u lyngskor) bad u Saul.

KI KAM 14:19

Katto katne ngut ki Jiw ki la wan na Antiokh kaba ha Pisidia bad na Ikoniom; ki la ïoh ïa u paidbah sha ka liang jong ki, ki la lynthem maw ïa u Paul bad ki la paring ïa u shabar shnong, da kaba pyrkhat ba u la ïap.

KI KAM 15:32

U Judas bad u Silas, kiba long hi ki nongïathuhlypa, ki la kren slem bad ki, da kaba ai ha ki ka jingpynshlur bad ka jingpynkhlaiñ.

KI KAM 5:40

Ki la khot shapoh ïa ki apostol, ki la phah sympat ïa ki, bad hukum ïa ki ban ym kren shuh da lei lei ha ka kyrteng jong U Jisu; bad nangta ki la pyllait noh ïa ki.

1 KORINTH 2:6

La katta ruh, nga pynbna ïa ka khubor jong ka jingstad sha kito kiba la san ha ka jinglong mynsiem. Hynrei, kam long ka jingstad jong kane ka pyrthei lane jong ki bor kiba synshar ïa kane ka pyrthei — ki bor ki ban sa duh noh ïa ka bor jong ki.

1 KORINTH 3:10

Da kaba pyndonkam ïa ka jingai kaba U Blei u la ai ha nga, nga la trei ïa ka kam u rangbah nongtei uba tbit bad nga la seng ïa ka nongrim, bad uwei pat u tei halor jong ka. Hynrei uwei pa uwei u dei ban sumar kumno u tei.

KOLOSSAI 1:28

Kumta ngi ïalap ïa U Khrist ha uwei pa uwei. Da ka jingstad baroh katba lah ngi maham bad hikai ïa ki khnang ban pynïeng ïa uwei pa uwei ha khmat U Blei kum u briew uba la san pura ha U Khrist.

1 THESSALONI 2:16

Ki la pyrshang wat ban pynsangeh ïa ngi na kaba ïalap ha ki Jentil ïa ka khubor ka ban wallam ka jingpynim ha ki. Ha kane ka rukom ki la pyndep ïa baroh ki pop kiba ki la ju ïai leh. Bad mynta ka jingbitar jong U Blei ha kaba kut ka la wan hiar halor jong ki!

HEBRU 11:37

La lynthem maw ïa ki, la ot arliang ïa ki, la pynïap ïa ki da ka waitlam. Ki la ïaid kylleng, ki da phong da ki jaiñ snieh langbrot lane snieh blang — ha ka jingduk, ha ka jingshah pynshitom, bad ha ka jingshah lehbeiñ.

JINGPYNPAW 11:10

Ki briew kiba shong ha ka pyrthei kin ïakmen namar ka jingïap jong kine ki ar ngut. Kin ïalehkmen bad kin ïa-ai jingai sngewbha markylliang, namar ba kita ki ar ngut ki nongïathuhlypa ki la wallam shibun ki jingshitom halor u bynriew.