MATHAÏOS 23:33 - Khasi CL Bible (BSI)

³³ Phi ki bseiñ bad ki khun ki bseiñ! Kumno phi khmih lynti ban lait na ka jingshah pynrem sha ka dujok?

KA BAIBL

³³ A ki bseiñ! Ki khun ki ksiew ki 'seiñpuh! kumno phin ïohlait na ka jingshitom ka dujok?

MATHAÏOS 23:33 ပူးပေါင်းရင်းမြစ်များ

JENESIS 3:15

Ngan pynlong ïa me bad ka briew ban ïa-isih iwei ïa iwei pat, u symbai jong ka bad u symbai jong me kin ïailong ki nongshun. U symbai jong ka un pynlwet ïa ka khlieh jong me, bad me pat men puh ïa ka khongdong'jat jong u symbai jong ka.”

ISAÏAH 20:6

Haba kata ka por ka wan, ki briew kiba shong shi lynter ka rud duriaw jong ka Philistia kin ong, ‘Khmih ïa kaei kaba la jia ha ki briew kiba ngi la shaniah ban ïada ïa ngi na u patsha jong ka Assyria! Kumno ngin ïohlait im?’ ”

MATHAÏOS 12:34

Phi ki bseiñ — kumno phi lah ban ong ïa kiei kiei kiba bha haba phi long kiba sniew? Namar ka shyntur ka kren ïa kaei kaba la shlei ha ka dohnud.

MATHAÏOS 23:32

To nang ïaid, bad pyndep ïa kaei kaba ki kpa tymmen jong phi ki la sdang!

MATHAÏOS 3:7

Haba u Ïoannis u la ïohi ïa shibun ki Pharisi bad ki Saddusi kiba la wan sha u ban shah pynbaptis, u la ong ha ki, “Phi ki bseiñ — uei uba la ïathuh ha phi ba phi lah ban lait na ka jingpynshitom kaba U Blei un sa phah?

MATHAÏOS 5:22

Hynrei mynta nga ong ha phi: ïa uno uno uba bitar ïa la u para yn wallam sha ka jingbishar, ïa uno uno uba khot ïa la u para ‘Me u bymlarkam ei ei!’ yn wallam ha khmat ka Dorbar Bah, bad ïa uno uno uba khot ïa la u para ‘u bieit bymmyntoi’ un don ha ka jingma ka jingleit sha ka dujok ding.

LOUKAS 3:7

U paidbah byllien u la leit sha u Ïoannis ban shah pynbaptis ha u. “Phi ki bseiñ!” u la ong ha ki. “Mano ba la ong ïa phi ba phi lah ban lait na ka jingpynshitom kaba U Blei un sa phah?

ÏOANNIS 8:44

Phi, phi long ki khun jong u kpa jong phi, u Ksuid, bad phi da kwah ban bud ïa kiba u kpa jong phi u sngewbha. Naduh kaba mynnyngkong u la long u nongpynïap briew bad um ju ïeng ha ka liang jong ka jingshisha, namar ha u kam don ka jingshisha. Haba u ïathuh ïa ka jingshukor, u leh ïa kaei kaba long tynrai ha u, namar u long uba lamler bad u kpa ki jingshukor baroh.

2 KORINTH 11:3

Nga sheptieng ïoh ïa ki jingmut jong phi yn pynjngut noh bad ba phin iehnoh noh ïa ka jingaiti basngur pura jong phi ha U Khrist — kumba ïa ka Im la shukor da ki buit sianti uta u bseiñ.

HEBRU 10:29

Te, kaei kan long ïa u briew uba ñiewbeiñ ïa U Khun U Blei? uba ñiew dew thala ïa ka snam jong ka jutang U Blei kaba pynkhuid ïa u na ka pop? uba ñiewbeiñ ïa U Mynsiem ka jingaiei? To pyrkhat haduh katno kan long ka jingpynshitom kaba kham shyrkhei kaba u dei ban ïoh!

HEBRU 12:25

Te, to sumar bad wat kyntait ban shahshkor ïa uta uba kren. Kita kiba kyntait ïa uta uba ïathuh ïa ka khubor ba kynja bneng ha pyrthei kim shym lait im. Sa katno tam ma ngi, ngin ïohlait im, te, lada ngi phai noh na uta uba kren na bneng.

HEBRU 2:3

Da kumno te ngin lait, lada ngi leh bymsuidñiew ïa ka jingpynim kaba khraw katta katta? U Trai hi u la pynbna nyngkong ïa kane ka jingpynim, bad kita kiba la ïohsngew ïa u ki pynshisha ha ngi ba ka long kaba shisha.

JINGPYNPAW 12:9

Ïa u Ïakjakor uba heh la bret shabar — ïa uta u bseiñ na mynbarim, ïa uba la khot u Ksuid, lane u Soitan, uta uba la shukor ïa ka pyrthei baroh kawei. La bret arsut ïa u sha ka khyndew, bad ïa ki angel baroh jong u lem bad u.