MATHAÏOS 23:28 - Khasi CL Bible (BSI)

²⁸ Ha kajuh ka rukom, ha kaba shabar phi i kumba phi bha ïa baroh, hynrei shapoh phi dap da ka jingarsap bad ki pop.

KA BAIBL

²⁸ Kumta phi ruh, na shabar phi pynpaw kum ki bahok ha ki briew, hynrei, shapoh phi la dap da kaba arsap bad da ka basniew.

MATHAÏOS 23:28 ပူးပေါင်းရင်းမြစ်များ

SALM 51:6

Ka jinglonghok bad ka jingshisha ki long kiba me dawa; to pyndap ïa ka jingmut jong nga da ka jingstad jong me.

PROBERB 26:26

U lah ban buhrieh arsap ïa la ka jingisih, hynrei baroh kin ïohi ïa kiei kiei kiba bymman ba u leh.

MATHAÏOS 23:27

“A katno ka long kaba shyrkhei ïa phi ki nonghikai ka Hukum bad ki Pharisi! Phi kiba arsap! Phi long kum ki jingtep ba la pushara lieh, kiba itynnat ha kaba shabar hynrei kiba dap da ki shyieng bad ki metïap bapyut ha kaba shapoh.

MATHAÏOS 23:29

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi shna ki lum jingtep ba-itynnat na ka bynta ki nongïathuhlypa bad phi pynitynnat ïa ki mot sahkynmaw jong kito kiba im ka jingim kaba bha;

MATHAÏOS 23:5

Ki leh ïa kiei kiei baroh khnang ba ki briew kin ïohi ïa ki. Peit ïa ki jingteh 'sai snieh kiba don ki jingthoh bakhuid ïa kiba ki teh ha ki shyllangmat bad ki ksang'ti jong ki, bad khmih haduh katno ki long kiba heh! Khmih ruh katno kiba jrong ki ksai jyrthiaw ha ki jaiñkup jong ki!

LOUKAS 16:15

U Jisu u la ong ha ki, “Phi long kita kiba pynlong ïa lade ban ibiang ha ka jingkhmih jong kiwei ki briew, hynrei U Blei u tip ïa ka dohnud jong phi. Naba kiei kiei baroh ïa kiba la ñiewkordor shikatdei eh da u briew, ki long ki bymdondor ei ei ruh em ha ka jingkhmih U Blei.

GALATIA 2:13

Kiwei pat ki parabangeit Jiw ki la sdang leh kum ki khawpud ryngkat bad u Petros; bad wat u Barnabas hi ruh u la liat lang ha ka jingleh khawpud jong ki.

1 SAMUEL 16:7

Hynrei U Trai u ong ha u, “Wat pynleit jingmut katno u jrong ka rynïeng bad katno u bhabriew, namar nga la kyntait ïa u; naba ngam bishar kumba bishar ki briew. U briew u peit ïa ka dur kaba shabar, hynrei nga, nga peit ïa ka dohnud.”