MATHAÏOS 23:16 - Khasi CL Bible (BSI)

¹⁶ “A katno ka long kaba shyrkhei ïa phi, ki nonglam lynti kiba matlah! Phi hikai, ‘Lada uno uno u smai da ka Templ, ïa u ym shym la teh da ka jingsmai jong u; hynrei lada u smai da ka ksiar hapoh ka Templ, u long uba la shah teh.’

KA BAIBL

¹⁶ “Kordit ïa phi, ki nongïalam bamatlah! kiba ong ba uno uno ruh u ban smai ha ka templ, kam long ei ei ruh em; hynrei, uno uno ruh u ban smai ha ka ksiar ka templ, u la teh ïa lade.

MATHAÏOS 23:16 ပူးပေါင်းရင်းမြစ်များ

ISAÏAH 9:16

Kito kiba ïalam ïa kine ki briew ki la ïalam bakla ïa ki bad pynshaïong jingmut lut ïa ki.

MATHAÏOS 15:14

“Wat khuslai shaphang jong ki! Ki long ki nongïalam bamatlah jong kiba matlah; bad haba uwei u briew uba matlah u ïalam ïa uwei pat, baroh ar ngut ki hap sha ka kharai.”

MATHAÏOS 23:13

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi khang ïa ka jingkhang sha ka Hima ki bneng na khmat ki briew, hynrei ma phi da lade hi phim leit rung shapoh, lymne ba phi shah shapoh ïa kito kiba pyrshang ban rung!

MATHAÏOS 23:17

Ko ki bieit bamatlah! Kano kaba kham donkam, ka ksiar lane ka Templ kaba pynlong khuid ïa ka ksiar?

MATHAÏOS 23:19

A katno phi long kiba matlah! Kaei kaba kham donkam, ka jingai sngewbha ne ka duwan kaba pynlong khuid ïa ka jingai sngewbha?

MATHAÏOS 23:24

Ko ki nonglam lynti bamatlah! Phi pjiar ïa u skain na ka jingdih jong phi, hynrei phi nguid ïa ka ut!

MATHAÏOS 23:26

Ko Pharisi bamatlah! To pynkhuid nyngkong ïa kaei kaba shapoh jong ka khuri, bad nangta kaba shabar kan long ruh kaba khuid!

GALATIA 5:3

Sa shisien pat nga maham ba uno uno u briew uba shah ïa lade ban otsher u pynbor ban kohnguh ïa ka Hukum baroh kawei.

JAKOB 5:12

Nalor kine baroh, ko parabangeit jong nga, wat pyndonkam da ka jingsmai haba phi pynlong ka jingkular. Wat smai da ka bneng ne da ka khyndew ne da kaei kaei pat. Shu ong “Ho-oid” haba phi mut ho-oid, bad “Em” haba phi mut em, bad phin ym hap hapoh ka jingbishar U Blei.