MATHAÏOS 23:13 - Khasi CL Bible (BSI)

¹³ “A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi khang ïa ka jingkhang sha ka Hima ki bneng na khmat ki briew, hynrei ma phi da lade hi phim leit rung shapoh, lymne ba phi shah shapoh ïa kito kiba pyrshang ban rung!

KA BAIBL

¹³ “Hynrei, kordit ïa phi, ki nongthoh bad ki Pharisi, kiba arsap! naba phi bam duh ïa ki ïing ki riewkynthei, te phi duwai jlan khnang ban tyllep: namar kata, phin ïoh diang ka jingshitom kaba kham khraw.

MATHAÏOS 23:13 ပူးပေါင်းရင်းမြစ်များ

ISAÏAH 33:14

Ki briew kiba pop jong ka Seïon ki khynñiuh da ka jingsheptieng. Ki ong, “Ka jingbishar U Blei ka long kum ka ding kaba meh junom. Hato uno uno na ngi un lait im na ka ding kaba kum kata?”

SEKHARAÏAH 11:17

Uta u nongaplangbrot u bymmyntoi ei ei u long uba la tim! U la iehnoh ïa la ka kynhun langbrot. Ka thma kan pynjot khoit ïa ka bor jong u. Ka kti jong u kan ïapstai bad ka khmat kamon jong u kan long kaba matlah.”

MATHAÏOS 23:16

“A katno ka long kaba shyrkhei ïa phi, ki nonglam lynti kiba matlah! Phi hikai, ‘Lada uno uno u smai da ka Templ, ïa u ym shym la teh da ka jingsmai jong u; hynrei lada u smai da ka ksiar hapoh ka Templ, u long uba la shah teh.’

MATHAÏOS 23:23

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi ai sha U Blei ïa kaba shiphew wat jong ki jhur pynbang jingbam, kum u pudina, u dill, bad u kumin, hynrei phim suidñiew ban kohnguh ïa ki jinghikai badonkam shisha jong ka Hukum, kum ka jinglehhok bad ka jingisynei bad ka jingbeit. Ïa kine phi dei ban leh, khlem da klet ïa kiwei pat.

MATHAÏOS 23:25

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi pynkhuid ïa kaba shabar jong ka khuri bad ka pliang jong phi, katba kaba shapoh ka dap da kaei kaba phi ïoh da ka jingleh jubor bad ka jingpyrkhat tang ïa lade.

MATHAÏOS 23:27

“A katno ka long kaba shyrkhei ïa phi ki nonghikai ka Hukum bad ki Pharisi! Phi kiba arsap! Phi long kum ki jingtep ba la pushara lieh, kiba itynnat ha kaba shabar hynrei kiba dap da ki shyieng bad ki metïap bapyut ha kaba shapoh.

MATHAÏOS 23:29

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi shna ki lum jingtep ba-itynnat na ka bynta ki nongïathuhlypa bad phi pynitynnat ïa ki mot sahkynmaw jong kito kiba im ka jingim kaba bha;

MATHAÏOS 3:7

Haba u Ïoannis u la ïohi ïa shibun ki Pharisi bad ki Saddusi kiba la wan sha u ban shah pynbaptis, u la ong ha ki, “Phi ki bseiñ — uei uba la ïathuh ha phi ba phi lah ban lait na ka jingpynshitom kaba U Blei un sa phah?

LOUKAS 11:52

“A katno kaba shyrkhei ïa phi ki nonghikai ka Hukum! Phi la bat noh ïa u shabi uba plie ïa ka khyrdop sha ka ïing jong ka jingtip; phi hi phim leit rung shapoh, bad phi khang ïa kito kiba pyrshang ban rung shapoh!”

ÏOANNIS 9:22

Ki kmie ki kpa jong u ki la ong ïa kane namar ba ki la sheptieng ïa ki nongsynshar jong ki Jiw, kiba la lah mynjur lypa ba uno uno uba ong ba u ngeit ba U Jisu u long U Messaïah un shah beh noh na ka synagog.

ÏOANNIS 9:24

Ha ka sien kaba ar ki la khot biang ïa uta u briew ïa uba la kha matlah, bad ki la ong ha u, “To kular ha khmat U Blei ba men ïathuh ïa ka jingshisha! Ngi tip ba une u briew uba la pynkoit ïa me u dei u nongpop.”

ÏOANNIS 9:34

Ki la jubab, “La kha bad la pynsan ïa me hapoh ka pop — bad me pyrshang ban hikai ïa ngi?” Bad kumta ki la beh noh ïa u na ka synagog.

KI KAM 13:8

Hynrei ïa ki la pyrshah da u nongleh myntor uba kyrteng u Elumas (kata ka long ka kyrteng jong u ha ka ktien Grik), uba la pyrshang ban pynphai noh ïa u lyngskor na ka jingngeit.

KI KAM 5:28

“Ngi la ai ha phi ïa ki hukum bapyrkhing ban ym hikai ha ka kyrteng jong une u briew,” u la ong; “hynrei peit kaei kaba phi la leh! Phi la pynphriang ïa ka jinghikai jong phi kylleng ka Jerusalem, bad phi kwah ban pynlong ïa ngi kiba kitkhlieh na ka bynta ka jingïap jong u!”

KI KAM 5:40

Ki la khot shapoh ïa ki apostol, ki la phah sympat ïa ki, bad hukum ïa ki ban ym kren shuh da lei lei ha ka kyrteng jong U Jisu; bad nangta ki la pyllait noh ïa ki.

KI KAM 8:1

Bad u Saul u la mynjur ïa ka jingpynïap ïa u Stephan. Ha kata hi ka sngi, ka balang ha Jerusalem ka la sdang ban mad ïa ka jingpynshitom beiñ kaba shyrkhei. Baroh ki riewngeit, lait noh ki apostol, ki la sakma sha kylleng jong ki thain ka Judia bad ka Samaria.

2 TIMOTHI 3:8

Kumba u Jannes bad u Jambres ki la ïeng ïaleh pyrshah ïa u Moses, kumta ruh kine ki briew ki ïaleh pyrshah ïa ka jingshisha — ki briew kiba ki jingmut jong ki kim treikam bad kiba la shahjop ha ka jingngeit.

2 TIMOTHI 4:15

Na u ruh men kiar, namar u la kren pyrshah ïa ka jingïalap jong ngi.