MATHAÏOS 22:3 - Khasi CL Bible (BSI)

³ U la phah ïa ki shakri jong u ban ïathuh ha ki nongshahkhot sngewbha ban wan sha ka jingkhawai, hynrei kim kwah ban wan.

KA BAIBL

³ bad u la phah ïa la ki shakri ban khot ïa kita ïa kiba la ïawer sha kata ka jingkhawai shongkurim; ki te kim treh ban wan.

MATHAÏOS 22:3 ပူးပေါင်းရင်းမြစ်များ

SALM 68:11

U Trai u ai ïa ka hukum, bad bun ki kynthei ki rah ïa ka khubor:

ISAÏAH 30:15

U Trai Nongsynshar, U Blei Bakhuid ki Israel, u ong ha ki briew, “Phai noh bad to shaniah jar jar ha nga. Te phin long khlaiñ bad skhem.” Hynrei phi kyntait ban leh ïa kata!

JEREMAÏAH 25:4

Wat la U Trai u ïai phah sha phi ïa ki shakri jong u ki nongïathuhlypa, pynban phim shym la sngap ne patiaw ei ei.

JEREMAÏAH 35:15

Nga la ïai phah sha phi ïa baroh ki shakri jong nga, ki nongïathuhlypa, bad ki la ong ïa phi ban iehnoh ïa ki lynti bymman jong phi bad ban leh ïa kaei kaba dei. Ki la maham ïa phi ban ym mane bad shakri ïa kiwei pat ki blei, khnang ba phi lah ban ïaishong ha ka ri kaba nga la ai ha phi bad ki kpa tymmen jong phi. Hynrei phim shym la shahshkor ïa nga lane sngap ïa nga.

HOSIA 11:2

Hynrei katba nga nang khot ïa u, katta u nang phet jngai na nga. Ki briew jong nga ki kñia ainguh sha u Baal, ki thang jingiwbih ha ki bleithaw.

HOSIA 11:7

Ki ïaleh ban phai lyndet na nga. Kin sa lynñiar namar ka lyngkor kaba ban ïa ki, hynrei yn ym don ban weng ïa ka na ki.

SEPHANAÏAH 1:7

Ka sngi ka la jan haba U Trai un shong ha ka jingbishar; kumta to sngap jar ha ka jingdon ryngkat jong u. U Trai u pynkhreh ban kñia ïa ki briew jong u bad u la khot sngewbha ïa ki nongshun ban lute ïa ka Judah.

MATHAÏOS 21:34

Haba ka por ka la poi ban lumlang ïa ki sohwaiñ, u la phah ïa ki mraw jong u sha ki nongshimwai ban ïohpdiang ïa ka bhah jong u na ka jingkheit.

MATHAÏOS 23:37

“A Jerusalem, Jerusalem! Pha pynïap ïa ki nongïathuhlypa bad lynthem maw ïa ki nonglamktien kiba U Blei u la phah ha pha! Katno sien nga la kwah ban kdup ha ki ksang'ti jong nga ïa ki briew jong pha baroh, kumba ka syiar ka lumlang ïa la ki khun hapoh ki thapniang jong ka, hynrei pham shym la shah ïa nga.

MATHAÏOS 3:2

“To phai noh na ki pop jong phi,” u la ong, “naba ka Hima ki bneng ka la jan!”

MATHAÏOS 9:15

U Jisu u la jubab, “Hato phi khmih lynti ba kiba shah khot sngewbha sha ka jingkhawai shongkurim kin sngewsih katba u nongleitkurim u dang don lem bad ki? Em kam long kumta! Hynrei ka sngi kan poi haba ïa u nongleitkurim yn shim noh na ki, bad kumta keiñ kin sa shahjingit.

LOUKAS 13:34

“A Jerusalem, Jerusalem! Pha pynïap ïa ki nongïathuhlypa, pha lynthem maw ïa ki nonglamktien kiba U Blei u la phah sha pha! Katno sien nga la kwah ban kdup ki briew jong pha, kumba ka syiar ka kdup ïa la ki khun hapoh ki thapniang jong ka, hynrei phan ym shah ïa nga!

LOUKAS 15:28

“U hynmen u la bitar haduh katta katta ba um shym leit shapoh ïing; kumta u kpa jong u, u la mih shabar bad kyrpad ïa u ban rung shapoh.

LOUKAS 19:27

Mynta, ïa kito ki nongshun jong nga ki bym kwah ïa nga ban long u syiem jong ki, to wallam ïa ki hangne bad pynïap ïa ki ha khmat jong nga!’ ”

ÏOANNIS 5:40

Pynban phim mon ban wan sha nga khnang ba phin ïoh ïa ka jingim.

KI KAM 13:45

Haba ki Jiw ki la ïohi ïa ki paidbah, ki la dap da ka jingpihuiñ; ki la ïania ïa kaei kaba u Paul u la kren bad ki la krenbeiñ ïa u.

Ka Shithi U Paul Sha Ki Nong Rom 10:21

Hynrei shaphang ki Israel u ong, “Baroh shi sngi nga la rah ïa la ki kti ban pdiang sngewbha ïa ki briew ki bymkohnguh bad kiba ïaleh pyrshah.”

HEBRU 12:25

Te, to sumar bad wat kyntait ban shahshkor ïa uta uba kren. Kita kiba kyntait ïa uta uba ïathuh ïa ka khubor ba kynja bneng ha pyrthei kim shym lait im. Sa katno tam ma ngi, ngin ïohlait im, te, lada ngi phai noh na uta uba kren na bneng.

HEBRU 9:15

Namar kane ka daw, U Khrist u long uta uba buh ryntih ïa ka jutang kaba thymmai, khnang ba kito ïa kiba la khot da U Blei ki lah ban ïohpdiang ïa ki jingkyrkhu bymjukut kiba U Blei u la kular. Ïa kane lah ban leh namar ka don ka jingïap kaba pyllaitluid ïa ki briew na ki jingbakla kaba ki la leh katba ka jutang kaba nyngkong ka dang treikam.

JINGPYNPAW 22:17

U Mynsiem bad ka Nongleitkurim ki ong, “To wan!” Uwei uwei baroh uba ïohsngew ïa kane u dei ruh ban ong, “To wan!” To wan, uno uno uba sliang, to pdiang ïa ka um ka jingim kum ka jingai sngewbha, uno uno uba kwah ïa ka.