MATHAÏOS 22:24 - Khasi CL Bible (BSI)

²⁴ “Ko Nonghikai,” ki la ong, “u Moses u la ong ba lada u briew u bym don khun u ïap, u para jong u, u dei ban shongkurim ïa ka tnga jong une uba la ïap khnang ba ki lah ban ïoh khun ïa kiba yn lah ban ñiew kum ki khun jong une u briew uba la ïap.

KA BAIBL

²⁴ ki da ong, “Ko Nonghikai, u Moses u la ong, ‘Lada uno uno ruh u ïap noh, u bymdon khun, ba u para jong u un shongkurim ïa ka tnga jong u, bad un pynmih symbai ïa la u hynmen.’

MATHAÏOS 22:24 ပူးပေါင်းရင်းမြစ်များ

JENESIS 38:11

Nangta u Judah u ong ha ka Tamar ka pyrsa kurim jong u, “Khie leit phai noh sha ka ïing u kpa jong pha bad to ïaisah riewkynthei tad haduh ba u Shelah u khun jong nga un da rangbah.” U ong kumta naba u sheptieng ïoh ba u Shelah un shah pynïap kum ki hynmen jong u. Kumta ka Tamar ka la leit phai noh sha la ïing.

JENESIS 38:8

Nangta u Judah u ong ha u Onan, u para jong u Er, “Khie leit bad thiah bad ka tnga u hynmen jong me uba la ïap. Pyndep ïa ka kamram kaba me dei ban leh kum u para kynsi jong ka, khnang ba u hynmen jong me un ïoh ki nongmih pateng.”

MATHAÏOS 22:16

Nangta ki la phah sha u katto katne ngut na ki synran jong ki bad katto katne ngut ki dkhot jong ka kynhun u Herod. “Ko Nonghikai,” ki la ong, “ngi tip ba me ïathuh ïa ka jingshisha. Me hikai ïa ka jingshisha shaphang ka mon U Blei na ka bynta u briew, khlem da khuslai shaphang kaei kaba ki briew ki pyrkhat, namar ba mem pyrkhat ïa ka kyrdan jongno jongno.

MATHAÏOS 22:25

Mynta, la don hynñiew ngut ki shynrang ba shi para kiba la ju shong ju sah hangne. Uba heh duh u la shongkurim bad u la ïap khlem don khun, kumta u la iehnoh ïa ka tnga jong u ha la u jong u para.

MATHAÏOS 22:36

“Ko Nonghikai,” u la kylli, “kano ka hukum kaba khraw tam hapoh ka Hukum?”

MATHAÏOS 7:21

“Ym u briew baroh uba khot ïa nga, ‘A Trai, A Trai’ u ban ïohrung shapoh Ka Hima ki bneng, hynrei tang kito kiba leh ïa kaei kaba U Kpa jong nga uba ha bneng u kwah ïa ki ban leh.

MARKOS 12:19

“Ko Nonghikai, U Moses u la thoh ïa kane ka hukum na ka bynta jong ngi: ‘Lada u briew u ïap bad u iehnoh ïa ka tnga khlem don khun, u para jong uta u briew u dei ban shongkurim ïa ka khnang ba ki lah ban don ki khun ïa kiba yn ñiew kum ki khun jong uta u briew uba la ïap.’

LOUKAS 20:28

“Ko Nonghikai, u Moses u la thoh ïa kane ka hukum na ka bynta jong ngi: ‘Lada u briew u ïap bad u iehnoh ïa la ka tnga hynrei khlem don khun, u para jong uta u briew u dei ban shongkurim ïa kata ka riewkynthei khnang ba ki lah ban ïoh ki khun ïa kiba yn ñiew ba ki long ki khun jong uta u briew uba la ïap.’

LOUKAS 20:33

Mynta, ha ka sngi ba kiba ïap ki mihpat, kan long ka tnga jongno? Baroh hynñiew ngut ki la shongkurim ïa ka.”

LOUKAS 6:46

“Balei ba phi khot ïa nga, ‘A Trai, A Trai,’ bad pynban phim leh ïa kaei kaba nga ong ha phi?

RUTH 1:11

“Ko ki khun kynthei jong nga, phi dei ban leit phai noh,” ka Naomi ka jubab. “Balei phi kwah ban wan bad nga? Hato phi mut ngan dang ïoh khun shynrang biang na ka bynta jong phi ban shongkurim?

RUTH 3:13

Sah hangne baroh shi miet, bad ha ka por mynstep ngin sa wad la un shim jingkitkhlieh ne em na ka bynta jong phi. Lada ka long kumta, ka la bha; lada kam long kumta, te nga smai ha U Trai Uba im ba ngan shim ïa ka jingkitkhlieh. Mynta to thiah bad sah hangne haduh mynstep.”

RUTH 4:5

U Boas u ong, “O kumta, hynrei lada phi thied ïa ka lyngkha na ka Naomi, te phi dei ruh ban thied ïa ka Ruth, ka nong Moab ba la sah riewkynthei, khnang ba ka lyngkha kan sah ha ka longïing jong uta uba la ïap.”