MATHAÏOS 22:16 - Khasi CL Bible (BSI)

¹⁶ Nangta ki la phah sha u katto katne ngut na ki synran jong ki bad katto katne ngut ki dkhot jong ka kynhun u Herod. “Ko Nonghikai,” ki la ong, “ngi tip ba me ïathuh ïa ka jingshisha. Me hikai ïa ka jingshisha shaphang ka mon U Blei na ka bynta u briew, khlem da khuslai shaphang kaei kaba ki briew ki pyrkhat, namar ba mem pyrkhat ïa ka kyrdan jongno jongno.

KA BAIBL

¹⁶ Te kumta, ki la phah ha u ïa ki synran jong ki, lem bad ki nongbud u Herod, ki ïa-ong, “Ko Nonghikai, ngi tip ba me long uba shisha, bad ba me hikai ïa ka lynti U Blei ha kaba shisha, bad ba mem ñiew ïano ruh; naba mem khmih ïa ka khmat ki briew:

MATHAÏOS 22:16 ပူးပေါင်းရင်းမြစ်များ

1 SYIEM 22:14

Hynrei u Mikaïah u jubab, “Katba im U Trai, nga kular ban ong ïa kaei kaba u ïathuh ïa nga!”

SALM 12:2

Baroh na ki, ki lamler iwei ïa iwei pat; ki shukor iwei ïa iwei pat da ki kyntien pynroh.

SALM 5:9

Kaei kaba ki nongshun jong nga ki kren ka long ka bym lah da lei lei ban shaniah; ki kwah tang ban pynjot. Ki ktien jong ki, ki long kiba pynroh bad kiba jali ja-um, hynrei kiba dap da ka jingshukor kaba shyrkhei.

SALM 55:21

Ki ktien jong u ki long kiba kham jlih ban ïa ka makhon, hynrei ka don ka jingisih ha ka dohnud jong u; ki ktien jong u ki pynum kum ka umphniang, hynrei ki ot kum ki waitlam banep.

PROBERB 29:5

Lada phi pynroh ïa ki paralok jong phi, phi buh jingriam ïa lade.

MALAKHI 2:6

Ki la hikai ïa kaei kaba dei, ym ïa kaei ka bym dei. Ki la im ha ka jingïadei basngewtynnat bad nga; ki la leh ïa kaei kaba dei ym tang ha lade, hynrei ki la ïarap ruh ïa kiba bun ban sangeh na kaba leh ïa kaba sniew.

MALAKHI 2:9

Te nga, da kaba phai pat, ngan pynlong ïa ki paid Israel ban ibeiñ ïa phi namar phim shym kohnguh ïa ka mon jong nga, bad haba phi hikai ïa ki briew jong nga, phim shym ñiew kumjuh ïa baroh.”

MATHAÏOS 22:24

“Ko Nonghikai,” ki la ong, “u Moses u la ong ba lada u briew u bym don khun u ïap, u para jong u, u dei ban shongkurim ïa ka tnga jong une uba la ïap khnang ba ki lah ban ïoh khun ïa kiba yn lah ban ñiew kum ki khun jong une u briew uba la ïap.

MATHAÏOS 22:26

Kajuh ka jingjia ka la wan jia ha u para uba ar, uba lai, bad khatduh ha baroh hynñiew ngut.

MATHAÏOS 26:18

“To khie leit sha uwei u briew ha ka nongbah,” u la ong ïa ki, “bad ïathuh ha u: ‘U Nonghikai u ong, ka por jong nga ka la poi; ki synran jong nga bad ma nga ngin rakhe ïa ka Jingkhawai Niam Ka Jinglait ha ïing jong me!’ ”

MATHAÏOS 26:49

U Judas u la leit beit sha U Jisu bad u la ong, “To ka jingsuk kan long bad me, ko Nonghikai,” bad u la doh ïa u.

MARKOS 10:17

Katba U Jisu u la sdang biang ha ka jingïaid lynti jong u, uwei u briew u la wan mareh, u la dem khohsiew ha khmat jong u, bad u la ong ïa u, “Ko Nonghikai Babha, kaei kaba nga dei ban leh ban ïoh ïa ka jingim bymjukut?”

MARKOS 12:13

Ïa ki katto katne ngut ki Pharisi bad katto katne ngut ki dkhot na ka kynhun u Herod, la phah sha U Jisu ban riam ïa u da ki jingkylli:

MARKOS 12:14

Ki la wan sha u bad ki la ong, “Ko Nonghikai, ngi tip ba me kren ïa ka jingshisha, khlem da khuslai ïa kaei kaba ki briew ki pyrkhat. Mem ñiew ïa ka kyrdan u briew, hynrei me hikai ïa ka jingshisha shaphang ka mon U Blei na ka bynta u briew. To ïathuh ïa ngi, hato ka long pyrshah ïa ka Hukum jong ngi ban siew ki khajna sha u Patsha ka Rom? Hato ka dei ïa ngi ban siew ne ban ym siew?”

MARKOS 3:6

Kumta ki Pharisi ki la mihnoh na ka synagog bad mar kumta hi ki la ïakynduh bad katto katne ngut ki dkhot ka kynhun u Herod, bad ki la thaw ki jingthmu ban pynïap noh ïa U Jisu.

MARKOS 8:15

“Sumar bha,” U Jisu u la maham ïa ki, “bad sumar ïa lade na u thiat jong ki Pharisi bad u thiat jong u Herod.”

LOUKAS 20:21

Kine ki nongsyntiat ki la ong ha U Jisu, “Ko nonghikai, ngi tip ba kaei kaba me ong ka long kaba dei. Ngi tip ba mem khmih ïa ka kyrdan u briew, hynrei me hikai ïa ka jingshisha shaphang ka mon jong U Blei na ka bynta u briew.

LOUKAS 7:40

U Jisu u la kren bad u la ong ha u, “Ko Simon, nga don ei ei ban ong ha me.” “Ko Nonghikai,” u la ong, “to ïathuh ïa nga.”

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.

ÏOANNIS 18:37

Kumta u Pilat u la kylli ïa u, “Haba kumta, me, me dei u syiem?” U Jisu u la jubab, “Me hi me ong ba nga long u syiem. Ïa nga la kha bad nga la wan sha ka pyrthei na ka bynta kane kawei ka jingthmu, ban kren shaphang ka jingshisha. Uno uno uba dei jong ka jingshisha u shahshkor ïa nga.”

ÏOANNIS 7:18

U briew uba kren ha la ka jong ka bor u pyrshang ban ïoh burom na ka bynta ïa lade hi. Hynrei uba wad ïa ka burom jong uta uba la phah ïa u, u long uba shida, bad ym don ka bymshisha ha u.

2 KORINTH 2:17

Ngim long kum kita kiba bun, kiba pynlong ïa ka khubor U Blei kum ka mar khaïi kaba tad dor; hynrei namar ba U Blei u la phah ïa ngi, ngi kren da ka jingsngur ha khmat jong u, kum ki shakri U Khrist.

2 KORINTH 4:2

Ngi buh noh sharud ïa baroh ki kam barieh bad ba pynlehrain; ngim shym leh da ka jingshukor, lymne ngim pynbakla ïa ka ktien jong U Blei. Ha ka jingshai kaba pura jong ka jingshisha, ngi im ha khmat U Blei bad ngi pyrshang ban aiti ïa lade sha ka jingïatiplem babha jong uwei pa uwei.

2 KORINTH 5:16

Namarkata, ngam bishar shuh ïano ïano da ka rukom briew. Wat la shisien ngi la bishar ïa U Khrist kat kum ka rukom briew, ngim leh shuh kumta.

GALATIA 1:10

Hato kane ka i kumba nga pyrshang ban ïoh jingpynshisha na u briew? Em, ym kumta! Kaei kaba nga kwah ka long ban pynshisha na U Blei! Hato nga pyrshang ban pynsngewbha ïa ki briew? Lada nga dang long uba pyrshang ban leh kumta, ngam pat long u shakri U Khrist.

GALATIA 2:6

Hynrei ïa kito kiba idei ban long ki nongïalam — nga ong ïa kane namar kam pher ei ei ïa nga la ki long kiba kumno kumno ruh; U Blei um bishar na ki durkhmat bashabar — kito ki nongïalam, nga ong, kim don ei ei ki jingai jingmut bathymmai na ka bynta jong nga.

DEUTERONOMI 33:9

Ki kham shaniah ïa me Ban ïa la ki kmie ki kpa, ki hynmen ki para, ne ki khun ki kti. Ki kohnguh ïa ki hukum jong me Bad ki ïaineh ha ka jutang jong me.

1 THESSALONI 2:4

Pynban, ngi kren borabor kumba U Blei u kwah ïa ngi kumta, namar u la ñiew ïa ngi kiba bit ban shaniah ïa ka Khubor Babha. Ngim shym pyrshang ban pynsngewbha ïa ki briew, hynrei, ban pynsngewbha ïa U Blei, uba tynjuh ïa ki jingthmu jong ngi.

JAKOB 3:17

Hynrei ka jingstad kaba wan najrong nyngkong eh ka long kaba sngur; ka long kaba pynïashong suk, kaba jemnud bad kaba pynlong paralok; ka dap da ka jinglehisynei bad ka pynmih ïa ka jingseisoh ha ki kam babha; ka lait na ka jingshah shiliang bad ka jingarsap.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.