MATHAÏOS 22:15 - Khasi CL Bible (BSI)

¹⁵ Ki Pharisi ki la leit noh bad ki la pynlong ka jingthmu ban riam ïa U Jisu da ki jingkylli.

KA BAIBL

¹⁵ Ynda kumta, ki Pharisi ki la leit ban ïasylla kumno ba kin ïoh ïariam ïa u ha ka ktien.

MATHAÏOS 22:15 ပူးပေါင်းရင်းမြစ်များ

SALM 2:2

Ki syiem jong ki, ki ïeng pyrshah, ki nongsynshar jong ki, ki ïasylla lang pyrshah ïa U Trai bad pyrshah ïa u syiem uba u la jied.

SALM 41:6

Kito kiba wan ban khmih ïa nga, ki shu wan leh mynleh; ki lum ka khubor basniew shaphang jong nga bad nangta ki leit bad ïathuh ïa ka kylleng.

SALM 57:6

Ki nongshun jong nga ki la pyiar ïa ka jar ban kem ïa nga; la tyllep ïa nga da ka jingkhuslai. Ki tih ïa ka 'liewlep ha ka lynti ïaid jong nga, hynrei ki hap hi ïa lade ha ka.

SALM 59:3

Ha khmih! Ki ap ban pynïap ïa nga; ki briew kiba runar ki ïalumlang pyrshah ïa nga. Kam dei namar kano kano ka pop ne jingbakla ba nga la leh,

ISAÏAH 29:21

U Blei un pynjot ïa kito kiba kren sniew ïa kiwei, kito kiba khanglad ïa ka jingpynshitom ïa ki riewrunar, bad kito kiba kren lamler ban khang ïa ki briew kiba hok ban ïoh ïa ka jingbishar hok.

JEREMAÏAH 18:18

Nangta ki briew ki la ong, “To ngin leh ei ei shaphang u Jeremaïah! Yn don borabor ki lyngdoh ki ban hikai ïa ngi, ki rangbah bastad ban ai jingsyllok ïa ngi, bad ki nongïathuhlypa ban pynbna ïa ka khubor jong U Blei. To ngin wallam ki jingmudui pyrshah ïa u, bad sangeh ban pynshahshkor ïa kaei kaba u ong.”

JEREMAÏAH 20:10

Nga ïohsngew uwei uwei baroh u ïa-pasiaw, “Ka jingshyrkhei ka don ha kylleng! Ïa ngin ïamudui ïa u sha ki bor pynïaid!” Wat ki paralok kiba ïajan eh ki ap khmih ïa ka jingkyllon jong nga. “Lehse lah ban pynthame ïa u,” ki ong; “te ngi lah ban kem ïa u bad ïoh pynhiarkput.”

MATHAÏOS 12:14

Nangta ki Pharisi ki la mihnoh bad ki la pynlong ki jingthmu ban pynïap ïa U Jisu.

1 KORINTH 7:35

Nga ong ïa kane namar nga kwah ban ïarap ïa phi. Ngam shym pyrshang ban buh ha phi ïa ki jingpyrkhing. Pynban, nga kwah ïa phi ban leh ïa kaei kaba dei bad kaba biang, bad ban aiti lut ïa lade ha ka kam U Trai khlem kano kano ka jingteh.

HEBRU 12:3

To da pyrkhat ïa kaei kaba u la ïaid lyngba, kumno u la buh ïa lade ban shah isih ha ki nongpop! Kumta wat ai ba phin noh mynsiem bad kynran dien.