MATHAÏOS 22:10 - Khasi CL Bible (BSI)

¹⁰ Kumta ki shakri ki la ïaleit sha ki lynti bah bad ki la ïalumlang ïa ki briew baroh kiba ki lah ban ïashem, kiba bha bad kiba sniew kumjuh, bad ïa ka kamra khawai shongkurim la pyndap da ki briew.

KA BAIBL

¹⁰ Kumta, kita ki shakri haba ki la leit sha kita ki lynti, ki la ïalum ïa baroh kat kiba ki la shem, ïa ki bymman bad ïa ki babha ruh: te ki la pyndap ïa kata ka jingkhawai shongkurim da kiba ïashong bam.

MATHAÏOS 22:10 ပူးပေါင်းရင်းမြစ်များ

MATHAÏOS 13:38

ka lyngkha ka long ka pyrthei; u symbai babha u long ki briew kiba long ki jong ka Hima; ki ñiut ki long ki briew kiba long ki jong Uta u Basniew;

MATHAÏOS 22:9

Mynta to khie leit sha ki surok bah bad khot sngewbha sha ka jingkhawai ïa ki briew katba phi lah ban ïashem.’

MATHAÏOS 25:10

Kumta ki theisotti kiba bieit ki la ïaleit ban thied khyndiat ka umphniang; bad katba ki dang leit, la wan poi u nongleitkurim. Ki san ngut kiba la pynkhreh ki la ïaleit shapoh lem bad u sha ka jingkhawai shongkurim, bad ïa ka jingkhang la khang.

MATHAÏOS 9:15

U Jisu u la jubab, “Hato phi khmih lynti ba kiba shah khot sngewbha sha ka jingkhawai shongkurim kin sngewsih katba u nongleitkurim u dang don lem bad ki? Em kam long kumta! Hynrei ka sngi kan poi haba ïa u nongleitkurim yn shim noh na ki, bad kumta keiñ kin sa shahjingit.

2 KORINTH 12:21

Nga sheptieng haba ha kawei ka por ba nga wan, U Blei jong nga un pynjahburom ïa nga ha khmat jong phi, bad ngan ïam na ka bynta kiba bun kiba la leh pop mynshuwa bad ki bym pat shym kylla-kaba-mut na ki kam awria ba ki la leh — ki jingkwah brai bad ki pop awria jong ki.

1 ÏOANNIS 2:19

Kine ki briew da shisha kim don ha ka jingïasyllok jong ngi, bad kata ka long balei ba ki la iehnoh ïa ngi; lada ki la don ha ka jingïasyllok bad ngi, kin jin da la sah bad ngi. Hynrei ki mihnoh, ba kan paw shai ba ym don napdeng jong ki kiba dei shisha ki jong ngi.

JINGPYNPAW 5:9

Ki la rwai ka jingrwai bathymmai: “Me long uba dei hok ban shim ïa ka kot kli bad ban pynpait ïa ki jingpyndait jong ka. Naba la pynïap ïa me, bad da ka jingïap ba aiti lut jong me me la siew kuna na ka bynta ki briew jong U Blei na kawei pa kawei ka jait, ka jait ktien, ka hima bad ka jaitbynriew.

JINGPYNPAW 7:9

Hadien kane nga la khmih, bad la don u paidbah byllien — ym don mano mano ba lah ban ñiew ïa kita ki briew baroh! Ki la long na man ki kynja bynriew, ki jaitbynriew, ki hima, bad ki jait ktien, bad ki la ïeng ha khmat ka khet bad ha khmat uta U Khunlangbrot, kiba la riam ha ki jaiñ balieh bad ki bat ïa ki tnat dieng Tlai ha la ki kti.