MATHAÏOS 21:9 - Khasi CL Bible (BSI)

⁹ Ki paidbah kiba la ïaid ha khmat jong U Jisu bad kito kiba la bud nadien ki la sdang ban pyrta, “To ïaroh ïa U khun u Dabid! U Blei u kyrkhu ïa uta uba wan ha ka kyrteng jong U Trai! To ïaroh ïa U Blei!”

KA BAIBL

⁹ Kita ki paidbah de kiba ïaid sha shuwa, bad kita kiba bud nadien, ki la ïapyrta, ki da ong, “Hosanna ïa U Khun u Dabid! Long ba la kyrkhu ïa uta uba wan ha ka kyrteng U Trai! Hosanna ha kiba jrong tam eh!”

MATHAÏOS 21:9 ပူးပေါင်းရင်းမြစ်များ

SALM 148:1

To ïaroh ïa U Trai! To ïaroh ïa U Trai na bneng, phi kiba im ha ki jaka bakynjang shajrong.

MATHAÏOS 21:10

Haba U Jisu u la rung ha Jerusalem, ka nongbah baroh kawei ka la khynwin jlang. “Uei une?” ki briew ki la kylli.

MATHAÏOS 21:15

Ki rangbah lyngdoh bad ki nonghikai ka Hukum ki la bitar haba ki la ïohi ïa kiei kiei kiba phylla kiba u la leh bad ba ki khynnah ki ïa-pyrta ha ka Templ, “To ïaroh ïa U Khun u Dabid!”

MATHAÏOS 23:39

Naduh mynta, nga ong ha pha, phan ym ïohi shuh ïa nga tad haduh ba phan ong, ‘U Blei u kyrkhu ïa uta uba wan ha ka kyrteng jong u Trai.’ ”

MATHAÏOS 9:27

U Jisu u la mihnoh na kata ka jaka, bad katba u dang ïaid, ar ngut ki rangbah kiba matlah ki la sdang ban bud ïa u. “To isynei ïa ngi, ko khun u Dabid!” ki la pyrta.

LOUKAS 13:35

Bad kumta ïa ka Templ jong pha yn iehnoh. Nga pynthikna ïa pha ba phan ym ïohi ïa nga tad ynda ka por ka poi haba phan ong, ‘U Blei u kyrkhu ïa uta uba wan ha ka kyrteng jong U Trai.’ ”

LOUKAS 2:14

“Ka burom ïa U Blei ha ki bneng kiba hajrong tam, bad ka jingsuk ha ka pyrthei ha kito kiba u sngewbha!”