MATHAÏOS 21:5 - Khasi CL Bible (BSI)

⁵ “To ïathuh ïa ka nongbah Seïon, ha khmih, u Syiem jong pha u wan sha pha! U long uba sngewrit bad u shong halor ka kada bad halor u khun kada.”

KA BAIBL

⁵ “Ïathuh ha ka khun ka Seïon, ‘Ha khmih, U Syiem jong pha u wan ha pha, uba jemnud bad uba shong halor ka kadda, halor u khun ka kadda kaba la ju mlien bad ka lyngkor ruh.’ ”

MATHAÏOS 21:5 ပူးပေါင်းရင်းမြစ်များ

JENESIS 49:10

U Judah un bat ïa u diengsynshar syiem, Bad ki khun ki ksiew jong u kin ïai synshar. Ki jaitbynriew kin wanrah ha u ïa ka bai nguh syiem, kin dem bad kohnguh ïa u.

2 SAMUEL 16:2

U Syiem Dabid u kylli ïa u, “Men leh aïu ïa kine katne katne?” U Siba u jubab, “Ki kada ki dei na ka bynta ki ba-ha-ïing jong u Syiem Kynrad ban shong, u kpu bad u soh ki dei na ka bynta ki rangbah jong phi ban bam, bad ka waiñ ka dei na ka bynta jong ki ban dih haba ki la thait ha ka ri khlaw.”

1 SYIEM 1:33

u ong ha ki, “Ïalam bad phi ïa ki rangbah synshar ka ïingbishar jong nga; pynshong ïa u Solomon, u khun jong nga halor u khashor jong nga, bad synran ïa u shathie sha ka Umpohliew Gihon,

1 SYIEM 10:26

U Solomon u lumlang ïa ki shihajar sawspah tylli ki kali ïapom bad khat-ar hajar tylli ki kulai thma. Katto katne na kita u buh ha Jerusalem, bad ïa kiba sah u buh ha kiwei pat ki nongbah.

SALM 9:14

ba nga lah ban ïeng ha khmat ki briew ka Jerusalem bad ïathuh ha ki ïa kiei kiei baroh kaba na ka bynta jong ki nga ïaroh ïa me. Ngan shadkmen namar me la pynim ïa nga.

ISAÏAH 12:6

Ai ba uwei pa uwei uba shong basah ha Seïon un pyrta bad un rwai! U Blei bakhuid jong ka Israel u long uba khraw, bad u shong hapdeng ki briew jong u.”

ISAÏAH 40:9

Ko Jerusalem, leit kiew sha u lumbah bajrong bad to pynbna ïa ka khubor babha! To kyang da ka sur bajam, ko Seïon; to pynbna ka khubor babha! To kren bad wat sheptieng. Ïathuh ïa ki shnong ka Judah ba U Blei jong ki u la wan!

ISAÏAH 62:11

Ba U Trai u la pynbna shaduh ka pyrthei baroh: “To ong ha ki paid ka Jerusalem ba U Trai un wan ban ïada ïa phi un wallam bad u ïa ki briew kiba u la pyllait im.”

ESEKIEL 34:24

Ma nga, U Trai, ngan long U Blei jong ki, bad u syiem kum u shakri jong nga u Dabid ba un long u nongsynshar jong ki. Nga la kren.

ESEKIEL 37:24

U syiem uba kum u Dabid, u shakri jong nga un long u syiem jong ki. Kin ïalong kawei hapoh uwei u nongsynshar bad kin kohnguh hok ïa ki aiñ jong nga.

HOSIA 1:7

Hynrei ngan pyn-i jingieit ïa ki briew ka Judah. Ma nga U Trai U Blei jong ki ngan pyllait im ïa ki; hynrei ngan ym leh ïa kata da ka thma — da ki waitlam lane ki ryntieh, bad ki khnam lane ki kulai bad ki shipai shong kulai.”

MIKAH 5:2

U Trai u ong, “Ko Bethlehem Ephrathah, pha long kaba rit tam na ki shnong ha Judah, hynrei na pha ngan pynmih ïa u nongsynshar ïa ki Israel, uba ka tynrai longïing jong u ka long na ki por mynbarim.”

JINGKHEIÑ 24:19

Ka jaitbynriew Israel kan ïuhroit ïa ki, Bad pynduh jait ïa kiba dang im baroh kiba dang sah.”

MATHAÏOS 11:29

To shim ïa ka lyngkor jong nga bad buh ïa ka halor jong phi, bad to hikai na nga, namar nga long uba jemnud bad uba sngewrit ha ka mynsiem; bad phin shem ka jingjahthait.

MATHAÏOS 2:2

“Hangno u don u khunlung uba la kha ban long u syiem jong ki Jiw? Ngi la ïohi ïa u khlur jong u mynba u la mih ha ka phang mihngi, bad ngi la wan ban mane ïa u.”

MATHAÏOS 2:6

“ ‘Ko Bethlehem ha ka ri Judah, pham long kaba rit tam hapdeng ki nongbah kiba paw jong ka Judah; namar na pha un mih u nongïalam u ban kdew lynti ïa ki briew jong nga ki Israel.’ ”

MATHAÏOS 21:6

Kumta ki synran ki la leit bad ki la leh ïa kaei kaba U Jisu u la bthah ïa ki:

LOUKAS 24:27

Bad U Jisu u la batai ha ki ïa kaei kaba la ong shaphang jong u hi ha baroh ki Jingthoh Bakhuid, da kaba sdang da ki kitab u Moses bad ki jingthoh jong ki nongïathuhlypa baroh.

ÏOANNIS 1:49

“Ko Nonghikai,” la jubab u Nathanael, “me long U Khun U Blei! Me long u Syiem ki Israel!”

2 KORINTH 10:1

Nga u Paul, nga pynlong ka jingkyrpad ïa phi — ïa nga ïa kaba la ong ba nga long uba jemnud bad jai jai haba nga don bad phi, hynrei uba eh haba nga don jngai na phi.

DEUTERONOMI 17:16

U syiem um dei ban pynbun ki kulai na ka bynta ïa lade, bad um dei ban phah briew sha Ijipt ban thied kulai nangta, namar U Trai u la ong ba ki briew jong u kim dei ban leit phai shata lano lano.

NONGBISHAR 12:14

U don sawphew ngut ki shynrang bad laiphew ngut ki ksiew shynrang, bad baroh hynñiewphew ngut ki don la ki jong ki kada. U Abdon u ïalam ïa ki Israel phra snem,

NONGBISHAR 5:10

Ïathuh ïa kata, phi kiba shong halor ki kada balieh, Kiba shong ha ki jin, Bad phi kiba hap ïaid kjat kat shaba phi leit.