MATHAÏOS 21:41 - Khasi CL Bible (BSI)

⁴¹ “Da shisha un pynïap ïa kito ki briew kiba sniew,” ki la jubab, “bad un aiwai ïa ka bri sohwaiñ ha kiwei pat ki nongshimwai, ki ban ai ha u ïa ka bhah jong u na ka jingkheit ha ka por kaba biang.”

KA BAIBL

⁴¹ Ki ong ha u, “Un pynïap sniew khoit keiñ ïa kita ki bymman, bad un sa ai wai ïa ka brisoh ha kiwei pat ki nongsumar, ki ban ai ïa ki soh ha u ha ki aïom jong ki.”

MATHAÏOS 21:41 ပူးပေါင်းရင်းမြစ်များ

SALM 2:9

Men pynkheiñ ïa ki da u diengduh nar; men pynpra ïa ki lyngkhot lyngkhai kum ïa u khiew khyndew.’”

ISAÏAH 65:15

Ki briew ba la jied jong nga kin pyndonkam ïa ka kyrteng jong phi kum ka jingtim. Ma nga, U Trai nongsynshar ngan pynïap ïa phi. Hynrei ngan ai ka kyrteng bathymmai ha kito kiba kohnguh ïa nga.

DANIEL 9:26

Bad ha kaba kut jong kata ka por ïa u nongïalam ba la jied jong U Blei yn pynïap khlem bishar hok. Ïa ka nongbah bad ïa ka Templ yn pynjot da ka kynhun shipai kaba hiarthma jong u nongsynshar badonbor. Kaba kut kan wan kum ka jingshlei um, ka da wallam ïa ka thma bad ïa ka jingpynjot kaba U Blei u la lah pynkhreh.

SEKHARAÏAH 12:12

Kawei pa kawei ka longïing ha ka ri kan ïambriew da lade: Ka longïing kaba la hiarpateng na u Dabid, ka longïing kaba hiarpateng na u Nathan, ka longïing kaba hiarpateng na u Lebi, ka longïing kaba hiarpateng na u Shimei, bad baroh kiwei pat ki longïing. Kawei pa kawei ka longïing kan ïambriew da lade hi, bad ki rangbah jong kawei pa kawei ka longïing kin ïa-ïam briew la ka jong hi kaba ïapher na ki kynthei.

SEKHARAÏAH 13:8

bad ha kylleng ka ri, ar na ka lai bynta ki briew kin ïap.

MATHAÏOS 21:34

Haba ka por ka la poi ban lumlang ïa ki sohwaiñ, u la phah ïa ki mraw jong u sha ki nongshimwai ban ïohpdiang ïa ka bhah jong u na ka jingkheit.

MATHAÏOS 21:40

“Mynta, haba u trai ka bri sohwaiñ u wan, kaei kaba un leh ïa kito ki nongshimwai?” U Jisu u la kylli.

MATHAÏOS 21:43

“Bad kumta nga ong ha phi,” U Jisu u la bynrap, “ïa ka Hima U Blei yn shim noh na phi bad yn ai ha ki briew ki ban pynmih ki soh kiba dei.”

MATHAÏOS 3:12

U don la ka byrsha pynher stait ban shoh ïa u kew baroh. Un lumlang ïa u kew ha ka thiar jong u, hynrei un thang ïa u stait ha ka ding ka bym ju lip.”

LOUKAS 20:16

“Un wan bad pynïap ïa kito ki rangbah, bad un ai ïa ka bri sohwaiñ ha kiwei pat ki nongshimwai.” Haba ki paidbah ki la ïohsngew ïa kane, ki la ong, “Ym kumta keiñ!”

KI KAM 15:7

Hadien ka jingïatainia kaba slem u Petros u la ïeng bad u la ong, “Ko hynmen ko para jong nga, phi tip ba la kham slem mynshuwa U Blei u la jied ïa nga napdeng jong phi ban ïalap ïa ka Khubor Babha sha ki Jentil, khnang ba ki lah ban ïohsngew bad ngeit.

KI KAM 18:6

Haba ki la ïa-pyrshah ïa u bad ki la ong kiei kiei kiba sniew shaphang jong u, u la pynpaw ïa ka jingsngew pyrshah da kaba kynther ïa u pui pui na ki jaiñ jong u bad ong ha ki, “Lada phi long kiba la jah noh, phi hi da lade phi dei ban shim ka jingkitkhlieh na ka bynta jong ka! Ngam don jingkitkhlieh. Naduh mynta ngan leit sha ki Jentil.”

KI KAM 28:28

Bad u Paul u la pynkut: “Phi dei ban tip, te, ba ïa ka khubor jong U Blei shaphang ka jingpynim la phah sha ki Jentil. Kin shahshkor!”

KI KAM 28:8

U Kpa jong u Publius u la don ha jingthiah, ba u pang khieshoh bad suh-ot. U Paul u la rung shapoh ka kamra jong u, u la duwai, u la buh ïa la ki kti halor jong u, bad u la pynkhiah ïa u.

1 THESSALONI 2:16

Ki la pyrshang wat ban pynsangeh ïa ngi na kaba ïalap ha ki Jentil ïa ka khubor ka ban wallam ka jingpynim ha ki. Ha kane ka rukom ki la pyndep ïa baroh ki pop kiba ki la ju ïai leh. Bad mynta ka jingbitar jong U Blei ha kaba kut ka la wan hiar halor jong ki!

HEBRU 12:25

Te, to sumar bad wat kyntait ban shahshkor ïa uta uba kren. Kita kiba kyntait ïa uta uba ïathuh ïa ka khubor ba kynja bneng ha pyrthei kim shym lait im. Sa katno tam ma ngi, ngin ïohlait im, te, lada ngi phai noh na uta uba kren na bneng.

HEBRU 2:3

Da kumno te ngin lait, lada ngi leh bymsuidñiew ïa ka jingpynim kaba khraw katta katta? U Trai hi u la pynbna nyngkong ïa kane ka jingpynim, bad kita kiba la ïohsngew ïa u ki pynshisha ha ngi ba ka long kaba shisha.