MATHAÏOS 21:24 - Khasi CL Bible (BSI)

²⁴ U Jisu u la jubab ïa ki, “Ngan kylli ïa phi tang kawei ka jingkylli, bad lada phi ai ha nga ka jubab, ngan ïathuh ha phi da ka bor aïu nga don ban leh ïa kine kiei kiei.

KA BAIBL

²⁴ Bad U Jisu u da ïathuh u la ong ha ki, “Nga ruh ngan kylli ïa phi kawei ka ktien, lada phin ïathuh ïa kata ha nga, nga ruh ngan ïathuh ha phi da ka bor aïu ba nga leh ïa kine kiei kiei ruh:

MATHAÏOS 21:24 ပူးပေါင်းရင်းမြစ်များ

MATHAÏOS 10:16

“To shahshkor! nga phah noh ïa phi kum ki langbrot sha ka kynhun ki suri. Phi dei ban phikir kum ki bseiñ bad kiba jemnud kum ki paro.

MATHAÏOS 21:23

U Jisu u la wan pat sha ka Templ; bad katba u dang hikai, ki rangbah lyngdoh bad ki tymmen ki san ki la wan sha u bad ki la kylli, “Me don hok aïu ban leh ïa kine kiei kiei? Mano ba ai ha me ïa kane ka hok?”

MATHAÏOS 21:25

Nangno ka hok jong u Ïoannis ban pynbaptis ka wan: hato ka long na U Blei ne na u briew?” Ki la sdang ban ïasaidnia para ma ki, “Aïu ngin ïa-ong? Lada ngi jubab ‘Na U Blei,’ un ong ha ngi, ‘Balei, te, phim ngeit ïa u Ïoannis?’

LOUKAS 6:9

Nangta U Jisu u la ong ha ki, “Nga kylli ïa phi: Aïu ka Hukum jong ngi ka shah ïa ngi ban leh ha ka sngi Sabbaton? Ban ïarap ne ban pynmynsaw? Ban pynim ïa ka mynsiem briew ne ban pynjot ïa ka?”

KOLOSSAI 4:6

Ka jingkren jong phi ka dei ban long borabor kaba sngewbang bad kaba sngewtynnat, bad phi dei ban tip kumno ban ai ka jubab kaba dei ha uwei uwei baroh.