MATHAÏOS 21:19 - Khasi CL Bible (BSI)

¹⁹ U la ïohi ïa u dieng Dumbur harud ka lynti bad u la leit sha u, hynrei um shem ei ei ha u lait noh tang ki sla. Kumta u la ong ha u dieng, “Men ym pynmih soh shuh!” Mar kumta hi u dieng Dumbur u la ïap tyrkhong.

KA BAIBL

¹⁹ Haba u la ïohi te ïa uwei u dieng Dumbur harud lynti, u la leit ha u, te um shym la shem ei ei ruh em ha u, hynrei, tang ki sla hi; u la ong te ïa u, “U soh un ym long shuh ha me lano lano ruh.” Te kumne kumne ruh u la ïap tyrkhong noh uta u dieng Dumbur.

MATHAÏOS 21:19 ပူးပေါင်းရင်းမြစ်များ

ISAÏAH 5:2

U la tih ïa ka khyndew bad u la weng ïa ki maw na ka; u la thung ïa ki dieng sohwaiñ kiba kynsai. U la tei ka jaka ap phira ban khmih sumar ïa ki, u la tih ka thliew na ka bynta ban ïuh ïa ki sohwaiñ. U la ap ïa ki sohwaiñ ban ih, hynrei uwei pa uwei u sohwaiñ u long uba jew.

JEREMAÏAH 8:13

“Nga la kwah ban lumlang ïa ki briew jong nga, kumba u briew u lumlang ïa ka jingot jong u; hynrei ki long kum u dieng sohwaiñ khlem ki sohwaiñ, kum u diengsoh Dumbur khlem ki soh Dumbur; wat ki sla ki la jlop. Namar kata, nga la shah ïa kiba nabar ban shim noh ïa ka ri.”

MATHAÏOS 21:20

Ki synran jong u ki la ïohi ïa kane bad ki la lyngngoh, “Kumno u dieng Dumbur u tyrkhong stet katta katta?” Ki la kylli.

MARKOS 11:14

U Jisu u la ong ha uta u dieng Dumbur, “Yn ym don shuh lano lano u ban bam soh na me!” Bad ki synran ki la ïohsngew ïa u.

MARKOS 11:20

Dang step bha ha ka step kaba bud, katba ki dang ïaid ha kata ka lynti, ki la ïohi ïa uta u dieng Dumbur. U la ïap baroh shi rynïeng haduh ki thied.

LOUKAS 3:9

U sdie u la khreh ban khet ïa ki dieng na ki thied; ïa uno uno u dieng baroh u bym sei u soh babha yn khet noh bad bret ha ka ding.”

ÏOANNIS 15:2

U ngor noh ïa kano kano ka tnat kaba don ha nga ka bymseisoh, bad u khyllad ïa kano kano ka tnat kaba seisoh, khnang ba kan long khuid bad kan kham seisoh.

ÏOANNIS 15:6

Ïa uno uno u bymïaineh ha nga yn bret noh ïa u kum ka tnat bad u ïap tyrkhong; kum ïa kita ki tnat, la lumlang bad la bret noh ha ka ding, ha kaba la thang ïa ki.

2 TIMOTHI 3:5

ki bat ïa kaba paw shabar jong ka niam jong ki, hynrei kin kyntait ïa ka bor bashisha jong ka. To kiar noh na kiba kum kita ki briew.

TITOS 1:16

Ki kam ba ki tip ïa U Blei, hynrei ki jingleh jong ki, ki len ïa kata. Ki long kiba dap da ka jingisih bad bymkohnguh, ki bym biang ban leh ïa kano kano kaba bha.

JUDAH 1:12

Da ki jingkhroh bym don jinglehrain, ki long ka jingthohbria ha ki jingkhawai ïasyllok jong phi. Ki kitkhia tang na ka bynta ïa lade. Ki long kum ki lyoh ba rah ka lyer, hynrei khlem wanrah slap. Ki long kum ki dieng ba khlem soh, wat ha ka synrai, ki dieng ba la rat naduh ki thied bad kiba la ïap noh.

JINGPYNPAW 22:11

Uno uno uba sniew u dei ban ïai leh sniew, bad uno uno uba jaboh u dei ban ïai jaboh; uno uno uba bha u dei ban ïai lehbha, bad uno uno uba khuid u dei ban ïailong khuid.”