MATHAÏOS 21:15 - Khasi CL Bible (BSI)

¹⁵ Ki rangbah lyngdoh bad ki nonghikai ka Hukum ki la bitar haba ki la ïohi ïa kiei kiei kiba phylla kiba u la leh bad ba ki khynnah ki ïa-pyrta ha ka Templ, “To ïaroh ïa U Khun u Dabid!”

KA BAIBL

¹⁵ Haba ki rangbah lyngdoh bad ki nongthoh ki la ïohi ïa kita ki kam phylla kiba u la leh, bad ïa ki khynnah ba ki ïapyrta ha ka templ, bad ba ki ïa-ong ruh, “Hosanna ïa U khun u Dabid!” ki la sngewbitar eh,

MATHAÏOS 21:15 ပူးပေါင်းရင်းမြစ်များ

ISAÏAH 26:11

Ki nongshun jong me kim tip satia ba men pynshitom ïa ki. A Trai, buh ïa ki ha ka jingjahburom bad ai ba kin jynjar; ai ba kin jynjar da ka jingpynshitom kaba me la pynkhreh. To pyn-i ïa ki haduh katno me ieit ïa la ki briew.

MATHAÏOS 20:24

Haba kiwei pat ki shiphew ngut ki synran ki la ïohsngew shaphang kane, ki la bitar ïa kita ar ngut shi para.

MATHAÏOS 21:23

U Jisu u la wan pat sha ka Templ; bad katba u dang hikai, ki rangbah lyngdoh bad ki tymmen ki san ki la wan sha u bad ki la kylli, “Me don hok aïu ban leh ïa kine kiei kiei? Mano ba ai ha me ïa kane ka hok?”

MATHAÏOS 21:9

Ki paidbah kiba la ïaid ha khmat jong U Jisu bad kito kiba la bud nadien ki la sdang ban pyrta, “To ïaroh ïa U khun u Dabid! U Blei u kyrkhu ïa uta uba wan ha ka kyrteng jong U Trai! To ïaroh ïa U Blei!”

MATHAÏOS 22:42

“Phi pyrkhat kumno shaphang u Messaïah? U dei u nonghiarpateng jongno?” “U dei uba hiarpateng na u Dabid,” ki la jubab.

MATHAÏOS 26:3

Nangta ki rangbah lyngdoh bad ki tymmen ki san ki la ïakynduh lang ha ka ïing paki dulan jong u Kaïaphas, u Rangbah Lyngdoh,

MATHAÏOS 26:59

Ki rangbah lyngdoh bad ka Dorbar baroh kawei ki la pyrshang ban lap ki sabut lamler pyrshah ïa U Jisu ban pynïap ïa u;

MATHAÏOS 27:1

Dang step phyrngab, baroh ki rangbah lyngdoh bad ki tymmen ki san ki la pynlong ki jingthmu jong ki pyrshah ïa U Jisu ban pynïap ïa u.

MATHAÏOS 27:20

Ki rangbah lyngdoh bad ki tymmen ki san ki la pynkohnguh ïa u paidbah ban kyrpad ïa u Pilat ban pyllait ïa u Barabbas bad ban pynïap ïa U Jisu.

MATHAÏOS 9:27

U Jisu u la mihnoh na kata ka jaka, bad katba u dang ïaid, ar ngut ki rangbah kiba matlah ki la sdang ban bud ïa u. “To isynei ïa ngi, ko khun u Dabid!” ki la pyrta.

MARKOS 11:18

Ki rangbah lyngdoh bad ki nonghikai ka Hukum ki la ïohsngew ïa kane, kumta ki la sdang ban ïawad da kano ka lad ban pynïap noh ïa U Jisu. Ki la sheptieng ïa u, namar uta u paidbah baroh u la sngewphylla ïa ka jinghikai jong u.

LOUKAS 20:1

Ha kawei ka sngi mynba U Jisu u don ha ka Templ, u da hikai ïa ki briew bad ïalap ïa ka Khubor Babha; ki rangbah lyngdoh bad ki nonghikai ka Hukum, lem bad ki tymmen ki san, ki la wan bad ong ha u,

LOUKAS 22:2

Ki rangbah lyngdoh bad ki nonghikai ka Hukum ki la sheptieng ïa u paidbah, bad kumta ki la pyrshang ban wad lad ban pynïap ïa U Jisu ha kaba jar jar.

LOUKAS 22:66

Haba ka la long mynsngi, ki tymmen ki san, ki rangbah lyngdoh, bad ki nonghikai ka Hukum ki la ïashem lang, bad ïa U Jisu la wallam ha khmat ka dorbar.

ÏOANNIS 11:57

Ki rangbah lyngdoh bad ki Pharisi ki la ai ïa ka hukum ba lada uno uno u tip hangno ba U Jisu u don, u dei ban wanrah khubor, khnang ba kin ïohkem ïa u.

ÏOANNIS 12:19

Ki Pharisi ki la ïakren para ma ki, “Phi ïohi, ngim shym lah leh ei ei ruh em! Khmih, ka pyrthei baroh kawei ka ïabud ïa u!”

ÏOANNIS 4:1

Ki Pharisi ki la ïohsngew ba U Jisu u la nang ïoh kham bun ki synran bad u la nang pynbaptis kham bun ban ïa u Ïoannis.

ÏOANNIS 7:42

Ka Jingthoh Bakhuid ka ong ba U Messaïah un long uba hiarpateng na u Syiem Dabid bad yn kha ïa u ha Bethlehem, ka shnong ha kaba u Dabid u la im.”