MATHAÏOS 21:12 - Khasi CL Bible (BSI)

¹² U Jisu u la leit shapoh ka Templ bad u la beh noh ïa baroh kito kiba ïadie bad kiba ïathied hangta. U la pynkylla khongpong ïa ki miej jong ki nongïapeiñ sbai bad ïa ki jaka shong jong kito kiba die paro,

KA BAIBL

¹² U Jisu te u la leit hapoh ka templ, bad u la beh noh baroh ïa kiba die bad ba thied ha ka templ, bad u la pynkyllon ïa ki miej jong ki nongïapeiñ sbai, bad ïa ki jingshong jong kita kiba die ïa ki paro;

MATHAÏOS 21:12 ပူးပေါင်းရင်းမြစ်များ

EKSODOS 30:13

Uwei pa uwei uba la shah kynthup ha ka jingkheiñbriew u dei ban siew ïa ka dor ba la buh, kat kum ka jingthew ha ka jaka kyntang, uwei pa uwei un siew ïa kane kum ka jingainguh sha nga.

LEBITIKOS 1:14

Lada uta u briew u ai jingkñia da ka sim kum ka jingainguh thang, ka dei ban long ka paro ne ka lyngdkhur.

LEBITIKOS 12:6

Ynda ka por pynkhuid ïa ka, ka la kut, la ka long na ka bynta u khun ne ka khun, ka dei ban wallam sha u lyngdoh ha ka jingkhang jong ka Ïingjaiñ ka Jingdon Ryngkat U Trai ïa u khunlangbrot uba shisnem kum ka jingainguh thang bad ïa ka lyngdkhur ne ka paro kum ka jingainguh namar ka pop.

LEBITIKOS 12:8

Lada kata ka kynthei kam lah ban ai ïa u khunlangbrot, kan wallam ar tylli ki lyngdkhur ne ar tylli ki paro, kawei na ka bynta ka jingkñia ainguh thang bad kawei pat na ka bynta ka jingkñia ainguh namar ka pop bad u lyngdoh un pynlong ka jinglehniam ban shim noh ïa ka jingbymkhuid jong ka, bad kan sa long kaba la pynkhuid.

LEBITIKOS 14:22

Un wallam ruh ar tylli ki paro ne ki lyngdkhur, kawei na ka bynta ka jingkñia namar ka pop, bad kawei pat na ka bynta ka jingkñia ainguh thang.

LEBITIKOS 14:30

Nangta un kñia ïa kawei na kita ki paro lane ki lyngdkhur

LEBITIKOS 15:14

Ha ka sngi kaba phra un leit rah ar tylli ki paro lane ar tylli ki lyngdkhur sha ka jingkhang jong ka Ïingjaiñ ka Jingdon Ryngkat U Trai bad un ai ha u lyngdoh.

LEBITIKOS 15:29

Ha ka sngi kaba phra, kan leit rah ar tylli ki paro lane ki lyngdkhur sha u lyngdoh ha ka jingkhang jong ka Ïingjaiñ ka Jingdon Ryngkat U Trai.

LEBITIKOS 5:11

Lada u briew um kotbor ban wanrah ar tylli ki paro ne ar tylli ki lyngdkhur, un wallam shi kilo u 'purew kum ka jingkñia namar ka pop. Um dei ban theh kano kano ka umphniang Olib ne kano kano ka jingiwbih halor jong u, namar ka dei ka jingkñia namar ka pop, ym ka jingkñia bam.

LEBITIKOS 5:7

Lada u briew um kotbor ban wallam da ka langbrot ne da ka blang, un wanrah sha U Trai ar tylli ki paro ne ar tylli ki lyngdkhur kum ka jingpli ïa la ka pop, kawei na ka bynta ka jingkñia namar ka pop bad kawei pat na ka bynta ka jingkñia ainguh thang.

MARKOS 11:11

U Jisu u la rung sha Jerusalem, u la leit sha ka Templ, bad u la khmih sawdong ïa kiei kiei baroh. Hynrei namar ba ka la dier eh ha kata ka sngi, u la mih bad leit sha Bethania ryngkat bad ki khat-ar ngut ki synran.

LOUKAS 2:24

Ki la leit ruh ban ai jingkñia da shi jur ki lyngdkhur lane ar tylli ki khun paro, kumba la dawa da ka aiñ jong U Trai.

ÏOANNIS 2:13

Ka la jan dei artat ka por na ka bynta ka Jingkhawai Niam Ka Jinglait, kumta U Jisu u la leit sha Jerusalem.