MATHAÏOS 21:1 - Khasi CL Bible (BSI)

¹ Katba U Jisu bad la ki synran ki la poi hajan ka Jerusalem, ki la wan sha Bethphage ha u lum ki Olib. Hangta U Jisu u la nang phah sha khmat ar ngut na ki synran lem bad kine ki jingbthah:

KA BAIBL

¹ Te ynda ki la poi hajan Jerusalem, bad ki la wan ha Bethphage, ha u lum Olib, ynda kumta, U Jisu u la phah ar ngut ki synran,

MATHAÏOS 21:1 ပူးပေါင်းရင်းမြစ်များ

SEKHARAÏAH 14:4

Ha kata ka por un ïeng halor u lum Olib, ha ka phang mihngi jong ka Jerusalem. Te ïa u lum Olib yn sa kad arliang na mihngi sha sepngi da ka them kaba khraw. Shiteng jong u lumbah un kynriah shaphang shatei bad shiteng jong u shaphang shathie.

MATHAÏOS 20:34

U Jisu u la isynei ïa ki bad u la ktah ïa ki khmat jong ki; mar kumta hi ki la lah ban ïohi, bad ki la bud ïa u.

MATHAÏOS 21:2

“Khie leit sha ka nongrit kaba hangta ha khmat jong phi, bad shisyndon phin shem ïa ka kada kaba la teh lem bad u khun kada hajan jong ka. Loit noh ïa ki bad wallam ïa ki sha nga.

MATHAÏOS 24:3

Katba U Jisu u dang shong halor u lum ki Olib, ki synran ki la wan sha u ha kaba jar jar. “To ïathuh ha ngi lano kane baroh kan long,” ki la kylli, “bad kaei ka ban jia ban pyn-i ba ka la dei ka por ïa ka jingwan jong me bad kaba kut ka Ïa.”

MATHAÏOS 26:30

Nangta ki la ïarwai jingrwai bad ki la leit noh sha u lum ki Olib.

MARKOS 13:3

U Jisu u dang shong halor u lum ki Olib, pyrshah ïa ka Templ, mynba u Petros, u Jakob, u Ïoannis bad u Andriw ki la wan jar jar ha u.

MARKOS 14:26

Nangta ki la rwai ïa ka jingrwai bad ki la leit noh sha u lum ki Olib.

LOUKAS 21:37

U Jisu u la pynlut ïa kita ki sngi da kaba hikai ha ka Templ, bad haba ka janmiet ka la poi, u ju mihnoh shabar bad pynlut ïa ka miet ha u lum ki Olib.

LOUKAS 22:39

U Jisu u la mihnoh na ka nongbah bad u la leit, kumba u la ju leh, sha u lum ki Olib; bad ki synran ki la leit lem bad u.

ÏOANNIS 8:1

Nangta uwei pa uwei u la leit phai sha ïing, hynrei U Jisu u la leit sha u lum ki Olib.

KI KAM 1:12

Nangta ki apostol ki la leit phai pat sha Jerusalem na u lum ki Olib, uba jngai kumba shi kilomitar na ka nongbah.