MATHAÏOS 20:34 - Khasi CL Bible (BSI)

³⁴ U Jisu u la isynei ïa ki bad u la ktah ïa ki khmat jong ki; mar kumta hi ki la lah ban ïohi, bad ki la bud ïa u.

KA BAIBL

³⁴ U Jisu te ba u la sngewsynei, u la ktah ïa ki khmat jong ki: te kumne kumne ruh ki khmat jong ki, ki la peit, bad ki la ïabud ïa u.

MATHAÏOS 20:34 ပူးပေါင်းရင်းမြစ်များ

SALM 119:67

Ha shuwa ba men pynshitom ïa nga, nga la ju ïaid sakma; hynrei mynta nga kohnguh ïa ka ktien jong me.

SALM 119:71

Ka jingpynshitom jong nga ka la long kaba bha ïa nga, namar ka pynlong ïa nga ban nang ïa ki hukum jong me.

SALM 145:8

U Trai u long uba dap da ka jingieit bad uba isynei, uba suki ban bitar bad uba dap da ka jingieit baneh.

MATHAÏOS 14:14

U Jisu u la hiar na ka lieng, bad haba u la ïohi ïa u paidbah babun, ïa ka dohnud jong u la pyndap da ka jingisynei ïa ki, bad u la pynkhiah ïa kito kiba la pang.

MATHAÏOS 15:32

U Jisu u la khot ïa la ki synran sha lade bad u la ong, “Nga isynei ïa kine ki briew, namar ki la ïadon bad nga la lai sngi bad mynta kim don ei ei ban bam. Ngam kwah ban phah noh ïa ki khlem da bsa ïa ki, naba ki lah ban ïapler ha ka lynti jong ki sha la ïing.”

MATHAÏOS 20:33

“Ko Kynrad,” ki la jubab, “ngi kwah ïa me ban ai ha ngi ka jinglah ban ïohi!”

MATHAÏOS 21:1

Katba U Jisu bad la ki synran ki la poi hajan ka Jerusalem, ki la wan sha Bethphage ha u lum ki Olib. Hangta U Jisu u la nang phah sha khmat ar ngut na ki synran lem bad kine ki jingbthah:

MATHAÏOS 8:15

U la ktah ïa ka kti jong ka, ka jingshit ka la iehnoh ïa ka, bad ka la khie joit bad ka la sdang ban shakri ïa u.

MATHAÏOS 9:29

Nangta U Jisu u la ktah ïa ki khmat jong ki bad u la ong, “Ai ba kan jia long, te, kumba phi ngeit!” —

MATHAÏOS 9:36

Haba u la ïohi ïa ki paidbah, la pyndap ïa ka dohnud jong u da ka jingsngewsynei na ka bynta jong ki, namar ki la khuslai bad kim lah ban leh ei ei, kum ki langbrot khlem u nongsharai.

MARKOS 7:33

Kumta U Jisu u la shim ïa u tang marwei na u paidbah, U la buh ïa la ki shympriah kti ha ki shkor jong uta u briew, U la biah, bad U la ktah ïa u thylliej jong uta u briew.

LOUKAS 18:43

Hangta hi u la lah ban imat pat, bad u la bud ïa U Jisu, da kaba ainguh ïa U Blei. Haba ki paidbah ki la ïohi ïa kata, ki la ïaroh ïa U Blei.

LOUKAS 22:51

Hynrei U Jisu u la ong, “Keiñ noh kane!” U la ktah ïa ka shkor jong uta u briew bad u la pynkhiah ïa u.

LOUKAS 7:13

Haba U Trai u la ïohi ïa ka, la pyndap ïa ka dohnud jong u da ka jingisynei ïa ka, bad u la ong ha ka, “Wat ïam.”

KI KAM 26:18

Me dei ban pynpeit ïa ki khmat jong ki bad pynphai ïa ki na ka jingdum sha ka jingshai, bad na ka bor jong u Soitan sha U Blei, khnang ba da ka jingngeit jong ki ha nga kin ïoh ka jingmap noh ïa ki pop jong ki bad ïohpdiang ïa la ka jaka hapdeng ki briew kiba la jied jong U Blei.’

HEBRU 2:17

Kane ka mut, ba u dei ban long uba syriem kum ki para jong u ha kiei kiei baroh, ba un ïoh long u rangbah lyngdoh uba lah ban shaniah bad uba sngewsynei ha ka jingshakri ïa U Blei, kumta ba yn ïohmap noh ïa ki pop ki briew.

1 PETROS 3:8

Kum ban pynkut: Phi baroh to ïadon kajuh ka jingmut bad kajuh ka jingsngew, to ïa-ieit iwei ïa iwei pat kum shi para, bad to long kiba sbun mynsiem bad kiba sngewrit iwei ïa iwei pat.